دي أكيدة مافيهاش شك بعد ألاف السنين من الديكتاتورية والنظام الفرعوني في أغلب ألي حكمو مصر لازم فترة تمهيدية أنتقالية زي ألي بنمر بيها وأدينا بنحاول ندخلها بأكبر قدر من الوعي المبني على تبادل الأراء علشان بدل ما ندخل على الزيروووووووو ندخل كي جي وان ولا أبتدائي:w6266d
انا بس نفسى اعرف يعنى ايه تحريض الشعب على اختيارات الجيش ده منتدى فيه ناس مثقفه ومحترمه ورأى كل واحد هوه حر فيه وقابل للنقاش مش أى كلمه من حد هى اللى حتغير رأى الناس ولا يجوز وصف الناس بمحاولات الانقلاب والقطيع والكلام الغريب ومحاولة اثارة الفتنه ونشر الرعب وان الاعتقالات بأه حتشتغل لمجرد ان الناس قالت رأى مخالف ومن وجهة نظرهم بردوا انهم عايزين مصلحة البلد مع العلم دول مش اجندات خارجيه ملحوظه اللى كان طالع مع منى الشادلى و القوات المسلحه كان من شباب ثورة 25 وقال بردوا انهم نازلين الجمعه انشاء الله لتأكيد المطالب مهى المطالب كثير مش عارفه ليه احنا وقفنا عند مطلب رحيل شفيق أقصد الاستاذ شفيق علشان ما تزعلش وربنا يهدينا حميعا
يا سيدتى الفاضله فى تحركات لعمل ثوره مضاده للقضاء على ثورتنا العظيمه
ومن ضمن هذه التحركات على سبيل المثال اللى موجود فى هذه الجروب وهو المطالبه باقاله حكومه شفيق بحجه انه من النظام السابق وكذا وكذا,,,مثلا
ولو ركزت فى هذه الطلبات حتى لو الجيش سمع كلامهم وعمل اللى عايزينه مش هيعجبهم وده ليه لانهم فى الاصل مش عايزين اصلاح مثل ما هما بيقولو ولكن عايزين بلبله وتخبط وجذب اكبر عدد من اصوات الاعضاء الذين لا يفهمون نواياهم الخبيثه من هذه الطلبات
بمعنى اوضح (هذا هو السم فى العسل )
السم هو القله المندثه بيننا التى تنادى بالاصلاح وووو,,,,,,,الخ وهما لهم نوايا خبيثه (تجمعات , مظاهرات تانى , تخبط مع الجيش , تخبط فيما بيننا احزاب ضد شباب طاهر ضد اخوان مسلمين وهكذا)
والعسل وهى الثوره العظيمه التى تمت بدماء الشهداء التى كانو لهم نوايا حسنه وبريئه
لو حضرتك ركزت فى كلام القوات المسلحه فى العاشره مساء بخصوص
انهم يخشون التجمعات والمظاهرات حتى لا بيستغلها القله التى تحدثت عنها سابقا
وهذا بالفعل حدث يوم الجمعه الماضى ولولا ستر ربنا لحدث صدام بين الشباب 25/1 والاخوان المسلمين
النوايا الطيبه أو الخبيثه لا يعلمها الا الله وكلنا مصلحتنا مصر كل واحد ووجهة نظره وفى برنامج العاشره مساء الضيف اللى كان من اعضاء الثوره قال انه حيتلافى الخطأ اللى كان المره اللى فاتت وان هما اللى حينظموا المظاهره مش الجيش (وده كلامه لحسن اكون باعمل انقلاب على حد ولا حاجه) وقال كمان ان كان فيه عناصر من امن الدوله وانها كمان منعت ناس من الأ خوان من الطلوع للمسرح
ما علينا من كل ده مش عارفه انتم زعلانين ليه من اللى نازل او اللى بيقول كلام وبس او اللى قاعد فى بيته كل واحد حر وبما ان من وجهة نظركم اللى نازلين فئه وقله وتقود انقلابات وتضادات سبيوهم باه وهما يستاهلوا وكتر خيركم جدا جدا جدا وشاكرين ليكم كمان وزى ما قلت كل واحد عقله فى راسه وما حدش بيغصب حد على حاجه وربنا يهدى الجميع ومعلهش كمان علشان ما حدش يقولى مصلحة البلد وتعطيل الاحوال ده يوم الجمعه وما حدش يقولى عدم استقرار ديه بتكون فى منتهى التحضر والالتزام وياريت نفتكر ان اللى واقف حال البلد وزى ما جريدة المصرى اليوم كانت كاتبه من كام يوم كده ان الجيش وجد ثلاثة عناصر من النظام الفائت ورا المظاهرات الفئويه وزى ما قالوا عن محاولة تعطيل شبكة الكهربا وده معناه بواقى النظام لسا بخير بس ربنا معانا جميعا لحد ما نشيلهم من جذورهم انشاء الله