محتار بين كل انواع الكاوتش

**mazhar** · 19-02-2011 03:48 AM

السلام عليكم
اولا أشكركم على الموقع العظيم

انا عندي عربية شاهين موديل 96 و بس ده اللي اعرفه عنها
جيت اشتري كاوتش جديد فوجئت بكم من الانواع كبييييير وانا معلوماتي صفر و اراء الناس كتيييير و بيتكلمو كلام غريب عن النقشة و صوت الكاوتش وانا مش فاهم ايه المهم في صوت الكاوش و كإن هيجيلي صداع من صوته بس بما اني جاهل فقلت استفسر منكم

اجيب نوع ايه ؟؟؟

انا كنت هجيب بريدجستون فقط عشان مشهورة و عارف اسمها
لكن وانا بسأل في ناس قالتلي انواع تانية بالهبل و الادهى انهم بيقولوا ان بعضها احسن من البريدجستون بالرغم من ان سعرها ارخص من البريدجستون واذكر منها gt و nokyan الشهير بنوكيا
سمعت هنا بقى على المنتدى انواع اكتر زادت حيرتي اكتر

عاوز بقى حد يكون فاهم اوي يعني مش مثلا هو جرب البريدجستون و عجبته لا يكون فاهم وعارف الانواع التانية و يقولي جواب الفصل ايه هو الخيار الافضل من جهة الجودة مقابل السعر

و يا سلام لو يقولي منين و ايه هي النصائح الواجب مراعتها عند الشراء ؟ انا من اسكندرية

و شكرا مقدما

**ahmedfouad** · 09-03-2011 06:58 PM

silverstone ماليزى ممتاز مركبه عندى ......طرى وما فيش صوت ولو حد عنده ملحوظة يلفت نظرنا

**mazhar** · 16-03-2011 04:42 AM

شكرا للاخ الوحيد اللي عبرني
وانا خلاص جبت بريدجستون لان محدش اشتكى منه ولاني جبته من التوكيل لان فرق السعر عن بره مش كبير وصراحة ناس محترمة وباين انهم عارفين شغلهم
وده حكمي الظاهري لاني صراحة ملحقتش اتعامل معاهم لانهم سريعين جدا في شغلهم انا يدوبك رحت قلتلهم عاوز اربع فرد مقاس كذا كانوا جابوهم وركبوهم ورصصوهم ونفخوهم نيتروجين في دقايق ولا سباقات الفورملا وان لكن انطباعي كان كويس عن التعامل معهم