الكلاب اللعينه ,,,,,,,,,, اعمل فيها ايه

**adelco** · 19-02-2011 02:44 PM

السلام عليكم

ازيكم يا رجاله انا اسف للموضوع ده بس بصراحه انا حاولت ادور على النت على اى معلومات تفيدنى مالاقيتش
فقلت اكيد المنتدى هيكون فى حل عند الاعضاء لن اكيد فى حد اتعرض لنفس الموقف
الموضوع باختصار كالاتى
كل يوم الصبح بلاقى اثر اقدام كلاب على غطاء العربيه وما باعترضش لانى عتقد ده ممكن يحصل
بس انهارده نزلت لاقيت سقف العربيه مطبق كان دب كان قاعد عليه مش كلب
ولاقيت الاريل مكسور
ولاقيت مساحه مكسورة
كلب ابن كلب زى الداهيه مش عارف طلعلى منين
حد يعرف اخلى الكلاب ما تجيش ناحيه العربيه ازاى
يعنى مثلا رش معين ارشه على الغطا ريحته تضايق الكلاب او اى حل من اى نوع
بس بلاش تريقه الله يكرمكم احسن انا مضايق جدا
واكون شاكر ليكم

**heshamzaky** · 19-02-2011 03:17 PM

مالهاش حل يا عدولة غير انكم تمشو الكلاب من المنطقة عندكم . أنا عندى هنا الكلبة كانت والدة و معاها 5 كلاب صغيرين ههههههه بس ما طلعوش فوق العربيات و الناس كانو بيهشو الكلاب دايما لغاية ما طردوهم لان عددهم كان بيزيد لغاية ما يقو كتيبة كدة تقريبا ههههههههههه

**Formulator** · 19-02-2011 03:56 PM

أحمد ربنا انك بتغطى العربية... فيه ناس بيخربشولهم الدهان (مش أنا الحمد لله, لحد دلوقتى)
بس مرة كلب "حيوان" برضه طبقلى السقف ... كنت هعيط
طب ياجماعة لو تعلوا صوت الأنذار.. مش ممكن البعيد يخاف ويمشى..؟؟؟

**AHMED REFAT** · 19-02-2011 09:15 PM

بص يا صاحبى انا عندى طريقة فعالة جدا لكن ليها اعراض جانبية برضه .. انا جربتها وفعالة بس ربنا معاك بقى .. وهو وضع كمية كبيرة من مادة النشادر على الغطاء القماش نفسه فلا يستطيع كلب ولا ابن كلب حتى ان يقعد على العربية ولا يجيى جنبها اصلا .. لكن السلبيات برضه كثيرة .. اولا لا يمكن تحط الفرش فى شنطة العربية والا ها تحولها الى مراحيض رمسيس العامة .. ثانيا كنت بشلها عند البواب فى المدخل الراجل ارجع من الشغل الاقى عنيه حمرا وفاقد الوعى ... وطبعا لو سافرت انسى موضوع الفرش معاك .. وحلها ان كان عندى فرش ووتر بروف واخرقماش خيم وكنت باخد الوتر بروف معايا فى السفر وكده .. بس من ناحية الكلاب .. انسى يا عمرو .. انت ها تطفش الكلاب والجيران من المنطقة كلها واحتمال ما حدش يركن جنبك كمان

**prince93** · 19-02-2011 10:04 PM

المشاركة الأصلية كتبت بواسطة ahmed refat

بص يا صاحبى انا عندى طريقة فعالة جدا لكن ليها اعراض جانبية برضه .. انا جربتها وفعالة بس ربنا معاك بقى .. وهو وضع كمية كبيرة من مادة النشادر على الغطاء القماش نفسه فلا يستطيع كلب ولا ابن كلب حتى ان يقعد على العربية ولا يجيى جنبها اصلا .. لكن السلبيات برضه كثيرة .. اولا لا يمكن تحط الفرش فى شنطة العربية والا ها تحولها الى مراحيض رمسيس العامة .. ثانيا كنت بشلها عند البواب فى المدخل الراجل ارجع من الشغل الاقى عنيه حمرا وفاقد الوعى ... وطبعا لو سافرت انسى موضوع الفرش معاك .. وحلها ان كان عندى فرش ووتر بروف واخرقماش خيم وكنت باخد الوتر بروف معايا فى السفر وكده .. بس من ناحية الكلاب .. انسى يا عمرو .. انت ها تطفش الكلاب والجيران من المنطقة كلها واحتمال ما حدش يركن جنبك كمان:t_thum1[1]:

بس دة على كدة صاحب العربية ممكن يطفش هو كمان من العربية :d
تقيل اوى الحل دة..
ممكن تكتر القطط فى الشارع بحيث ان الكلاب متعرفش تقعد طول اليوم :d
ور ور بقى ورا بعض :d

**abokoko** · 19-02-2011 10:29 PM

كان فى موضوع مكتوب هنا فى المنتدى عن المشكلة دى
وكان صاحب الموضوع لقي الحل الاكيد والغير مكلف ..بس اللى يهلك من الضحك

باختصار ...هو اعتمد على طبيعة الكلب بانه بيترك ريحته فى المكان الخاص بيه

وصاحب العربية ترك ريحته هو نفسه لاثبات نفوزه على عربيته
ههههههههههههههه
من غير ما تتعب وتفكر (( قضى حاجته على العربية ..اتبول .. ))
ومفيش ولا كلب قرب على العربية
اتشجع وجرب ..... واحكيلنا
هههههههه