الموضوع: المرايات الكهرباء

حضرتك دى اسمها مرايات فولدينج بتاعه ال M3 E46
و طبعا هتجيبها جديد صينى لان الاصليه الاستيراد هتلاقيها غاليه جدااااااااااا لانها بتتفك من M3 وصعب اوى ان التجار يبعها لوحدها لانه بيبيع النص كامل بحاجته
و انا هقولك على الاماكن إلى اعرفها إلى هتلاقيها فيها إن شاء الله
فيه محل اسمه إنزو ده موجود فى فى مدينه نصر فى شارع احمد فخرى خلى مستشفى حسبو على شمالك و كمل لاخر الشارع هتلاقيه على الشمال

و المحل التانى اسمه GO ده موجود فى شيراتون حضرتك بعد ما تعدى من تحت كوبرى المطار هتخش يمين إلى قبل Adams وبعد كده يمين هتلاقيه ادام حضرتك على طول

وفيه برضو ارابكوم ورا سيتى ستارز بس هتلاقي اسعاره فوق اوى

و بالنسبه لسعرها تقريبا بس السعر ده انا مش متأكد منه حوالى 1250 جنيه

وبالنسبه انها تركب على عربيه تانيه ولا لا دى انا شوفتها راكبه على كورولا 2004 و بولو 2006 و ماتريكس ولانسر و بيجو 307 و فيرنا فأظن انها ممكن تركب على اى عربيه عادى

واى سؤال تانى انا موجود

الف شكر لحضرتك على الرد بس هل ده سعر الصيني اللي حضرتك بتقول عليه و لو ينفع لو حضرتك عارف مكان بالظبط و السعر بالتحديد عشان اكون عامل حسابي يبقى كده تمام و الف شكر لحضرتك طبعا