العجلة اليمين مأخرة

**tsaid** · 20-02-2011 01:22 PM

السلام عليكم يا رجالة الهوندا

أنا معايا سيفيك 90

هيه العربية فيها حدفة صغيرة لليمين

فمن كام يوم روحت أظبط زوايا و لقيت العجلة اليمين مأخرة 2 سم و الراجل قاللي عايزة زرجينة

فكنت عايز اعرف رأيكو هل فيه مشكلة اني اعملها زرجينة ؟؟ و مين أحسن واحد اعمل عندة زرجينة ؟؟

و لو سيبتها علي كده هل الحدفة دي تأثر علي حاجة في العفشة أو علي الكبالن و لا ملهاش تأثير؟؟

و جزاكم الله خيراً

**SAMEH_FOUAD** · 20-02-2011 02:56 PM

للعلم ياباشا ان العجلة لو مأخرة هتتظبط عادى جدا من غير زرجينة , لكن اللى بيبقى محتاج زرجينة زاوية الكاستر لان العجلة بتبقى داخلة لجوة او خارجة لبرة فبتبقى معوجة فلازم تتعدل

وبالنسبة انك تسيب العجلة دية كدة لأ طبعا ماينفعش دة يخلفلك حركة العربية , والفرامل , والملفات , والتسارع كمان

روح عند بريدجستون عمارات العبور فى صلا سالم روح هناك وهيظبطلك الدنيا ان شاء الله

**No Comment** · 20-02-2011 03:09 PM

حضرتك ممكن تروح الأول على برجستون اللى فى صلاح سالم وهناك هيقولولك تعمل ايه بالظبط هناك ناس فاهمة ومدربة والله أعلم .
سمسم كين وصف المكان ده قبل كدة لية ولقيتهم هناك فعلاً فاهمين روح وشوف هيقولولك ايه الأول .