الموضوع: مطالب شعبية بالنسبة للمرور

المشاركة الأصلية كتبت بواسطة ashouhdy

طب و الزينون ؟؟؟!!!!

انا رايى الزينون بعدسات يسمح
انما الزينون العادى اللى بيعمى ده مفروض مخالفة فورية

بالنسبة لصفحة الفيس بوك انا عملت صفحة و اتمنى انها تكون بداية جديدة و مستقيمة لقوانين واداب المرور فى مصرنا الحبيبة

الصفحة على الفيس بوك ممكن زيارتها من اللينك :

Welcome to Facebook - Log In, Sign Up or Learn More


طبعا هنحتاج كذا ادمن للصفحة دى ياريت الناس اللى عايزة تشارك بمهمة الادمن تبعتلى على الخاص عشان اضيفهم
وريت ننشر الصفحة لانها هتساعد على المناقشة الحرة بين كل المصريين لوضع وتعديل قوانين المرور فى جمهورية مصر العربية بجميع محافظتها

المشاركة الأصلية كتبت بواسطة funnymickey

1- ايقاف تجديد جميع رخص القياده لجميع المواطنين الموجودين بجمهوريه مصر العربيه بجميع الفئات اولي وثانيه وثالثه
بعد انتهاء مدتها
ويتم عمل اختبار قياده علي الطرق الحديثه تحريريا وعمليا بحيث لا يتم تجديد رخصه القياده لاي مواطن الا بعد المرور باختبارات قياده علي اسس عالميه

اشرح بقي القرار

كتير مننا دور علي واسطه عشان يطلع رخصه
واللي منهم امي اللي طلعت رخصه وهيا اصلا مراحتش المرور ولا شافت شكل الاقماع ايه اصلا
واختي اللي راحت واختبرت وسقطت وهرست القمع بالعربيه رايح جي بس الظابط نجحها عشان معرفه
:) :)

انا بعترف اني كنت غلط ساعتها بس بردو كلنا كنا بنعمل كده

المهم دلوقتي
عاوز اما اروح اختبر قياده
يبقي اختبار علي اسس عالميه
سواقه سواقه
واللي يسقط
ميترميش بقي 3 شهور
لا
يدخل في دوره تعليم اسس القياده السليمه التابعه لوزاره الداخليه
يتعلم سواقه صح
بفلوس مش ببلاش
بس يتعلم الاشارات وازاي امشي صح

وبعد ما يخلص يخش تاني الاختبار ولو نجح ياخد رخصه تقول ان ده سواق فعلا وبيفهم في السواقه
لما يغلط يبقي عارف هوا غلط في ايه
ويوم ما الظابط يتنطط عليه
يقف قدامه فاهم قانون كويس
مش علي كيف الظابط

وياريت لو في مرحله مستقبليه نقدر ندرس المرور وقواعده كماده اساسيه في المدرسه
حتي لو الاشارات بس
ده احنا كبار اهو ومنعرفش في الاشارات غير ممنوع
عشان مبيستخدموش غيرها هنا

فكرة هايلة
اوافق اوافق اوافق بشدة

الله ينور يا مصريين