الأخوة الإعزاء
مفيش حد عنده سوران يحكيلنا تجربته الواقعية
تحياتي
عرض للطباعة
الأخوة الإعزاء
مفيش حد عنده سوران يحكيلنا تجربته الواقعية
تحياتي
سوران - باراتى - بويتنر
حرام تدفع فيهم فلوس
بوينتر بشهادتي (كمالك ليها بقالي سنتين و 38 ألف كيلو) عربية مالهاش مشاكل أو أعطال
الحمد لله مبغيرش غير زيت و الصيانة الدورية و شكرا على كدا
الباراتي بأة يكفي أنها ماشية تاكسي العاصمة
أتفق معاك في السوران و الكروس فوكس مش عشان مايستاهلوش - لأ عشان بتمنهم تقدر تجيب حاجة من الحاجات المنتشرة
لكن البوينتر مفيش عربية في تمنها بنفس قدراتها (و طبعا محدش يقدر يفهم القصة ديه الا اللي جربها لفترة طويلة)
و ده موضوع كنت عملته من فترة عن تقييمي للعربية
http://www.nilemotors.net/Nile/showthread.php?t=24218
انا باتكلم برضو على وقائع تجربه زميله لى فى فتره اكتر من 7-8 شهور تقريا
غيرت اسطوانه دبرياج مرتين لدرجه انها بعتت للشركه الام وفى الاخر غيروها
ده غير الاستهبال غير الطبيعى فى اسعار قطع الغيار وعدم وجودها اساسا
مرايه ب 1300 جنيه ليه يعنى ؟؟ وكمان الانتظار لمده 3 شهور على ماتيجى
مع العلم للى مش عارف ان المرايه لاكهرباء ولا يحزنون وفى الاخر نزلت جابتها ورشتها ب 170 جنيه ... عارف هتقولى ماهى موجوده . طيب واللى مش هتلاقيه غير فى التوكيل
او اللى مش هتلاقيه فى التوكيل زى الاجزاء المكيانيكيه .. هترضى بالهم وفى الاخر تبقى على قائمه الانتظار
العربيه شايف انها فقيره جدا جدا .. مجرد تكييف - باور و زجاج امامى
ده على اعتبار ان التكييف دلوقتى او الباور بقوا اوبشن ... خللى بالك احنا مش بنتكلم على لادا !!
اللى اقصده طالما عايز المانى يبقى تشترى المانى من بلده مش عربيه مشافتش المانيا اساسا
وكمان تكون مستعد لتكاليفه انما الرقص على السلالم لا انت طولت الالمانى ولا وصلت لاسعار قطع غيار الماركات التانيه ... ادفع فى برازيلى واتحاسب على قطع غيار المانى ده غير ان التوكيل سئ بشهاده الجميع ... وبرضوا نقطه بسيطه للى يقول فولكس فاجن مهما كان برضوا
البوينتر 1600 والجولف 1600 فرق السعر 95 الف جنيه .. اكيد مش علشان الايرباج وباقى الاوبشن
كون ان العربيه بقت تاكسى العاصمه فده مش دليل على النجاح برضو ..
مع العلم ان تاكسى العاصمه فى القاهره اقل بكتير من اسكندريه
فى اسكندريه ... كورولا
القاهره .. اوبترا هاتشباك - نيو اكسنت - باراتى - النترا
المميزات اللي بتاخدها مش بس تكييف ... اقرا التقييم الشامل اللي بعتهولك في اللينك اللي فوق
الى جانب ان قطع الغيار انتشرت خلاص في شارع دمشق و الحرفيين و التوفيقية
أنا لما كان معايا ال70 ألف جنيه في وقتها كان قدامي اختيارات كتيرة بس كل يوم بتأكد أكتر أني اخترت ووفقت في الاختيار و الحمد لله
أرجو أن حضرتك تقرا التقييم مرة تانية و شكرا
هنرجع تاني لقصة المانيا و البرازيل و اللي عايز يركب عربية الماني يعني معمولة فى المانيا ب 70 الف ، البولو مش معمولة في المانيا و البيتل الجديدة كانت بتنزل برازيلي و كذلك الجيتا
هتفرق ايه معاك بقى برازيلي ولا حتى فى بير السلم مش انت بتشتري ماركة و اسم و لا لازم تتأكد و تشوف البطاقة العائلية بتاعت كل الصنايعية اللي صنعوا العربية و كمان يكونوا استعملوا اجهزة مصنوعة في المانيا
الفرق بين البوينتر و الجولف اكيد في تكنولوجيا الموتور مش في التكييف و الكلاكس
و المشكلة بتاعة اسطوانة الدبرياج دي بتحصل يعني، و ده مش عيب فى البوينتر كلها ، مش عشان حصلت مع زميلتك اللي ممكن تكون مابتعرفش تسوق او اتعلمت عليها يبقى كل العربيات كده
الحاجة الوحيدة اللي كلامك صح فيها هى التوكيل اللي مالوش لازمة و حتى الشركة الام بتنفض للشكاوي اللي جاية من مصر، يظهر كريم نجار ده متوصي عليه جامد ، و على فكرة اكبر مشكلة في التوكيل ده مقارنة بباقي التوكيلات هى الانتظار الممل في السمكرة و الدهان و قطع الغيار اللي بيجيبوها بالجمال من الخارج
الفولكس يعنى المانيا كدة انت بتشترى صناعة نضيفة وتجميع نضيف
اما اللى بيتجمع فى البرازيل زى البوينتر - والبراتى ودول تصنيع وتجميع برازيلى- او تجميع بس زى البولو -والبولو سيدان والاخيرة تجميع الصين بس الموتور محفور عليه علامة الفولكس اى انه جاى متصنع من المانيا - بس هناك فرق بين كل الموديلات دى وبين الجولف -لاء ياجماعة الجولف دى حاجة تانية خالص - ومن رايى انى الجولف دى احسن عربية فى مصر من وجهة نظرى عربية المانى
100×100 ومن اول ماتبص للعربية تعرف انها عربية العمر