هم الانتخاب

**Dojuar** · 21-02-2011 03:56 PM

كلي شوق للنزول للانتخاب

سواء للتعديلات الدستورية او مجلس الشعب او اختيار الرئيس القادم

و كلنا عارفين ان ما بين لحظة و اخرى سيعلن الانتهاء من صياغة التعديلات

كل خوفي دلوقت ان يعلن عن بداية الاستفتاء ولكن بالبطاقة الانتخابية و ليس بالبطاقة الشخصية

يعني بدل ما يطلع 30 مليون ينزل 5 مليون

يا ترى معلوماتكم ايه عن البطاقة الانتخابية؟ بنطلعها ازاي و منين؟؟

و اللا تفتكروا هايكون بالرقم القومي؟

**Tarek Gen 2** · 21-02-2011 04:02 PM

لو بطاقة قومية ننتخب
لو بطاقة انتخابية ننتخب بس فى ميدان التحرير !!

**agwaa** · 21-02-2011 04:05 PM

يقال والله أعلم أن الإنتخاب سيتم ببطاقة الرقم القومي
ولكن تحسباً لأي تغير يجب أن نستخرج البطاقة الإنتخابية
و البطاقة الإنتخابية يتم إستخراجها من قسم الشرطة التابع لك بصورة البطاقة وصورة شهادة الميلاد ( ونصيحة لازم تاخد معاك الأصل لآنه قد يطلب للإطلاع )
ويتم ذلك في الفترة من أول يناير وحتى نهاية مارس من كل عام ....
ولكن في الظروف الحالية ومع إحتراق معظم أقسام الشرطة لا أعلم ماذا سيكون الوضع

**Dojuar** · 21-02-2011 04:09 PM

المشكلة ان مفيش حد لا في الاعلام و لا حتى مجلس الحكم جاب سيرتها او ناقشها

**jisso82** · 21-02-2011 04:09 PM

المشاركة الأصلية كتبت بواسطة dojuar

كلي شوق للنزول للانتخاب

سواء للتعديلات الدستورية او مجلس الشعب او اختيار الرئيس القادم

و كلنا عارفين ان ما بين لحظة و اخرى سيعلن الانتهاء من صياغة التعديلات

كل خوفي دلوقت ان يعلن عن بداية الاستفتاء ولكن بالبطاقة الانتخابية و ليس بالبطاقة الشخصية

يعني بدل ما يطلع 30 مليون ينزل 5 مليون

يا ترى معلوماتكم ايه عن البطاقة الانتخابية؟ بنطلعها ازاي و منين؟؟

و اللا تفتكروا هايكون بالرقم القومي؟

بتروح القسم اللى انت تابع ليه و معاك صورة من الرقم القومى و هتملا ورقة زى استمارة كده و بعدين بتتسجل و بتاخد البطاقة للأسف خلال وقت طويل شوية يعنى مثلا أنا قسم الدقى لما سألت قاللى لو عملتها دلوقتى هتاخدها على شهر مايو بس الحقيقة ما أعرفش إذا كان ده الطبيعى و لا الظروف اللى احنا فيها هى اللى فارضة الوقت الطويل ده

**Dojuar** · 21-02-2011 04:12 PM

المشاركة الأصلية كتبت بواسطة jisso82

بتروح القسم اللى انت تابع ليه و معاك صورة من الرقم القومى و هتملا ورقة زى استمارة كده و بعدين بتتسجل و بتاخد البطاقة للأسف خلال وقت طويل شوية يعنى مثلا أنا قسم الدقى لما سألت قاللى لو عملتها دلوقتى هتاخدها على شهر مايو بس الحقيقة ما أعرفش إذا كان ده الطبيعى و لا الظروف اللى احنا فيها هى اللى فارضة الوقت الطويل ده

انا بدور دلوقت عرفت انها بتاخد 3 اشهر

زائد في اللي بيقولك انها في اخر3 شهور من السنة

**Kareem.ElAraby** · 21-02-2011 04:13 PM

كيفية الحصول على بطاقة انتخابية (اخر ميعاد للحصول عليها 9 مارس)
1-اذهب الى اقرب قسم شرطة بنسخة من صورة البطاقة و يجب أخذ الأصل أيضاً
2-يتم ملأ الاستمارة المعنية بهذا الأمر
3-بعد 48 ساعة سوف تحصل على رقمك الانتخابى و هو يعتبر اهم شئ لإثبات حقك فى الانتخاب
4-بعد نصف ابريل يتم استلام البطاقة الانتخابية الحمراء
...
تنبيه هام:حتى الآن لم يتم اعتماد الرقم القومى كوسيلة للانتخاب

**jisso82** · 21-02-2011 04:33 PM

أنا رأيى يا جماعة إن فعلا احتياطيا لازم نروح نعملها لنلاقى نفسنا فى الآخر ما لناش حق الانتخاب و يروح كل اللى اتعمل ده على الفاضى

**SkyBird** · 21-02-2011 05:02 PM

المشاركة الأصلية كتبت بواسطة tarek gen 2

لو بطاقة قومية ننتخب
لو بطاقة انتخابية ننتخب بس فى ميدان التحرير !!

كلام سليم
لو انتخابات مجلس الشعب بالبطاقة الانتخابية والكشوف القديمة يبقى مفيش نزاهه وشغل الفهلوة يرجع تاني لان نص المقيدين اما غير موجودين او متوفيين وطبعا الكشوف بتتقفل حتى لو كان فيه قضاء
لازم الاثنين
بطاقة الرقم القومي + القضاء
لان الانتخاب بالرقم القومي هيقلل عدد اللي ليهم حق في الانتخاب للنص تقريبا من اللي موجود الان واللي اعتقد انه ضعف عدد سكان مصر
بس برضو الحكومة دي حكومة شفيق يا راجل مش هتجيبها لخير
هيقوللك مفيش وقت لقيد الناس الجيدة ولا في وقت لتنقية كشوف الانتخابات ويلا هوبا ..... كل ده علشان الحزب الوطني يرجع تاني وهي دي الثورة المضادة اللي مش واخدين بالنا منها واللي نبه عليها البرادعي امبارح وقال
استمعوا للشعب واعملوا
مجلس رئاسي حكومة انتقالية هيئة لصياغة دستور جديد للبلاد لكن الناس دي مش عايزها ثورة بجد عايزينها نص ثورة
وفي الاخر هيقولك
الاستفتاء بالبطاقة القومية
وانتخاب مجلس الشعب بالبطاقة الانتخابية
شغل فهلوة برضو

اللي عايز مصر تتغير فعلا والثورة تكسب يسمع كلام البرادعي بجد واللي كاره البرادعي ميخليش الكره ده يعميه عن الحقيقة

**mertahgedan** · 21-02-2011 05:20 PM

المشكلة ليست في أحد هنا في المنتدي كلنا الحمد لله عارفين حقوقنا كويس وده علي اختلاف توجهاتنا المشكلة في الناس اللي بتبيع صوتها الانتخابي الناس الغلابة اللي بتقول 20جنيه أحسن من أي حد . هي دي المشكلة وهما دول اللي بيأثرو في صندوق الاقتراع . لازم الانتخابات تكون بعد سنة أقل حاجة .علي ما الناس دي تكون عرفت حقها كويس. والدستور يكون مؤقت عشان اللي هيصوت عليه هم نفس اللي كانو في آخر انتخابات وكلنا شوفنا ايه اللي حصل فيها