الموضوع: الفرق بين عمرو موسى و محمد البرادعي

من الاخر علشان الناس اللى بتهاجم د / البرادعى خنقتنى ..

دلوقتى انتوا بتقولوا انه جاسوس وعميل ..
هات دليلك مش اى كلام مرسل وخلاص ..
ولا هى سياسة كهيصع وخلاص ؟؟؟؟؟؟
اللى بيقول ان البرادعى مكنش ليه ذنب فى دخول امريكا العراق جاب الدليل الموثق هات انت العكس لو كنت صح ..

البرادعى اول واحد قال مصطلح تغيير واول واحد قال اسقاط النظام ..
البرادعى استاذ فى القانون وادار مؤسسة من اكبر مؤسسات العالم بإقتدار على مدار 12 عام ..
وامريكا واسرائيل نفسهم اللى كانوا اهم اسباب انه مشى من الوكالة ..
يبأه ازاى هو عميل لأمريكا .. إدينى عقلك ؟؟؟؟؟

العالم كله كرم الراجل ده .. وتيجى عند بلده والناس بتقول عليه جاسوس ... يا مثبت العققققل ..

عضو اساسى فى جمعية مكافحة الفقر فى العالم كله ..يبأه ازاى يكون جاسوس .. يارب ارحمنا ..

البرادعى الوحييييييييييييييييد اللى وقف ادام النظام فى عز طغيانه وقال لأ الشعب هو اللى يحكم .. النظام فاسد .. التغيير جاى .. جمع مليون توقيع على بيان التغيير ..
حد دكر فى بلدك عمل كده فى عز النظام مكان فارض ايد من حديد على البلد ؟؟؟؟؟؟ رد

البرادعى مش هدفه اصلاً الترشح لرئاسة الجمهورية .. وقال لو الشعب هو اللى قال انا مستعد غير كده لأ .. يبأه ازاى عايز السلطة وخلاص ؟؟؟؟؟

البرادعى سياسى محنك وليه علاقات رؤساء دول كتييييير وعلاقات دبلوماسية كتير وتجارب كتير على المستوى العالمى .. يبأه ازاى ملوش فى السياسة ..
يعنى مبارك اللى كان بيطاطى لإسرائيل وامريكا وخلى كل الدول العربية تقريباً تكرهنا وطنش دول افريقيا كلها (مشكلة حوض النيل) .. وملوش اى علاقة بأى دولة من دول امريكا الاتينية ولا اسيا (الصين - ماليزيا - اليابان - كوريا- ..... الخ ) هو ده السياسى المحنك من وجهة نظرك ؟؟؟ ياخى بأه اتقى الله شوية ..

البرادعى كل دول العالم بتشهدله بالنزاهة والشرف .. ويجي الاعلام والجرايد (القومية) تقول عليه كذا وكذا وكذا .. (مش شايف اى حاجة غلط ؟؟؟؟؟)

وبردو تقول عليه بطل قبل ميعلن انه ممكن يرشح نفسه للرئاسة .. وتقلب 180 درجة بعد مأعلن انه ممكن يرشح نفسه ( مش شايف حاجة غلط بردو ؟؟؟؟؟؟)) رد ؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام عليكوا بأه شوهتوا الراجل وسمعته وهو شريف واشرف من ناس كتير انتوا فاكرينهم شرفا ؟؟
اتقواااااااااااااااا الله

المشاركة الأصلية كتبت بواسطة fepsceasar

انت تقصد ايه بالعبارة دى برجاء حذف المشاركة او سيادتك تعدلها

ياسيدى انا اقصد طريقة الكلام وخلاص بدون اى دليل ورمى الناس بالباطل ...
وعموماً لو مش عجباك الجملة دى انا مستعد احذفها بس مش لاقى المكان اللى اعدل منه ..
وياسيدى حقك عليا ..
بس انا لما اشوف كم الافتراء على شخص بالطريقة دى حسيت بالظلم الفادح ..

آسف مرة تانية

المشاركة الأصلية كتبت بواسطة mahmoud saloum

أستاذ أحمد كمال ، أستاذ شهدى : للعلم أنا أول مرة أقرأ هذا الخبر من مصراوى ومن الواضح حسب كلامكم وحسب الخبر فى الموقع ان الصور قد تكون مفبركة وبالتالى أقدم إعتذارى وأسفى الشديد عن نعت البرادعى بأنه خامورجى وبأنه تحررى لسماحه لابنته بالتعرى ولبس المايوه. وإن كنت أستغرب عن عدم مقاضاة البرادعى لرجل الحزب الوطنى وكذلك عن عدم مقاضاته لمرتضى منصور وخصوصا أنه قال أن البرادعى يعتزم السماح بوجود الشواذ واجازة الوهابية وتحويل مصر الكامل من الدولة الإسلامية الى دولة علمانية أرجو أن يتم إيصال ذلك له والتأكيد على رفع هذه القضايا لأننى لست الوحيد الذى صدق ما كتب وانتشر فى النت وخارجها حوله ولكن هناك الكثيرون جدا ممن يظنون ذلك وكثير جدا منهم لا يدخلوا الإنترنت وسمعوا عن ذلك وللعلم أنا سمعت ذلك قبل أن أدخل لأراه على النت للتأكد ووجدته فى الكثير من المواقع ولم أجد أى تكذيب من البرادعى. عذرا مرة أخرى ولكننى لم أدر أن الخسة والندالة قد تصل بشخص ما أن يفبرك مثل تلك الصور وبهذه البشاعة.

الرجوع إلى الحق فضيلة...أحييك على شجاعتك الأدبية..هذه هي أخلاق الإنسان المصري الأصيل...
طبعا البرادعي لم يرد لأنه إنسان على مستوى رفيع من الأدب والعلم وهذا ما يأخذه عليه الكثيرون للأسف... يقولون عنه "مترفع" ومتعال" وعايز الناس تبوس إيديه علشان يترشح...وليسوا قادرين على أن يقولوا ببساطة الإنسان المصري "ده راجل عينه مليانه"، ومش عايز حاجة من الدنيا خلاص.

المشاركة الأصلية كتبت بواسطة fepsceasar

انت تقصد ايه بالعبارة دى برجاء حذف المشاركة او سيادتك تعدلها

أظن انه يقصد كهيصه أو كا هيصه وخلاص
وعشان حرف الهـاء جنب حرف العين جت الغلطه دي ومعظمنا بيكتب بسرعه

المشاركة الأصلية كتبت بواسطة deee

ياسيدى انا اقصد طريقة الكلام وخلاص بدون اى دليل ورمى الناس بالباطل ...
وعموماً لو مش عجباك الجملة دى انا مستعد احذفها بس مش لاقى المكان اللى اعدل منه ..
وياسيدى حقك عليا ..
بس انا لما اشوف كم الافتراء على شخص بالطريقة دى حسيت بالظلم الفادح ..

آسف مرة تانية

انت مش واخد بالك اصلا ان الكلمه دي ممكن يكون اللي شافها فاكرك بتسخر من الأيه الكريمه الأولى في سورة مريم الله اعلم ان كان ظنه في محله ولا لاء
عموما حصل خير شوف بداية السوره

بسم الله الرحمن الرحيم

كهيعص (1)
ذِكْرُ رَحْمَتِ رَبِّكَ عَبْدَهُ زَكَرِيَّا (2)
إِذْ نَادَىٰ رَبَّهُ نِدَاءً خَفِيًّا (3)
قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا (4)
وَإِنِّي خِفْتُ الْمَوَالِيَ مِنْ وَرَائِي وَكَانَتِ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا (5)
يَرِثُنِي وَيَرِثُ مِنْ آلِ يَعْقُوبَ ۖ وَاجْعَلْهُ رَبِّ رَضِيًّا (6)

صدق الله العظيم

المشاركة الأصلية كتبت بواسطة qmax

انت مش واخد بالك اصلا ان الكلمه دي ممكن يكون اللي شافها فاكرك بتسخر من الأيه الكريمه الأولى في سورة مريم الله اعلم ان كان ظنه في محله ولا لاء
عموما حصل خير شوف بداية السوره

بسم الله الرحمن الرحيم

كهيعص (1)
ذِكْرُ رَحْمَتِ رَبِّكَ عَبْدَهُ زَكَرِيَّا (2)
إِذْ نَادَىٰ رَبَّهُ نِدَاءً خَفِيًّا (3)
قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا (4)
وَإِنِّي خِفْتُ الْمَوَالِيَ مِنْ وَرَائِي وَكَانَتِ امْرَأَتِي عَاقِرًا فَهَبْ لِي مِنْ لَدُنْكَ وَلِيًّا (5)
يَرِثُنِي وَيَرِثُ مِنْ آلِ يَعْقُوبَ ۖ وَاجْعَلْهُ رَبِّ رَضِيًّا (6)

صدق الله العظيم

لا والله وربنا اللى يعلم انا لا اقصد بيها اى شئ من هذا القبيل ..
لكن انا كنت اقصد الهيصة والتطبيل اللى بيحصل الايام دى خصوصاً فى التليفزيون القومى ...
المشهود له بالنزاهة والحق والشرف منذ فجر التاريخ .

يا راجل حد يصدق تليفزيون بيديره انس الفقى ولا صفوت الشريف فى يوم من الايام ..