-
مساعدة ضروورى فى الفابيا
السلام عليكم
يا جماعة انا محتاج مساعدتكم بعد مسمعت كتير عن المنتدى و الحمد لله انا هنا اهو
بالنسبة للفابيا انا بسأل عن حد يكون بيبيع قطع غيار استيراد سكودا فابيا 1400 انا محتاج حساس شكمان حد عارفه؟المشكلة عندى ان السحب ضعيف و الشكمان بيطلع ريحة بنزين نى و كمان بسمع صوت تسقيف وبتبطل لو كبست بنزين و انا بدور و الاربى ام فى السلانسيه بيكون على 0.5
وبرده يا ريت و حد معاه فابيا يقولى اذا كانت الحاجات دى عنه ولا لا فى ناس بتقولى ممكن تكون طرمبة البنزين او الرشاشات و فى ناس بقولى التسقيف الخفيف ده زى ميكون كاتينة مأخره مش عارف يعنى ايه مع ان الكاتينة جنزير
و فى ملاحظة كمان ان صوت الموتور عالى الميكانيكى قالى دا صوت الجنزير قلتله ممكن اغيره قالى دا مش عالى قوى على العموم هو هياخد يومين عشان اغيره!!!!
سؤال تانى هو ممكن اغير بلوف التاكيهات للعربية دى يمكن اخف الصوت؟
ومعلش طولت عليكو بس زى مصدقت لاقيت حد اتكلم معاه :):)
-
و عليكم السلام و رحمة الله و بركاته
أنا عندى نفس العربية بس الهاتش باك و تقريباً معظم المشاكل ده برده عندى
بخصوص حساس الشكمان: فى الحساسات عاماً انا بفك الحساس و بلف بيه على بتوع فولكس كلهم عشان قطع الغيار شبه بعضها بس طبعاً لو لقيته عند بتاع سكودا بيكون أحسن. لو لقيته ممكن تقولى جبته منين عشان انا برده عايزه
ريحة البنزين بتطلع عندى لما أدور بس غير كده مش موجودة بس المفروض لو دايماً موجودة يبقى الحرق مش تمام و عادة ده مشكلة كهربا
السحب الضعيف و السلانسيه الغير ثابت معناه عندى انو الفلاتر عايزه تتنضف أو الانجكشن أو الرشاشات أو البطارية ابتدت تسلم نمر
بخصوص الصوت العالى : فعلاً الجنزير بيعمل صوت عالى شوية بس تغييره مش بياخد يومين ولا حاجة.
فى تغيير الحاجات الميكانيكية و العفشة : انا بشتريها و بروح اركبها عند كارتك، فاهمين و اسعارهم شوية منطقبة
-
شكرا يا باشا على الرد فعلا ريحة البنزين النى تقريبا بشمها ساعة التسخين بس
بانسبة لحساس الشكمان هو اللى عامل المشاكل دى؟ و هو بيكون فين فى العربيه عشان افكه؟
وهو فين كارتك ده؟
-
انا معايا بردة فابيا 1400 موديل 2003 عاملة 87 الف كيلو ونفس المشاكل الى عندك دية كانت عندي وحلها كالآتي:
بالنسبة لحساس الأوكسجين (الشكمان ) فعلا بيقلل من سحب العربية وبيخلى العربية بتاكل بنزين بالهبل - العربية كانت بتعمل معاية 30 لتر فى الـ 200 كيلو المفروض تعمل أكتر في عدد الكيلوات وانا معرفتش ان العيب دة من الحساس غير لما حطيتها على الجهاز وكشفلي ان حساس الشكمان والكامة بايظين ولازم يتغيروا وهتلاقيهم في الحرفيين هناك كتير اوى بيشتغلوا فى السكودا ولو عاوز ميكانيكي محترم فعلا وبيفهم معندكشي غير سيد جولف معروف هناك اوي خلف التوحيد والنور
بالنسبة العربية لما بتبطل منك وبتغيب فى الدوارة دة عيب طرمبة بنزين ونصيحة اخويا اوعى تجيبها جديدة لانها كلها صيني مفيش الماني اصلي غير الاستيراد - انا لفيت عليها مصر كلها ويقوليلي الماني وفعلا مكتوب عليها المانى وبردة صيني وتمن الطرمبة كاملة 1200 والماتور لوحدة 750 جنية - انا جيبتها كاملة اصلي استيراد بـ 500 جنية وشغالة زي الفل واللهي وبردة شوف الميكانيكي هيقولك دة عيب الطرمبة ولا لاءة.
بالنسبة الصوت العالي دة فعلا سببه ان سير الكاتينة جنزير وعلى فكرة تمنة وتغيرة غالي جدا فملوش لازمة دلؤقتى - غيرة لما الميكانيكي يقولك بردة
وشكرا
-
متشكر يا باشا جدا الطرمبة دى انشاء الله الطلعة الجاية لو الحساس مظبطش السحب بس انا عايز اعرف برده مكان حساس الشكمان بيكون فين عشان افكه او شكله عامل ازاى؟ و انت اشتريته من مين فى الحرفيين بالظبط؟
-
الحساس دة موجود في قلب الماتور من جوة يعني لازم الميكانيكي يشيل الغطاء الخارجي الاول وبعد كدة يركبه
بالنسبة لشكل الحساس هو عامل زي البوجيه بالضبط بس لونة دهبي وخارج منه سلك طخين وفيشة 4 بنة بتركب فى الماتور
انا بصراحة اشتريته من واحد صاحبي كان جايبة غلط لعربيتة علشان هي 1200 مش 1400 وكان شاريه بـ 300 جنية
-
انا برضه عندي نفس المشكله
بس فابيا 2002
1000 سي سي
وحساس الشكمان ده ورا المتور بعد ما تشيل الغطا بيكون في قلبه فعلا من ورا
انا كان بيخلي ال rpm يعلي و يوطي لوحده لما فصلت السلك بتاع الحساس
العربيه اتظبطت
وريحه البنزين دي برضه بتطلع اول ما بسخن العربيه
-
بالنسبة لسير الكاتينة انا شاريه من عند واحد ف شارع دمشق ب160 جنيه فقط وسير جنزير ولما ركبته لقيت الصوت اختفي تماما
ولما تشوف اللي طالع يصعب عليك انك غيرته لانه احلي حاجة في العربية عجباني وكل مشكلته انه بيعمل صوت بس لكن امان
Content Relevant URLs by
vBSEO 3.6.0 PL2