الموضوع: طلب تسعير سيارة

المشاركة الأصلية كتبت بواسطة tarek_2005

سيارة bmw318 موديل 1992 محرك 1800 cc

دواخل فابريكة

تم تغيير اللون الخارجي من الكحلي الي الاحمر ثم تم اعادتها الي اللون الكحلي مرة اخري

الدواخل سليمة
تم قياس كبس المحرك اعطي 82%

العفشة سليمة

محتاجة لتغيير سيور لعلو صوت السيور
بعض المشاكل في التحكم بالمرايات الكهرباء ومروحة التكيف الخ ( اقصد محتاجة كهربائي نظيف )


ياتري اشتريها بكام

الرجاء الافادة السريعة عن حدود السعر حيث اني اول مرة اركب bmw

وعلي وشك اتخاذ القرار وليس لدي خبرة في هذا النوع من السيارات

ما هى مشاكل الموجوده بالمرايا الكهرباء؟؟؟ موضوع السيور هذا شىء بسيط قد يتكلف بالكثير 250 جنيه, موضوع المرايا إذا كانت تحتاج إلى تغيير محركات المرايا هيتكلف المحركات 150 جنيه. موضوع مروحة التكييف الله و رسوله أعلم بالتكلفه و قد تجد بها شىء زياده الله و رسوله اعلم؟؟؟ نصيحه شوف كهربائى أو اسأل كهربائى بى أم دبليو عن الأشياء الموجوده حتى تقدر تعرف حجم المصروفات. عالعموم سعر 60000 - 65000 جنيه هو حاليا سعر ال e36 1991 - 1993

بص عالسقف كويس أوي لتكون مقلوبه او مغيره سقف (موضوع تغيير اللون مرتين ده مش طبيعي ابدا)
وأتأكد أوي أوي أوي من دواخلها ومن النص الوراني والرفارف اللي ورا

لو رشه سقف (مش مقلوبه) تعمل 55000 او أقل
لو فيها شغل متجبهاش وياريت تاخدها البنزينه ومعاك سمكري حريف بجد

وربنا ينور ليك بصيرتك ويرشدك لأحسن حاجه ويجعلها أو غيرها وش السعد عليك

من 58 ل 63 الف حسب الحالة والمصاريف اللى هاتحتاجها
دور على الاساسيات والحاجات البسيطه زى المرايات الاكر الجريد بتاع البيبان امره هين وموجود ومش غالى
كبس الموتور على حسب كلامك جميل جدا وهاتحس بيه لانها 1800
ربنا يكرمك وان كان ليك فيها نصيب تبقى وش الخير عليك وعلى اهل بيتك

نصيحه انا مشمشجع انك تشتريها