الفرق بين عمرو موسى و محمد البرادعي

**Mahmoud Saloum** · 20-02-2011 03:45 AM

المشاركة الأصلية كتبت بواسطة qmax

نعمل بحث على النت هو ده برهانك ؟؟
المفروض يكون رد حضرتك انك تقول انا كنت موجود في مكان ما ورأيت البرادعي بيشرب خمره
أو انك تقول انك شوفته مثلا في حفله في التليفزيون بيشرب خمره
وان كان برهانك من على النت يبقى موثق بفيديو واضح المعالم وليس بالصور
كلنا شاهدنا البرادعي في على الشاشات ونعرفه كويس وأكيد مقدم البرنامج قال ان ده محمد البرادعي
هل رأيت ابنة البرادعي في أي فضائيه أو شاشه أرضيه حتى تؤكد لي انها هي الموجوده بالصور المنتشره على النت؟؟؟؟؟

بالنسبه للتدين الأعمى أرجوا أن تستشير أحد من العلماء حتى يوضح لك ماهو التدين الأعمى

يا أستاذ كيوماكس اذا كانت الثورة قامت من النت ومستندات الفساد تم تناقلها من النت دلوقتى النت اصبح مصدر غير موثوق به؟ وهوا يعنى اشمعنى الخمر والمايوهات اللى هيتم تلفيقها للبرادعى؟ كمان أكرر مفيش حاجة اسمها تدين أعمى! دى كلمة العلمانيين يا أخى العزيز علشان يبعدوا عن حدود الشريعة

**Egyzizo** · 20-02-2011 03:47 AM

أنا ليا رأى خارج الســرب .. بس ده ما أراه شخصياً.

حتى لو كان البرادعى شرب خمور فى حفلة أو خلافه ، فده لا ينتقص منه بخصوص منصب رئيس الجمهورية.

مقياسى هو : لو أنا مريض ومحتاج جراحة ، وقدامى اتنين دكاترة ممكن يعملوا العملية دى، هاروح للأشطر حتى لو كان يحتسى الخمر. ولو مدان فى قضية ، هاروح للمحامى اللى هيطلعنى براءة بغض النظر عن حياته الشخصية.

بالمثل ، منصب رئيس الجمهورية يحتاج سياسيون وليس رهباناً.

ملحوظة: بالرغم من إنى باميل للبرادعى عن عمرو موسى ، إلا انى مشفق على عمرو موسى جداً بعد الفيديو ده

**memo_p910** · 20-02-2011 03:58 AM

البرادعي عميل ؟؟؟؟ فهمني دي ازاي بقى أو شوف الفيديو ده وفي عشرات الفيديوهات الاخرى لو طلعت تقول عميل تاني بعد الفيديو ده يبقى انت كده بتغالط وبتتكلم بالباطل

YouTube - ‫ط.ظ‚ظٹظ‚ظ‡ ط¯ ظ…ط.ظ…ط¯ ط§ظ„ط¨ط±ط§ط¯ط¹ظ‰‬&lrm;

YouTube - ‫ط§ظ„ط¨ط±ط§ط¯ط¹ظ‰ ظˆ ط£ظ…ط±ظٹظƒط§ .. ط¨ظٹظ† ط§ظ„ط.ظ‚ظٹظ‚ط© ظˆ ط§ظ„ط£ظƒط§ط°ظٹط¨ .mp4‬&lrm;

**memo_p910** · 20-02-2011 04:02 AM

المشاركة الأصلية كتبت بواسطة Egyzizo

أنا ليا رأى خارج الســرب .. بس ده ما أراه شخصياً.

حتى لو كان البرادعى شرب خمور فى حفلة أو خلافه ، فده لا ينتقص منه بخصوص منصب رئيس الجمهورية.

مقياسى هو : لو أنا مريض ومحتاج جراحة ، وقدامى اتنين دكاترة ممكن يعملوا العملية دى، هاروح للأشطر حتى لو كان يحتسى الخمر. ولو مدان فى قضية ، هاروح للمحامى اللى هيطلعنى براءة بغض النظر عن حياته الشخصية.

بالمثل ، منصب رئيس الجمهورية يحتاج سياسيون وليس رهباناً.

ملحوظة: بالرغم من إنى باميل للبرادعى عن عمرو موسى ، إلا انى مشفق على عمرو موسى جداً بعد الفيديو ده

د زيزو أنا بحترم آرائك جدا خاصة بعد موضوعك المثير عن علاج فيرس سي بالانترفيرون مع النيتازوكسانيد والطحالب على فكره الكورس ده نفع مع والدي وخف الحمد لله وال pcr نيجاتيف بعد 6 شهور جزاك الله خير وشكرا على ردك الممتاز

**د.أبونضال** · 20-02-2011 04:16 AM

من وجهة نظري ...
شئنا أم أبينا
انتخاب البرادعي كأول رئيس بعد ثورة 25 يناير هو الضمان الوحيد لنجاح عبور مصر إلى مصاف الدول الديمقراطية.. والخروج بها من الهوة الاقتصادية ... البرادعي وجه معروف في العالم ويستطيع "تسويق" مصر أفضل من أي شخص آخر على الساحة الآن.
البرادعي هو الرجل الوحيد في مصر الذي ألهمني ومعي العديد ممن أعرفهم بفكرة أن التغيير يبدأ من أسفل إلى أعلى وليس العكس. موضوع "تشويه سمعته" كان مؤامرة من النظام السابق وكانت واضحة وضوح الشمس.. وترفع الدكتور البرادعي عن الرد عليها لأنه رجل يؤمن بأن الحياة الشخصية للشخصية العامة ملك لها وحدها ولا شأن للناس بها. كما أنه يعرف جيدا أنه ليس في موضع الاتهام لكي يدافع عن نفسه.
الدكتور البرادعي أعلن أنه لن يرشح نفسه إلا إذا حدث توافق وطني عليه (مثلما حدث مع مانديلا) وهو ما لن يحدث لأن مئات الأقزام سيتقافزون عند فتح باب الترشيح للرئاسة لنيل المنصب الحلم. وهو ما سيصب في النهاية في صالح الثورة المضادة.
رغم يقيني أن البرادعي هو الأصلح لمصر في المرحلة القادمة أنا على يقين أيضا من أن عوامل كثيرة تتعلق بطبيعة المصريين العاديين وخوفهم من الغرباء ومن المستقبل وميلهم الشديد إلى تصديق كل ما يقال لهم عن الناس دون تحقق ستزيد من فرصة عمرو موسى في الفوز بالمنصب.

**Egyzizo** · 20-02-2011 04:25 AM

المشاركة الأصلية كتبت بواسطة memo_p910

د. زيزو أنا بحترم آرائك جدا خاصة بعد موضوعك المثير عن علاج فيرس سي بالانترفيرون مع النيتازوكسانيد والطحالب على فكره الكورس ده نفع مع والدي وخف الحمد لله وال pcr نيجاتيف بعد 6 شهور جزاك الله خير وشكرا على ردك الممتاز

ياااااااااااااااااااااااا اااااااااه .. صحيح الدنيا صغيرة .. ازيك يا راجل.
ألف ألف حمد لله على سلامة الوالد .. الخبر ده أسعدنى جداً
ولسه برضه الأسبوع اللى فات ، صديق من السعودية كان ماشى على نفس الكورس اللى اتكلمنا عنه بشرنى بالنتيجة النهائية السلبية للفيروس.
ألف حمد وشكر ليك يا رب.

**memo_p910** · 20-02-2011 04:38 AM

المشاركة الأصلية كتبت بواسطة egyzizo

ياااااااااااااااااااااااا اااااااااه .. صحيح الدنيا صغيرة .. ازيك يا راجل.
ألف ألف حمد لله على سلامة الوالد .. الخبر ده أسعدنى جداً
ولسه برضه الأسبوع اللى فات ، صديق من السعودية كان ماشى على نفس الكورس اللى اتكلمنا عنه بشرنى بالنتيجة النهائية السلبية للفيروس.
ألف حمد وشكر ليك يا رب.

شكرا ليك على شعورك الطيب ده وعلى فكره موضوعك موسوعه محترمه بجد خساره تضيع هدرا انا كنت اتوقفت من المنتدى لانه بعد ما المشكله حصلت ضدك من مشرف المنتدى هددته اني انسخ الموضوع واعمل منتدى تاني فيه الموضوع ده وكان عقابي الايقاف