الموضوع: هل وائل غنيم ماسونى ؟؟؟

المشاركة الأصلية كتبت بواسطة pro_samir

اقولكم حاجه بس محدش يضرب

ساعات بحس ان اللي كان بيتعمل فينا ده في ناس كتير تستاهله

11111111111111111111111111111111111111111111111111 111+

مع احترامى لصاحب الموضوع الموضوع اقل من انى اتعب نفسى و اضع فيه صوتى
و كل يوم بيتثبتلى ان فى عقول مصرية لا يحكمها الا امثال مبارك

و الكثير منهم كانوا فى ميدان مصطفى محمود
ربنا يهدى بس قبل ما يهدى يشفى الاول ان شاء الله

يا جماعة ياريت نتمهل شوية. مش معنى ان وائل كويس تبقى الثورة كويسة والعكس بالعكس وكذلك البرادعى و غيرهم. فالثورة صنعها الشعب وليس وائل أو غيره فلما تيجى معلومة قد تسيئ لأحد هؤلاء الرموز فأنا أعتقد أنها لا تلطخ الثورة ككل ولكن تلطخ الشخص نفسه وهذا هو بيت القصيد ان لو فعلا فى حد سيئ و حاول يقفز لتحقيق مكاسب شخصية من الثورة يجب وقف ذلك فورا وعدم السماح بذلك. وبرده ده مش معناه ان وائل مش كويس ولكن لازم نتحقق وتأكد من كل شيئ وخصوصا ان اللى مكتوب ومتصور مش شيئ طبيعى أو عادى. مثلا "يعنى مش نلاقى صورة واحد من الرموز قاعد يشرب خمرة نقوم كلنا نقول: أه احنا اللى عملنا الثورة كلنا خمورجية" الطريقة دى صعبة جدا فى المناقشة و كده هنقسم نفسنا لأضدقاء الثورة وأعداء الثورة وده خطأ كبير.

تانى حاجة لازم يكون تفكيرنا أكبر وأنضج من الردود اللى كلها سخرية وتهكم. الأفضل اننا نرد بشكل فيه تفعيل للمنطق والأدلة ولازم نتعلم ازاى نتحاور ونناقش الأمور بشكل فيه احترام لوجهات النظر وتحليل ذلك. لازم نتعلم اننا نتقبل المعارضة ونعرف ان القادم هيكون فيه الكثير من الاختلافات و لازم نكون اكثر هدوءا وقدرة على التفاهم وتمييز الخبيث من الحسن .

وأخيرا الثورة اصلا هدفها الحرية فمينفعش الإخوة اللى يعيبوا نقل أخبار لا تأتى على هواهم فمينفعش ان علشان الخبر مش عاجبنى اقول لا غلط ان الاخبار دى تتنقل أعتقد ان احنا لازم نؤمن بالحرية قبل أن نطالب بها.

وفى النهاية أنا رأيى الشخصى ان لو الصور اللى فوق مش متفبركة يبقى الموضوع فيه حاجة مش طبيعية.