الموضوع: نداء استغاثة

المشاركة الأصلية كتبت بواسطة mahmoudysf

اولا يا مفيش داعي لتحميل كلامي مالا يحتملة ويتم تخرجية عن المسار الصحيح اللي كنت ااقصدة لما رديت عليك
ويا ريت ما تفسرش كلامي في ردي على مشاركتك انى موافق ضمنيا على بلطجة حد على اي تخصص مش الاطباء فقط
يعني ياريت متحولش مسار كلامي في ردي عليك في حالة معينة اني موافق على ان البطجية يعتدو على احد ويا ريت يكون كلامي واضح ومحدش يزديد عليا في الغلط والصح ويقول على لسانى حاجات مقولتهاش
كل الموضوع من البداية انك وصفت الناس بالسفالة وقلة الادب عشان دكتورة قريبتك قالتلك كدة
ومحاولتش تحط نفسك مكان الناس دي وتقدر ما يعاة فى تلقى العلاج واهمال بعض الاطباء لواجبهم
ولم اتعرض في المشاركة للاحداث الجارية في القصر العينى من تعرض البطجية للاطباء ولا اوافق على هذه الافعال
ولاكن في نفس الوقت كنت احوال ان اجدد مبرر للقهر الذي يعانية الناس على مدى سنين طويلة من سؤ الخدمة الطبية واستغلال الاطباء للمستشفيات العامة اسوا اسغلال وبرضة هقول البعض مش الكل
وعموما لا اوافق بلطجة الناس على اي حد

بص يا باشا لو حللت الكلام دة حا أقول أنت غير موافق على اعمال البلطجة على الدكاترة تمام دى خطوة أيجابية . بس فى نفس الوقت عاوز توجد مبرر لغضب بعض الناس عليهم و كلمك (((( ولاكن في نفس الوقت كنت احوال ان اجدد مبرر للقهر الذي يعانية الناس على مدى سنين طويلة من سؤ الخدمة الطبية واستغلال الاطباء للمستشفيات العامة اسوا اسغلال وبرضة هقول البعض مش الكل ))))) صح كدة يعنى معنى ذلك مفيش مانع أنك توبخ هذا الطبيب المقصر ماشى كدة . بس منين تضمن الا يحدت هرج و مرج و ممكن تطاول ب الايدى لو الرد بتاع الدكتور معجبشى المريض أو المرافقين لة . النتيجة الحتمية فى ظل الظروف الراهنة أن العملية حا تقلب خناقة و البقاء فيها سيكون للأقوى . طبيب مهمل أشتكية بس حاليا الناس داخلة كل مكان حتى السوبر ماركت كلة متحفز و طايح فى العاملين حتى فى البنوك . يبقى مينفعشى كدة و لا أية رأيك

المشاركة الأصلية كتبت بواسطة mahmoudysf

انا هرد على السطر السابق بس لان الباقي كلنا متفقين فيه وهي رفض البلطجة والبلطجية اللي لاقوا في المناخ الحالي تربة خصبة ليهم ورربنا ينتقم من اللي رباهم وساعدهم وعملهم وكلنا عارفين مين اللي عملهم
ردي على السطر بقى انك قلت الناس يعنى كل الناس مش فئة البلطجية
وهو ده اللي قولته في اول مشاركة معايا ليك في الموضوع ان الناس العادية عندها كبت
ومش معنى كدة انى موافق ان الناس تتحفز عمال على بطال
وعموما الموضوع منتهاش
هتلاقي واحد داخل دلوقتى ميعرفش مين عمل ايه ومن غير ما يقرا ويتابع المشاركات داخل يعمل بطل ويادفع عن حاجة خياليه

يا باشا حصل خير و مفيش حاجة . الناس دلوقتى منقسمة جزئين ناس أيجابية جدا و ممتازة و الله و مفيش عسكرى مرور مش بيغلسو و لا بزنقو على بعض فى الاشارات و الناس بتستزوق جدا من الايجابيات النهاردة مثلا لقيت العربية مرة واحدة فصلت بطارية و صعب جدا تتزق معايا كابل توصيل بتاع البطارية وقفت تاكس و قولت لة عاوز توصيلة وقف جنب العربية ووصل البطارية من عندة و دورت بعد ما خلصنا قولت لة تحت امرك قالى عيب يا باشمهندس و ما رضاش ياخد مليم و دة نموذج للشهامة و الجدعنة الى كانت مختفية من الشارع . على النقيض بعض السائقين بتوع الميكروباص زى ما هما نفس الحركات و الفوضوية ماشين عكس الاتجاة و بيزنقو على العربيات الاخرى و زيادة فى سعر التسعيرة النتعارف عليها . الناس عندها كبت بس أهم حاجة نطلع دة كطاقة ايجابية مش طاقة سلبية و تقيل تحياتى يا باشا.

المشاركة الأصلية كتبت بواسطة mahmoudysf

سبحان الله بدون فهم كالعادة نخش نقول اي كلام وخلاص
ومين قال لسعادتك اني بحملها سفالة بعض الاطباء
ومين قال لسعادتك اني اقر مبدا التعدي على اي طبيب لاي سبب
لو قريت اول مشاركة ليا في الموضوع ده هتعرف انها مش متوجه ليها بالاساس
كانت متوجه لعضو بيستنكر ان فيه ناس عاديين مش بلطجية ولا جيبنا سيرة القصر العيني بيعاملو الاطباء بسفالة وقلة ادب وكان ردي عليه باللي ذكرتة على بعض الاطباء
وده خلا الدكتورة تدخل توجهلي كلام بدون ما اقر افعال البطجية معاهم في القصر
وكالعادة انت اول ما دخلت اول مشاركة خبطت فيها داخل توجهلي كلمتين وتقولني حاجات محصلتش وخلاص

للأسف قرأت الموضوع ...و من قابل ما سعادتك تشارك مشاركاتك القيمة فيه اللى ملهاش داعى من اساسه

ناس بتتكلم ع المشاكل او المصايب اللى بتحصل فى القصر العينى ....و سعادتك ببتكلم ع التار البايت مع الاطباء

و حتى لو كلامك صح .....فده مش وقته....يعنى هى بتقول ناس بتدخل ع الدكاترة بسلاح و ما فيش امن ....و الاستاذ هشام

علق ع ان الظاهرة ديه لم تعد مقتصرة ع فئة معينة او ع البلطجية.....الناس العادية بقيت بتعمل كده عادى...و اكيد مفهوم ضمنياً

انه لم ضرب لك مثل بقريبته ....ان قصده ان المواقف ديه بتحصل بدون داعى و مع دكاترة كويسة....بعد كل ده

حضرتك مصر ع التبرير بأنه سببه سفالة او بلاش سفالة خليها القصور لدى بعض الاطباء...و اعتقد جو الموضوع وسببه مش مناسب

لردك مع كامل الاحترام ليه

و نتيجة لردك حضرتك...كان طبيعى انها تستفز و ترد عليك و تدافع نفسها و الموقف اللى هى فيه ...و اللى حضرتك اعتبرته

انها دفاع منها عن المقصرين من ابناء مهنتها....و ده واضح من ردك.....عشان ما ابقاش قولت حاجة انت ما قولتهاش

المشاركة الأصلية كتبت بواسطة mahmoudysf

السفالة لما اعرف حد راح يكشف في مستشفى حكومى والدكتور يقولة تعالالي العيادة بالليل وانا هعملك اللازم وافضيلك سرير عشان تعمل عملية
ومسلسل السفالة كبير جدا لو تحبي اكملك
وبعدين انا لا بدافع عن البلطجية اللي خلو سيادتك تشيلي الهلال من على العربية
ولا برضة حضرتك تاخدي لواء الدفاع عن الاطباء لمجرد انهم اطباء من غير ما تفرزي اللي عندهم ضمير من معدومي الضمير

انا معرفكش شخصياً و لا بينى و بينك حاجة ....و يجوز اكون احتديت و اتكلمت بشكل هجومى شوية

نظراً لأنى بقيت شايف الاتجاه لألتماس العذر....مش هاقول التبرير....لأفعال خطأ ....بالكبت اللى عند الناس من قبل كده

و ده شىء انا شايف انه مصيبة

و يجوز اكون خدت كلامك على محمل تانى ....او انى بدون فهم داخل اقول اى كلام و خلاص

بس ما اعتقدش انى انا الوحيد اللى فهمت غلط....علشان مش من المنطقى ان الدكتورة و الاستاذ هشام كمان فهموا غلط

الا لو كان كان كلامك يوحى فعلياً بكده

و بغض النظر عن ده كله ....ده ما يديكش الحق ان تغلط و تقول كلام من نوعية ( بدون فهم كالعادة نخش نقول اي كلام وخلاص ، اول ما دخلت اول مشاركة خبطت فيها ، داخل توجهلي كلمتين وتقولني حاجات محصلتش وخلاص)

اللى هو غير مقبول تماماً

و خاصة انى حتى لو احتديت فى كلامى ..فبرده لم يصدر منى اى تجاوز تجاهك ...

انا مش هرد عليك بنفس اسلوبك ....مش عشان مش قادر بالعكس ...بس علشان انا ع يقين انى مفيش اى فايدة هتعود

عليه او ع اى حد ....لو فضلنا نغلط فى بعض.....و ان المكان الامثل لهذا النوع من الحورات يبقى وش لوش ...مش من ورا الكيبورد

و يا باشا حقك عليا و انا فعلاً ما بفهمش و داخل ارمى كلمتين و خلاص

تقبل تحياتى يا سيدى الفاضل واسفى اذا كنت تجاوزت معاك فى الحوار