عايز عربية كويسة

**temokemo** · 20-02-2011 10:43 PM

يا جماعة اليومين دول بدور علي عربية تكون سوبر اكشن او هاف سبورت بس المهم تكون فبريقة بالكامل وتكون عداد قليل والموديل يكون معقول
الشي الغريب ان الواحد بيسمع اسعار غريبة شوية ومواصفات بيكون اصحاب العربيات كتبنها في الاعلانات وساعة الجد تلاقي الكلام مختلف خالص
فمثلا قراءة اعلان في كونتكت كار عن عربية موديل 2007 سوبر اكشن ( بدون خربوش) صاحبها كان كاتب كدة عداد 70الف والمطلوب 85 الف جنية قلت معقول اكلامة واكيد في كلام في السعر المهم رنت علية قالي العربية موجودة بس هية رشة اكصدامين بس قلت لية رشة لية قالي علشان الخرابيش قلت لية ماش مش مشكلة في حاجة تاني قالي في خربوش في الرفرف وتم عمل الخربوش (بدون خربوش)
ماشي يا عم طيب اية اخبارك في السعر قالي اخري 84 الف جنية
المشكلة ان العربية موجودة في القاهرة وانا من المنيا وخايف اضرب مشوار وفي الاخر يطلع كلام صاحبها كلة كداب
والحاجة التانية مش عارف السعر مناسب ولا كدة كتير
ارجو المساعدة ولكم جزيل الشكر

**eldell** · 21-02-2011 12:46 AM

ممكن حضرتك تقوله انك مش من القاهره يقولك على كل الى فى العربيه قبل ماتيجى المشوار ده كله وبعدين السعر يعتبر كتيير شويا تنزل بتاع 5 الف يعنى 79000 وانتظر برضه راى باقى الاعضاء وموفق باذن الله

**rekillme** · 21-02-2011 08:36 PM

سوبر اكشن 2007 وماشية 70000 كم
اخرها يوم ماتتنطط 80000جنيه
تحياتى

**temokemo** · 21-02-2011 11:23 PM

المشاركة الأصلية كتبت بواسطة eldell

ممكن حضرتك تقوله انك مش من القاهره يقولك على كل الى فى العربيه قبل ماتيجى المشوار ده كله وبعدين السعر يعتبر كتيير شويا تنزل بتاع 5 الف يعنى 79000 وانتظر برضه راى باقى الاعضاء وموفق باذن الله

الف شكر علي الرد
وهتكلم معه في السعر
وربنا يوفق