الموضوع: فضائح احمد شفيق ياما تحت الساهى دواهى(الكلام ده فعلا صح ولا لاء )

اخى العزيز صاحب الموضوع
انا شايف ان كلامك ده انا اسف مش صحيح لسبب بسيط . ان بعد ثوره ٢٥ يناير مبقاش حد بيخاف و لو الكلام ده صحيح يبقا اكيد موثق و لو موثق اكيد هتلاقى حد يطلع فى و يتكلم و يتهم براحته مدام معاه دليل خصوصا ان كل المعارضه مش حابه وجود شفيق فى الوزاره ولا شباب الثوره بس لما تسألهم ليه مش عايزينه يكون الرد انه من بواقى النظام السابق بس مش اكتر من كده لكن لما تسأل طب حد يا جماعه شايفه فاسد يقولو لا احنا عارفين انجازاته فى مجال الطيران بس مينفعش رئيس وزراء و كل السبب انه من بواقى مبارك و انا شايف ان ده اللى سوء سمعته انما لو كان ممسكش الوزاره غير بعد تنحى مبارك كان زمان الناس كلها مبسوطه بيه
الراجل ده محدش قال عليه كلام وحش موثق و انا بأكد على كلمه موثق
و الله اعلم

يا جدعان بلاش وش و شوشرة و كفايه بقه كره احمد شفيق راجل محترم جدا و الاشاعات دى حرام بجد هدفها انو يمشى و خلاص
و كمان شفيق راجل كفاااءه حته باين من كلامو انو جنتل مااان و عارف الشباب عاوز ايه يعنى من الاخر بييييس يعنى

على فكره يا جماعه الموضوع ده منقول من موقع مصراوى لكاتب فاسد دايما مهتم بكتابه مواضيع قبيحه وفاسده ملهاش اى اساس من الصحه
وياريت كل واحد قبل مايقرى يفهم جيدا هذه الايه ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ )
يجب مراعاة الدقة عند الاستعانة بالايات القرآنية
17ب

والله ربنا يستر
خلاص الثقه راحت وماتت من زمان منهم لله هما اللى عملو فينا كده