ساوند سيستم للوجان

**hragheb007** · 04-03-2011 02:26 PM

تم تركيب ريموت بايونير الطارة

الصورة ديه مؤقتاً لحد أما أصورلكم كل حاجه في مكانها في العربية إن شاء الله

سعر الريموت 150 جنيه من أدريان جامعة الدول العربية

**zico900** · 05-03-2011 01:18 PM

ما شاء الله شغل عالي....منتظرين صوره شكل السماعات في الرف الخلفي....وهل هو مستحملها كويس لما تشغلهم بصوت عالي؟

حاجه تانيه: هوا الكاسيت ده صيني ولا تايلاندي؟

**hragheb007** · 05-03-2011 01:55 PM

المشاركة الأصلية كتبت بواسطة zico900

ما شاء الله شغل عالي....منتظرين صوره شكل السماعات في الرف الخلفي....وهل هو مستحملها كويس لما تشغلهم بصوت عالي؟

و الله يا باشا شغالين زي الفل بس أنت عارف في رأي يقولك الرف الفابريكة أحسن و ناس تقولك الرف الخشب أحسن
بس أنا هجرب برضه إن شاء الله الرف الخشب و أشوف الفرق و أقولكوا

حاجه تانيه: هوا الكاسيت ده صيني ولا تايلاندي؟

لا يا باشا ما تقولش كده تايلاندي طبعاً

**ahmad--ezzat** · 05-03-2011 04:08 PM

انت هتشيل الرف الاصلى وتركب رف خشب؟

**zico900** · 05-03-2011 05:54 PM

اخر سؤال ان شاء الله!!

بعد تركيب الكاسيت الجديد....لما تطفي العربيه و هوا لسه شغال....بيطفي اتوماتيك ولا يفضل مفتوح؟ و هل لو العربيه مطفيه و مفيهاش المفتاح و شغلته....يشتغل عادي ولا لازم تبقى جايب وضع الاكسسورات او تبقى العربيه دايره؟؟

شكرا يا هاني باشا

**nour_nrc** · 05-03-2011 06:14 PM

مبروووووووووووووووووووووو ووووووووووووووووووووووووو ووووووك يا هاني

**clenceman** · 05-03-2011 11:07 PM

1000 مبروك وربنا يباركلك فيه
ياريت حضرتك تقولنا تقييم عن االساوند سيستم الجديد
وهل الوش بتاع السي دى بلاير بيتشال بحيث انك تشيله بالذات لو بتركن العربية فى الشارع؟

**clenceman** · 05-03-2011 11:14 PM

اضغط هنا لتصغير الصورة.

سؤال تانى...
هى دى عربية لوجان؟

انا شايف انها عربية هيونداى i 10
ودركسيونها يمين وكاسيتها شمال

أى خدعة ياباشا
جبتها وهى طايرة

**hragheb007** · 05-03-2011 11:47 PM

المشاركة الأصلية كتبت بواسطة ahmed_nubira

انت هتشيل الرف الاصلى وتركب رف خشب؟

عاوز أشوف فرق الصوت لو يستاهل هظبطه و أخليه

المشاركة الأصلية كتبت بواسطة zico900

اخر سؤال ان شاء الله!!

بعد تركيب الكاسيت الجديد....لما تطفي العربيه و هوا لسه شغال....بيطفي اتوماتيك ولا يفضل مفتوح؟ بيطفي و هل لو العربيه مطفيه و مفيهاش المفتاح و شغلته....يشتغل عادي ولا لازم تبقى جايب وضع الاكسسورات او تبقى العربيه دايره؟؟ لازم تبقى جايب وضع الاكسسورات او تبقى العربيه دايره

شكرا يا هاني باشا

على أيه يا باشا ده أحنا هنا كلنا أخوات

المشاركة الأصلية كتبت بواسطة nour_nrc

مبروووووووووووووووووووووو ووووووووووووووووووووووووو ووووووك يا هاني

الله يبارك فيك يا دكتور

المشاركة الأصلية كتبت بواسطة clenceman

1000 مبروك وربنا يباركلك فيه

الله يبارك فيك يا باشا
ياريت حضرتك تقولنا تقييم عن االساوند سيستم الجديد

و الله هو الصوت فارق جداً و طبعاً بس أنا لوقتنا هذا مش عارف أظبط إيكوليزر الكاسيت صح حاسس أن فيه أفضل من كده
وهل الوش بتاع السي دى بلاير بيتشال بحيث انك تشيله بالذات لو بتركن العربية فى الشارع؟

ممكن تشيل وش الكاسيت و تحطه في الجراب اللي جاي معاه

المشاركة الأصلية كتبت بواسطة clenceman

سؤال تانى...
هى دى عربية لوجان؟

انا شايف انها عربية هيونداى i 10
ودركسيونها يمين وكاسيتها شمال

أى خدعة ياباشا
جبتها وهى طايرة
أحب أنا قوي الملاحظه

بس أنا قولت فوق الصورة ديه أن الصوره ديه مؤقتاً لحد أما أصور كل حاجه في العربية

**hragheb007** · 06-03-2011 12:24 AM

زي ما وعدتكوا بالصور

وفيت بوعدي و الصور معاكوا يا وحوش

1- صورة الكاسيت لقطه قريبه

2- صورة برضه للكاسيت بس المره ديه لقطه بعيده شويه و أشمل + ريموت الطارة

3- صورة السماعة اليمين

4- صورة السماعة الشمال

طبعاً السماعات مفارقة شوية عن الرف بس ده بسبب مكان السماعة اللي موجود في العربية زي غطاء كده لونه أسود ممكن تشوفه من جوا الشنطة و ما رضيتش أشيله عشان ألتزم بمبدأ أني مش هلعب في أي شئ في العربية و الموضوع مش باين أولاً لأنهم ورا مخادع الكنبه ده غير أنهم ماسكين كويس جداً في الرف

الموضوع: ساوند سيستم للوجان

LinkBack

أدوات الموضوع

عرض

-

-

-

-

-

-

المواضيع المتشابهه

مساعدة فى ساوند سيستم

ساوند سيستم بالقسط

ساوند سيستم للبيع

ساوند سيستم

ساوند سيستم للبونتو

الكلمات الدلالية لهذا الموضوع

المفضلات

المفضلات

ضوابط المشاركة