ساعة التابلوه الديجيتال

**Yones** · 20-02-2011 12:33 AM

عندى الساعة الديجيتال فى التابلوه مش شغالة حاليا والكهربائى قالى ان الشريحة الالكترونية اللى فيها اتحرقت هل ممكن تغيير الشريحة دى بشريحة تانية من عند اى ساعاتى ولا مش هينفع؟؟ لان صعب الاقى الساعة دى

**Ashraf_Ibrahim** · 20-02-2011 12:50 AM

متابع معاك-وكنت عايز اعرف سعر الساعة الديجيتال دي للفيرنا ! :d

**A.Saad** · 20-02-2011 06:12 AM

ممكن تشوف ساعة استيراد
وممكن تاخد الشريحة لمحل زى النخيلى يصلحوها

**Yones** · 21-02-2011 10:50 PM

وياريت ياجماعة حد يقول لو مر بنفس العطل فى الساعة الديجيتال هل ممكن تتغير الشريحة الالكترونية ليها عند اى ساعاتى بيتعامل مع الساعات الديجيتال اذا كانت الشرايح الالكترونية ستاندارد ولا مش هينفع؟؟

**misoalex** · 25-02-2011 09:03 AM

اولا دى مش بتتصلح عند ساعاتى لان دى دايره الكترونيه
حضرتك تقصد بالشريحه الالكترونيه ال ic يعنى (القطعه السوده المستطيله الى طالع منها لحامات كتير )

لو قصدك عليها يبقى دى فى الغالب ميكرو كنترولر وحتى لو غيرتها لازم تتبرمج
ده اغلب الدوائر بتاعه الساعات بتبقى ماشيه بالكنترولر ده ونظام البرمجه

المهم جرب تشوف حد بتاع الكترونيات بيفهم كويس ويكون مهندس مش صنايعى وهو حيصلحهالك ان شاء الله

**Yones** · 26-02-2011 11:47 PM

المشاركة الأصلية كتبت بواسطة misoalex

اولا دى مش بتتصلح عند ساعاتى لان دى دايره الكترونيه
حضرتك تقصد بالشريحه الالكترونيه ال ic يعنى (القطعه السوده المستطيله الى طالع منها لحامات كتير )

لو قصدك عليها يبقى دى فى الغالب ميكرو كنترولر وحتى لو غيرتها لازم تتبرمج
ده اغلب الدوائر بتاعه الساعات بتبقى ماشيه بالكنترولر ده ونظام البرمجه

المهم جرب تشوف حد بتاع الكترونيات بيفهم كويس ويكون مهندس مش صنايعى وهو حيصلحهالك ان شاء الله

شكرا على رد حضرتك ربنا يخليك
بس الفكرة ان كده الامل ضعيف فى تصلحها لان اكيد انت عارف الصنايعية بيستسهلوا وصعب انى الاقى حد فاهم في المجال ده
بس تفتكر مين ممكن اقدر اوديله الساعة دى ؟او بيشتغل فى الاعطال دى اذا كان حصل معاك موقف مشابه؟

**misoalex** · 26-02-2011 11:55 PM

انا بصراحه من اسكندريه بس اشهر واحد بيشتغل فى الالكترونيات والدوائر هو النخيلى مول تقريبا مكانه فى العتبه او حاجه كده

وهو ليه موقع على النت ممكن تعمل بحث فى جوجل وتجيب مكانه وعنوانه وارقام تلفوناته

ولو لقيت الموضوع قفل من كل اتجاه فيه ساعه ديجتال زى الى انت بتتكلم عنها دى بتتباع عادى فى السوق جااهزه فيه نوعين
نوع الى هو شاشه زى الساعات الرقميه بتاعه اليد ودى ب 10 او 15
ونوع تانى الى هو زى بتاع الفيرنا وكده الى هو عداد بينور 7 سجمنت ودى زى الى عندك تقريبا
ممكن تشتريها وتاخد الدايره بالساعه نفسها وتحطها مكان الساعه القديمه الى عندك ودى بتعمل 40 جنيه تقريبا وممكن تسيبها زى مهى وتحطها على التابلوه على طول

**Yones** · 27-02-2011 12:38 AM

المشاركة الأصلية كتبت بواسطة misoalex

انا بصراحه من اسكندريه بس اشهر واحد بيشتغل فى الالكترونيات والدوائر هو النخيلى مول تقريبا مكانه فى العتبه او حاجه كده

وهو ليه موقع على النت ممكن تعمل بحث فى جوجل وتجيب مكانه وعنوانه وارقام تلفوناته

ولو لقيت الموضوع قفل من كل اتجاه فيه ساعه ديجتال زى الى انت بتتكلم عنها دى بتتباع عادى فى السوق جااهزه فيه نوعين
نوع الى هو شاشه زى الساعات الرقميه بتاعه اليد ودى ب 10 او 15
ونوع تانى الى هو زى بتاع الفيرنا وكده الى هو عداد بينور 7 سجمنت ودى زى الى عندك تقريبا
ممكن تشتريها وتاخد الدايره بالساعه نفسها وتحطها مكان الساعه القديمه الى عندك ودى بتعمل 40 جنيه تقريبا وممكن تسيبها زى مهى وتحطها على التابلوه على طول

شكرا على رد حضرتك هياا فعلا 7 سيجمنت
بس هل لوجبت الساعة دى واخدت الدايرة هتركب عليها عادى خصوصا وان الساعة عندى فى التابلوه ليها توصيلة كهربية مش ببطاريات وهل هتتوافق مع نفس لون تحديد الساعة بتاع لساعة القديمة ونفس السيستم؟ يبقى كده ستاندارد
معلش بجد تعبتك معايا جامد