قامت جريدة الاهرام بعمل استفتاء حول بقاء الشريعة الاسلامية فى الدستور
ارجو المشاركة ستجد الاستفتاء فى نصف الصفحة من الجهة اليسرى
ط§ظ„ط£ظ‡ط±ط§ظ… ط§ظ„ظٹظˆظ…ظ‰
ط§ظ„ط£ظ‡ط±ط§ظ… ط§ظ„ظٹظˆظ…ظ‰
قامت جريدة الاهرام بعمل استفتاء حول بقاء الشريعة الاسلامية فى الدستور
ارجو المشاركة ستجد الاستفتاء فى نصف الصفحة من الجهة اليسرى
ط§ظ„ط£ظ‡ط±ط§ظ… ط§ظ„ظٹظˆظ…ظ‰
ط§ظ„ط£ظ‡ط±ط§ظ… ط§ظ„ظٹظˆظ…ظ‰
قصدك الاهرام عملة فتنة على اليسار مش استفتاء على اليسار !!
و هما محتاجين استفتاء عشان يعرفوا
طبعا اسلامية
مع التاكيد على انها مدنية و تحت قبتها المسلم = المسيحى
هو الإسفاف و التخلف الصحفي ده
الماده دي محدش هيقدر يتعرضلها و ده معروف
و برضه معروفه المواد اللي هتتعدل في الفتره دي لازمتوا إيه بقى الكلام عن المادة 2
كتر الكلام فى الموضوع ده هيعمل فتنة
والله شوية ناس عاوزة تقولع فى البلد لسه النظام بيبخ السم فى عقول الناس يعنى كتر الكلام فى الحوار ده بيخلى الناس تبدا تفكر فى حاجات وحشة تضر البلد
مش فاهم ايه لازمة الكلام داه غير الفتنة؟؟؟؟؟؟؟
الموضوع ده غير قابل للأستفتاء بالمره الشريعه الأسلاميه ستظل باقيه الي ابد الأبدين وسيتم العمل بها ولن يتم تعطيلها مره آخري بأذن الله والأهرام لسه دوره جاي وقيادته ستحاسب علي الأعلام المغلوط الذي كان يقدمه
والجبش عامل نفسه من بنها واحلى تواطؤ منه
هل هتبقى مسلم كمان سنتين تلاته ولا ممكن تغير
حسب الله ونعم الوكيل
المادة دي أساسا خط أحمر ولن يتم الاقتراب منها.
لا استفتاء في أمر مسلم به
دي ركن من اركان الدولة المصرية الاسلامية
أعلام مثير للفتنة سواء عن جهل أو علم وقصد عالم وجودها مضر أكتر من عدم وجودها
فرضا أتعمل الأستفتاء وبعدين مين ألي هايعترف بيه ولا الجهة الرسمية المسؤلة عنه
بلاش هيافة يا أهرام
وأدي خبر من أخبارهم ألي كدبها التلفزيون
http://www.ahram.org.eg/images/px_wight.jpg الجيش المصري يدرس طلبا لعبور
سفينتين إيرانيتين قناة السويس قال الجيش المصري في بيان اليوم الجمعة إنه يدرس طلبا إيرانيا لعبور سفينتين حربيتين قناة السويس وإنه أبلغ بأنهما لا تحملان معدات عسكرية أو محتويات نووية أو كيماوية.
[تعليقات - 37]
انا مش قادر افهم الماده التانيه تعباهم قوي ليه كده و منغصه عليهم عيشتهم
مع العلم انها علي الورق بس يعني تقريبامعطله
والاخوه علي الطرف الاخر عاملين مناحه علشان طارق البشري هو رئيس بجنه التعديلات الدستوريه
كانوا عايزين واحد حديث ولا عنده انتماء لاءي دين
كان يبقي زي الفل
غباء سياسى
والمراد به احداث بلبله
يعنى بالعقل كده عدد المسلمين كام وعدد الاخوه المسيحيين كام
ده نص المادة الثانية: الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع.
غالبية المصريين من المسلمين ، فدى مافيهاش مشكلة
ولغتنا جميعاً هى اللغة العربية ، فدى برضه مافيهاش مشكلة.
جزئية الشريعة الإسلامية المصدر الرئيسى للتشريع، ممكن حد يفيدنى بأمانة لو تم تفعيلها ايه آثارها السلبية على غير المسلمين فى مصر، وهل تمس مبدأ المواطنة والمساواة فى شئ؟؟
يا ريت تنورونا علشان أقدر أبلور رأى فى الموضوع ده كمواطن مصرى غير مسلم.
من المعروف إن كل دول اوروبا محددة إن الديانة الرسمية فيها هي المسيحية ومحدش مسلم هناك اعترض او طلب يشيل المادة دي من الدستور عندهم
بعد مؤسسة الاهرام ( اللي كانت عريقة ) ما فقدت مصداقيتها تماما في تغطية احداث الثورة
تريد الآن ان تجذب انتباه الناس باي شكل لكي تعود الى ذاكرة الناس من جديد ......
زي ما واحد يعمل استطلاع : هل تؤيد بقاء النيل يجري في مصر ... ام تريد نقله الى اسرائيل
مصر يا محترمين يا بتوع الاهرام مش مجرد بلد اسلامي .... مصر قلب الاسلام ومنارته ..... شاء من شاء وأبى من أبى
العلماء الاسلاميون المصريون هم الاغلبية حتى في السعودية
ربنا يجازي كل واحد حسب نيته
مرة واحد غير مصري قابلتة في المسجد النبوي قاللي : عندنا مقولة في بلدنا ان القرءان نزل في مكة ..... وكتب في اسطنبول .... وقرئ في مصر .... ودي كناية عن ان مصر هي مدرسة القرءان والقراءات والتجويد على مر العصور
استطلاع سخيف وفقير ولا يمت للصحافة المحترمة بأي صلة
الأهرام بصراحة سقطت من حساباتي من زماااان مش بس هيا .... ومعظم وسائل الاعلام الحكومية المصرية
وعلشان ارجع اصدقهم تاني ................ عاوز سنين
بعيدا عن من يثيرون الفتنة دعونا نسد عليهم كل الطرق ونبدأ نحن بما يفكرون فيه ولنختار مانريد .. بمعنى اوضح كلنا نشارك فى هذا الاستفتاء بل نقوم نحن بعمل استفتاء فى جميع وسائل الاعلام وان شاء الله النتيجة مضمونة وكلنا طبعا عارفينها وذلك حتى نقطع عليهم الطريق ونقطع ألسنتهم ونجعلهم لا يتجرأون بعد ذلك على التفكير بهذا الأمر
هل تؤيد بقاء مادة "الشريعة الإسلامية" في الدستور؟
نعم ( 49% )
245579 صوت
لا ( 51% )
253550 صوت
غير مهتم ( 0% )
362 صوت
ديل الكلب عمرو مايتعدل
مبارك لسه ديلو بيلعب
اسامه سرايا ده ......... الحدق يفهم
استطلاع سخيف جدا والمقصود منه احداث فتنه وبلبله
انا مش عارف اسامه سرايا دا قاعد لحد دلوقتى بيعمل ايه
نعم ( 48% )
267470 صوت
لا ( 52% )
286715 صوت
غير مهتم ( 0% )
393 صوت
لا دي مقصودة والمقصود بيها عمل فتنة كمان.. في خلال 20 دقيقة أكتر من 50000 صوتوا أذاي يعني مش فاهم!!!
المقصود ان نسبة تصويت لا يكون أكتر ومن هنا تبدأ الفتنة بس المرة دي من المسلمين وهيكونوا في موقف دفاع.. غيروا في أساسيات اللعبة القذرة بتاعتهم.
بس أنا متأكد ان الاخوة الاقباط أذكي من كدا بكتير وعارفين ان المادة دي مستحيل انها تتغير ومتأكدين كمان ان المادي 2 من الدستور لا تؤثر سلبا عليهم بأي شكل من الاشكال.
هو المقصود الفتنة بينا يا باشا بعد اللي شافوه من تالف ومحبة
اساسا الماده دي دخولها الدستور له قصة تتعلق بتمرير مادة تانية جنبها عن عدم تحديد فترات الرئاسة
وعايز اسئلك بصراحة من ساعة ما اتحطت انت شايف انها متطبقة بالشكل اللي في دماغك ؟
طبعا سؤالك مشروع خصوصا عن تغير العهد
بس لو نظرت للدستور ككل ستجد ان هذه المادة لزوم ما لا يلزم خصوصا ان الدستور الجديد هيكون حامي للحريات والمواطنة الحقيقية
المواطنة اللي اتطبقت فعلا في الثورة ومش محتاجة مواد دستورية لاننا تعدينا المرحلة دي
ولكن علشان اطمنك تصوري ان مبادئ الشريعة الاسلامية (لاحظ كلمة مبادئ) بتطبق فعلا بس على المسلمين مش المسيحيين وتجد ذلك في قوانين الاحوال الشخصية زواج وطلاق والتركات الخ الخ
ومتنساش ان مبادئ الشريعة الاسلامية تكفل للجميع الحق في حرية العقيدة
واعتقد ان المسيحيين ليهم برضوا شرائع وقوانيين بيطبقوها على نفسهم
ارجو من الاخوة المسيحيين ميخافوش من كلمة شريعة اسلامية لان الشريعة غير العقيدة
الشريعة متغير والعقيدة ثابت
يعني انت تخاف من المسلم لو هيغير عقيدتك وده ضد مبادئ الدين الاسلامي (لا اكراه في الدين)
كما ان عندنا نصوص في القرآن توضح طريقة التعامل مع اهل الكتاب وهو في حد ذاته اعتراف صريح بتناغم المسلمين مع اهل الكتاب مثل النص القرآني
"وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ "[المائدة:5]
لكن ميحلش للمسلم اكل طعام البوذيين .. فاهمني
اللي اقصده متخافش من الشريعة لان هدفها كما قال العلماء هو حفظ الضروريات الخمس "الدِّينُ، والنفس، والعقل، والنسل، والمال"
يعني المسلم ممكن يخالف نص صريح في شريعته اذا تعارض مع احد الضروريات الخمسة وده اللي اقصده من انها متغيرة
حبيت اوضح النقطة دي في الفرق بين العقيدة والشريعة علشان بيتهيألي ان المسيحيين بيخلطوا بينهم وعلشان لما تقرا نص المادة وتلاقيها تتكلم عن مبادئ الشريعة "وحتى ليس كل الشريعة" تتطمن ان ملهاش علاقة بالعقيدة وهي التدين لله بأي دين سماوي فالتدين شئ شخصي لا يمكن لاحد ان يفرضه عليك
ولما قلنا يجب التخلص من اذناب النظام المخلوع واللي منهم رؤساء مجالس ادارة ورؤساء تحرير الصحف القومية
فيه ناس قالو اطلعو من البلد خلينا نشرب فتن بقى
استفتاء لتغيير اسم عائلة اسامة بتاع الاهرام بتغيير السين الى خاء
الموافقون : 100%
تخيلوا عدد المصوتين على وشك يوصل مليون، ده الأهرام دي فل قوي، وكمان الرافضين 52 % ، وكمان بيانات أليكسا بتقول إن فيه ارتفاع جامد جدا في تصفح الموقع النهارده، كل هذا رغم إن المادة الثانية غير مطروحة للتعديل من الأصل.
يعنى لما نصوت - هنصوت فى الاهرام !!!
صحيح اللى اختشو ماتووووو
بصراحه انا شايف ان مصر دوله عربيه اسلاميه وانا مسيحى و مولود هنا وعايش هنا من 30 سنه و شايف معامله الناس حواليا ومش محتاج لا ماده و لا بتنجان - انا مستريح كده ومش عاوز حد يبقى متضايق من حد و الناس تشيل من بعضها نتيجه عمله الحكومه هى اللى قصداها فى الاساس
اللى انا عاوزه فعلا يطبق قانون دور العباده الموحد ده اللى الحكومه مبهدلانا بيه و عليه كانت بتقوم و تقعد الدنيا من فتن و قله ادب وكفايه بقى نبص ورا وياريت نبص قدامنا -وعموما القافله تسير و الكلاب تعوى - خليهم يعوا كده ومحدش يسمعلهم - ده افضل حل
تحياتى للجميع
هل تؤيد مادة الشريعة الاسلامية فى الدستور المصرى
55% لا اؤيد
بالتالى المسيحين كلهم قالو لا
(المتحدث جريدة الاهرام)
وبنائا عليه
المطلوب ان الخوة المسلمون اما يشوفو حد زى mikology يقولوا
سحقا لك
اقيمو عليه الحد
مصر دولة جهادية اسلامية
هؤلاء هم اعداء الاسلام و اعداء الامة الزناديق
( المتحدث جريدة الاهرام )
ولكن احنا هنقول
عامل ايه يا mikology يا زميلى
وحشتنى يا اخويا
منور المنتدى بتاعنا احنا الاتنين :)
( المتحدث الشعب المصرى ما بعد 25 يناير )
طيب ايه رأيكو ف الفكرة دي لسه جيالي لما الاهرام عامل فيها فتك اوي والديموقراطية
تيجي نحاربهم بسلاحهم
هنعمل استفتاء هل هنقرا جريدة الاهرام تاني ولا لا وساعتها اظن هتبقى ضربة جامده ليهم لأن ناس كتير هتقول لا عشان قلة ادبهم وتطاولهم على ماده غير قابله للتعديل
والله انا نفسي الاهرام تفلس والناس هناك تروح ف داهية بحق ماهما بيعملو فتنة
أنا لن أصوت لعدم أعترافي بجدية التصويت ووضوح أهدافه السلبية وعدم جدواه من الناحية القانونية
حتى لو تصويت 100% في صالح تغيير المادة خلو الأهرام يبله ويشرب ميته
مينفعش نقول الكلاب تعوى والكلام ده لازم نرد عليهم بأسلوبهم على العموم
نعم ( 58% )
964991 صوت
لا ( 42% )
706202 صوت
غير مهتم ( 0% )
730 صوت
دى النتيجه دلوقتى وانا صوتت ولازم كلنا نصوت عشان نرد على الكلاب دول
هما ده اللى هما عايزينه بالضبط
اننا نشارك
يبقى فيه فريقين (فرق تسد)
فريق مؤيد
و فريق معارض
وكده تبقى الفتنة اللى هما بيخططولها نجحت تماما (و اللى يأكد الكلام ان دى فتنة ان شيخ الازهر قال ان المادة غير مطروحة للتعديل)
واحنا نفذنا اللى هما عايزينه فى خطة الثورة المضادة
طب ايه الحل
1-مقاطعة التصويت تماما
لو أن كل كلبا عوى القمته حجرا....*لأصبح الصخر مثقال بدينار
نعم عندما تلجمهم بالحجارةسترفع ثمن هذا الحجر وتنزل
في مهاويهم ومستوياتهم.
2-رفع دعوة على مؤسسة الاهرام نتهمها باثارة الفتنة بين عنصرى الائمة
(الكلام بتاع اسامة سرايا ايام ما كان سيده موجود)
(يا ريت لو فيه حد من اخوانا المحامين فى المنتدى يقدر يفيدنا فى الموضوع ده)
3-لازم نبقى على وعى بكل ما يخطط لنا
فالمؤمن كيس فطن
و اخيرا تقبل تحياتى
يا باشا التصويتات دي fake غير حقيقيةاقتباس:
وانا صوتت ولازم كلنا نصوت عشان نرد على الكلاب دول
تمام انا معاك فى كلامك بس العمليه مش مستاهله اننا نتكلم
نتعامل معاهم بسياستهم وبوظلهم الاستفتاء
مش هما عاوزينه للى فى بالهم
طيب احا مش حنولهم الى فى بالهم
وكده متديهمش الفرصه بكره الصبح يطلعو خبر ان نتيجه الاستطلاع اهى والشعب اهو اختار لا بالعكس مش حيتكلمو وكأن شيئ لم يكن
سؤال بس
حضرتك مقتنع ان فى ظرف كام ساعة دخل مليون و ستمائة الف شخص جريدة الاهرام و وضع صوته !!
هو فى حد بيخشها غير اسامة و اولاده و الحبايب و حبايب الحبايب
فبركة و مش هنيجى على الاخر و نهتملهم بحاجة الاهمال افضل رد
خليها تبقى 99% لا ايه اللى هيفرق ؟
رهان على انت عايزه مش هينشروا نتيجة الاستفتاء فى الجرنان
ده اى كلام طول ما اسامة سراية المجانين لسة موجود