مرشح شاب لرئاسة مصر بعد 25 يناير

**د.أبونضال** · 19-02-2011 06:49 AM

[justify]منذ أن نجحت الثورة بحمد الله في خلع مبارك وابنه من رئاسة مصر وأنا مشغول بمعضلة العثور على شخصية مناسبة أستطيع أن أثق بها لرئاسة مصر في المرحلة الانتقالية. الجيش فيما يبدو مُصر على نقل السلطة إلى رئيس منتخب بأقصى سرعة لأن حجم الضغوط الخارجية والداخلية عليه كبير جدا، كما أن مدى صبر رجال الجيش الذين يديرون مؤسساتهم بالأمر والطاعة على دلع الشعب وطلباته التي لا تنتهي محدود للغاية.
طوال الأسبوع الماضي وأنا أتابع آراء الناس في الرئيس الذي يتمنونه لمصر، معظم الناس استدعت إعجابها القديم بالسيد عمرو موسى ووجهت دعمها إليه دون تردد، والبعض يدعم الدكتور البرادعي باعتباره ملهم الثورة وأول من راهن على الشعب وربح الرهان، والبعض يريد شخصية عسكرية إذ لا يزال تأثير ستين عاما من تمجيد شخصيات الضباط الأحرار فاعلا عليهم.
موقفنا أشبه بموقف جرو صغير فقد أمه ويبحث عنها في كل كائن يتحرك من حوله.
أعتقد أننا في حاجة إلى وجه جديد تماما لديه خبرة بالسياسة ويستطيع استلهام أفكار وطموحات الشباب وقيادة البلد في المرحلة القادمة وفق روح ثورة الشباب.
يمكن لكل منا أن يرشح اسما أو يؤيد ترشيح غيره ولكن عليه أن يُقدم لنا معلومات وافية عن مرشحه ولماذا يؤيده.
سأبدا بمرشحي المفضل وهو د. معتز بالله عبد الفتاح أستاذ العلوم السياسية بجامعة القاهرة والمعار حاليا لجامعة ميتشجان بالولايات المتحدة كمدير لمركز دراسات الشرق الأوسط، وقد تعرفت عليه من خلال عموده بجريدة الشروق منذ كان ذلك العمود أسبوعيا إلى أن أصبح الآن يوميا، ويمكنكم معرفة المزيد عنه من خلال موقعه الإلكتروني هنا[/justify]

**Mahmoud Saloum** · 19-02-2011 07:07 AM

عمرو موسى

**misoalex** · 19-02-2011 07:32 AM

ايوه ساعتها حيطلعوه متصور صوره فيها اى علامه ويقولو بص ده عميل الامريكان

زى وائل غنيم وغيره

**د.أبونضال** · 19-02-2011 07:32 AM

المشاركة الأصلية كتبت بواسطة mahmoud saloum

عمرو موسى

أستاذ محمود... ترشيح عمرو موسى أصبح مفروغا منه...هذا الموضوع من أجل اقتراح مرشح شاب عمره من 40 إلى 50 سنه وممكن أكبر من كده بس مش لدرجة 70 سنه مثلا
يا جماعه كاميرون بتاع انجلترا عنده 38 سنه وأوباما عنده 44 سنه... أليس في مصر كلها من يصلح لمنصب الرئاسه وعمره بين 40 و 50 سنه...

**Tarek Gen 2** · 19-02-2011 07:37 AM

بص يا ابو نضال
انا رائى عمرو موسى لمدة واحدة نجح او فشل فيها لا تجدد عشان السن و ان شاء لله ينجح

الفترة الرئاسية ليه دى ممكن صدقنى تطلع اسماء لامعة و قوية جدا و شابة زى المهندس ممدوح حمزة مثلا ساعتها ممكن نحدد

**د.أبونضال** · 19-02-2011 07:45 AM

المشاركة الأصلية كتبت بواسطة tarek gen 2

بص يا ابو نضال
انا رائى عمرو موسى لمدة واحدة نجح او فشل فيها لا تجدد عشان السن و ان شاء لله ينجح

الفترة الرئاسية ليه دى ممكن صدقنى تطلع اسماء لامعة و قوية جدا و شابة زى المهندس ممدوح حمزة مثلا ساعتها ممكن نحدد

ما فيش مانع...لكن مش لازم ندي انطباع لعمرو موسى إن ما فيش غيره في البلد يعني... كده فيه خطوره إنه يعتبر نفسه "الزعيم الأوحد" خصوصا إنه متأثر جدا فيما يبدو بعبد الناصر.
أنا أُفضل إن يدخل معاه شاب ومش ضروري ينجح لكن يبقى في الصورة إن مصر لم تعدم شبابها القادرين على منافسه شيوخها

**Mahmoud Saloum** · 19-02-2011 07:55 AM

المشاركة الأصلية كتبت بواسطة د.أبونضال

أستاذ محمود... ترشيح عمرو موسى أصبح مفروغا منه...هذا الموضوع من أجل اقتراح مرشح شاب عمره من 40 إلى 50 سنه وممكن أكبر من كده بس مش لدرجة 70 سنه مثلا
يا جماعه كاميرون بتاع انجلترا عنده 38 سنه وأوباما عنده 44 سنه... أليس في مصر كلها من يصلح لمنصب الرئاسه وعمره بين 40 و 50 سنه...

أنا رأيي ان البلد محتاجة عمرو موسى دلوقتى. أما من الشباب عمرو خالد

**SkyBird** · 19-02-2011 07:56 AM

احنا فعلا محتاجين رئيس شاب
بس الخطوة دي تيجي منهم يطرحوا برامجهم وندخل معاهم في حوار حقيقي
احنا مستنيين
انا ممكن اتقدم للموضوع ده لو دعمتوني واقدم لكم برنامج شامل وكلكم تشاركوني في صنعه

على فكرة على سيرة د معتز بالله يا د ابو نضال ايه رايكم في الداعية الشاب معز مسعود
واحد من اهل البيت "على ما اعتقد" صادق وومحبوب وروحاني ومن المشاركين بقوة في ثورة 25 يناير
وكلمة داعية ياريت متخوفش المسيحيين لانكم لو سمعتوه هتحبوه جدا لانه بيحبكم زي ما سمعت كلامه عن جهودكم في الثورة وهو عكس افكار الاخوان تماما
وله كاريزما
انا بطرح افكار علشان تفتح ابواب اسماء شباب مصر الشرفاء