المشاركة الأصلية كتبت بواسطة wael17
انا مش من أنصار عمرو موسي و مش واضح لسه من ممكن يترشح
بس لي اعتراض علي ان ما ينفعش حد خدم في النظام القديم يمسكنا
النظام القديم خدم فيه ناس زي حسب الله الكفراوي و الجنزوري و أحمد رشدي و كلهم ماحدش يقدر يقول انهم كانوا فاسدين
و بعدين لازم نحدد تعريف من االلي اشتغل في النظام القديم...يعني اللي كان وزير سابق يعتبر فاسد؟ طيب ووكلاء الوزارات اللي اشتغلوا مع الوزير الفاسد و ما اتكلموش..برده فاسدين.؟ طيب واللي تحتهم و اللي تحتهم...هاتوصل ان كل موظف تابع للجهاز الحكومي فاسد
اي واحد فينا في مجاله لو ترقي ووصل لوكيل وزارة و بعد كده اتعرض عليه منصب وزير في النظام السابق...هايعمل ايه؟ يرفضه؟؟؟ ولا يقبله و يحاول يصلح في المجال بتاعه علي قد ما يقدر و في الحدود اللي النظام سامح له يتحرك فيها...طب لو رفض ماهي هاتروح لواحد تاني و ممكن يكون أقل كفاءة
باختصار ما فيش داعي للمزايدة علي بعض و اقامة محاكم تفتيش. اللي كان فاسد و فساده واضح و ممسوك عليه حاجة هايتحاكم و مش هايترشح اساسا ...لكن ناخد الصالح بالباطل و يبقي كل واحد خدم في النظام القديم فاسد كده من بابه من غير اصلا ما نفكر يبقي ده أكبر غلط