اندرويد للبدل بـ بلاك بيرى

**HAMZAWY** · 19-02-2011 10:03 PM

معايا تليفون ايسر E400 حالتو كويسة معاه شاحن بس
ودى مواصافتو
Acer beTouch E400 - Full phone specifications
وبالنسبة للضمان ماتقلقش انا شغال فى التوكيل بتاعو
عايز ابدلو باى تليفون بلاك بيرى بس مايكونش قديم اوى ومش مهم معاه ايه يعنى عايز التليفون بس من غير اى ملحقات

**al_manara** · 20-02-2011 01:20 AM

طيب ياريت تقولنا سعر بتاعك عشان نعرف نحدد كويس .
معايا دة لو تحب تبدل
BlackBerry Bold 9000 - Full phone specifications

جايبة من شهر من السعودية ومعاة كل حاجتة وحالتة لسة جديد .

وبعد اذنك عاوز اعرف حاجة . هو فية remote desktop

**HAMZAWY** · 20-02-2011 02:34 AM

بص ياباشا الجهاز سعرو جديد فى السوق 2300 جنيه بص طبعا التليفون اللى معايا مستعمل ومش معاه اى حاجة انا بس اللى حيشترية حديلو شاحن وكارت ميمورى 2 جيجا لان دى حاجات اساسية لازم تبقى معاه
وبالنسبة للـ remote desktop فى برامج كتير جدا ممكن تنزلها من الماركت بتاع اندرويد وتشغلها عادى بالنسبة لتليفون حضرتك كويس جدا بس انا شايفو كتير على التليفون اللى معايا اقصد شوف حاجة اقل شوية او من غير علبة وملحقات عشان البدل يكون عادل

**love7amada** · 20-02-2011 06:43 PM

طيب معلش هغير الموضوع شويه
انت ايه تقييمك لتليفونات ايسر عامه
يعني تستحق الفلوس اللي تدفع فيها
مش قدام اوبشنز بس لكن قدام اعتماديه و انها تستحمل
ع فكره انا مش بزم
انا برده لسه جايب واخده من شهر و شويه
بس كنت عايز اعرف تقييمك حضرتك
عشان انا مش بستخدمه كتير
و لما دخلت ع جي اس ام ارينا لقيت كزا واحد بيقول ع مشاكل الايسر و كمان ع ان التاتش بيفصل من بعد 3 شهور
اه ده بالنسبه للايسر بي اي تتش 110
نفسي اسمع رأيك بحياديه بما انك شغال ف التوكيل و معاك الموبايل
تقييم حضرتك ايه

**HAMZAWY** · 20-02-2011 08:06 PM

المشاركة الأصلية كتبت بواسطة love7amada

طيب معلش هغير الموضوع شويه
انت ايه تقييمك لتليفونات ايسر عامه
يعني تستحق الفلوس اللي تدفع فيها
مش قدام اوبشنز بس لكن قدام اعتماديه و انها تستحمل
ع فكره انا مش بزم
انا برده لسه جايب واخده من شهر و شويه
بس كنت عايز اعرف تقييمك حضرتك
عشان انا مش بستخدمه كتير
و لما دخلت ع جي اس ام ارينا لقيت كزا واحد بيقول ع مشاكل الايسر و كمان ع ان التاتش بيفصل من بعد 3 شهور
اه ده بالنسبه للايسر بي اي تتش 110
نفسي اسمع رأيك بحياديه بما انك شغال ف التوكيل و معاك الموبايل
تقييم حضرتك ايه

انا مبدئيا شغال مدير منتج فى التوكيل وقبل ما اشتغل فى ايسر كنت شغال فى HTC

بالنسبة للايسر E110 فده انا بعتبرو اسوا تليفون اندرويد على وجه الارض وبنعمل فيه البدع عشان يتباع والحمد لله خلصنا منو

بالنسبة للتليفونات عامة انا شايف انها لسة فى طور النمو لان انا عشت نفس المرحلة دى فى HTC بس الفترة اللى جاية حينزل موديلات كتيرة احسن بكتير من اللى موجودة حاليا

بس عاما ايسر ليها سياسة فى البيع مختلفة شوية هما بيسموها
same quality with cheaper price بس طبعا ده كلام تسويق هما فعلا اقل فى الاسعار بس مش نفس الكواليتى
لكن بالنسبة لناس كتير بتفكر انها تشترى تليفون اندرويد بـ 700 جنيه وده فى حد ذاتو انجاز زى بالظبط اللاب توب بتشتري نفس الامكانيات فى ماركة تانية بس اغلى شوية بيطبقو نفس الفكرة دى فى الموبايلات

**love7amada** · 21-02-2011 09:13 AM

تمام
هوا الموبايل تمام و كل حاجه و فعلا بالنسبه للسعر هوا حاجه روعه ان ده يعتبر ارخص اندرويد
طيب العمر الافتراضي نظامه ايه؟؟؟
بعني موبايل يستحمل و لا افضل مخليه كده استخدام قليل جدا؟