كل سنه و انت طيب - عزيزي نايل موتورز :)

طبعا كلنا عارفين ان عيد ميلاد المنتدي اتعمل النهارده
منا اللي حضر و اللي منعته الظروف انه يحضر
لكنها بجد مناسبه فريده
اولا لانه منتدي مميز و فريد ايضا وسط منتديات السيارات المتخصصه لما يحمله من ود و حب و اخوه
ثانيا لانه عيد ميلاده الاول اللي اكيد كان فيه حصاد كامل لتجربه علي مدار العام بحلوه و مره
كل سنه و انت طيب نايل موتورز و عقبال مليون سنه
و شكرا لكل من ساهم في وصول المنتدي لهذا لشكل
شكرا لاعضاء المنتدي و حرصهم علي مساعده الجميع
شكرا لمشرفي المنتدي لما يبذلوه من مجهود قد يخفي علي البعض
شكرا للاداره
شكرا للجميع
كل سنه و انت طيب نايل موتورز :) :) :)
ها كل واحد يدخل يعيد علي المنتدي :)

عندك حق يا أخى الفاضل
وأنا فعلا سعيد بإنضمامى للمنتدى ويشرفنى وجودى معكم
وكل عام والمنتدى وأعضاؤه بأفضل حال

كل سنة و نايل موتورز و كل الأعضاء بألف خير
إن شاء الله السنة اللى جايه أحسن و أحسن

دايماً سباق فى الخير يا Nile_Storm :)
كل سنة و انت طيب و نايل موتورز حبيبنا بالف خير و يارب السنة اللى جاية نكون اضعاف اضعاف المشتركين ويزيد عدد الاعضاء النشطين لمساعدة اخواتهم و اللى مبيتأخروش على اى حد منهم محتاج مساعدة ويارب يزيد الحب بينا و يوفقنا فى عمل الخير لينا و لكل الناس و يقدرنا نكون عند حسن ظن بعضنا دايماً و نكبر و بكبر معانا احلى منتدى سيارات فى مصر .
والف شكر لكل من ساهم بوقتة ومجهودة من ادارة و اسرة اشراف و اعضاء .
الف شكر ..وكل سنة واحنا كلنا طيبين إن شاء الله .

كل سنة ونايل موتورز بخير .... انا فعلا ياجماعة كنت اسمع ان فى حاجة اسمها منتديات الأنترنت لكن معنى المنتدى الفعلى عرفت عن طريق نايل موتورز .. وقربت اكون مدمن نايل موتورز

كل سنة و المنتدى و كل الاعضاء بالف خير و سعادة :)

كل سنة و نايل موتورز و كل الأعضاء بألف خير وسعاده

كل سنة والمنتدى دايما فى تقدم و تطور ان شاء الله والحمدلله ان فى مكان بيجمعنا كلنا كأننا عائلة واحدة
كل سنة وانت طيب يامنتدانـــــا الغالى
والله ياجماعة كان نفسى أجى لكن ظروف الشغل والله منعتنى

كل سنة وانتم جميعا طيبين
وكل سنة ونايل موتورز في تقدم وازدهار
انا عمري ما انضميت ولا تابعت اي منتديات قبل كدة و دخلت نايل موتورز صدفة وانا باحاول اعرف مواصفات السيارة اللي عاوز اشتريها ( بحث عادي علي الجوجل )
لكن من ساعة ما دخلت وانا حاسس بان المكان دة مميز .. بغض النظر عن فنيات السيارات .. لأنك ممكن تلاقي فنيات في اماكن اخري .. ( هذا لا يقلل من المستوي الممتاز لفنيات السيارات .. والعباقرة الموجودين هنا .. لكنني اقصد انها ممكن تكون أيضا موجودة في منتديات اخري ) لكن الناس الل هنا مختلفين .. اسلوبهم مختلف .. احترامهم لبعض مختلف .... من الآخر يا جماعة ...المكان دة أقل ما يقال عنه انه مكان راقي وناس راقية جدا .. ده حتي في ناس ما عندهمش عربيات ومش بيعرفوا يسوقو وموجودين معانا .. ده دليل علي ان الموضوع مش مجرد منتدي سيارات ... ده زي ما قلت مكان محترم سواء في مجال السيارات او اي مجال آخر
اوجه شكري العميق للإدارة والمشرفين .. فعلا مجهودهم كبير جدا .. ونتيجته واضحة علي المنتدي
كل سنة وانت طيب نايل موتورز

http://www2.0zz0.com/2008/04/05/09/150193842.jpg

ديه حاجه كده على قدى يا جماعه بس محدش يتريق لأن انا لسه مبتدأ فى الحاجات ديه و happy birthday يا احلى منتدى فى مصر

اقتباس:

---

المشاركة الأصلية كتبت بواسطة SEATLOVER

دايماً سباق فى الخير يا Nile_Storm :)
.

---

ده بس من ذوقك يا عاشق السيات :)

كل سسسسنه وانت طيب يا نايل موتوزززززززز وكل سنه وانت افضل المنتديات

انا مبسوووووووطه انى منضمه لاعضاء المنتدى واللى كلهم بيكوونوا اسره جميله جدا

كل سنه والمنتدى افضل وكل عضو من اعضاء المنتدى فى احسن حال يارب

كل سنة وانت كلكلم بخير
ودايما على مستوى راق في الحوار بدون ابتذال ولا سخرية من بعض
دايما بجانب بعض دايما في السراء والسراء وربنا ما يجبش ضراء
ربنا يديم اواصر الود ونجدد النية بينا وبين ربنا اننا بنعمل لوجه الله بدون رياء ولا نفاق ولا انتظار كلمة شكر
كل سنة وانتم طيبين
لو شوفتوا الروح الموجودة بيننا امبارح هاتعرفوا قصدي ايه

كل سنه وكل اعضاء نايل موتورز بخير
وان شاء الله السنه الجايه يكون نايل موتورز من اكبر مواقع السيارات فى مصر

http://www.floraegypt.com/images/12PinkRoses.jpg

أجمل باقة ورد أهديها لأغلى وأعز منتدى
وأغلى أعضاء

يوم ميلاد سعيد لمنتدانا العزيز

أصبح نايل موتورز إشراقه في حياتي وسط احباطات كثيرة

ففي وسط هذا الكم العجيب من المشاكل أجد مجموعه من الناس لا تعرف بعضها و تتكاتف لتسعد بعضها

شئ جميل ربنا ، جزي الله كل من شارك في هذا المنتدي كل الخير

كل سنه و انت طيب نايل موتورز
أحسن حاجة عجبانى بصراحة هنا هو الاعضاء المحترمين ووجود جو من التعاون الصادق بينهم

كل سنه و انت طيب يا نايل موتورز .
فعلا السنه عدت بسرعه البرق و كاني لسه مشترك امبارح بس.
نفس اللهفه و نفس الشوق كل يوم من يوم ما اشتركت لحد انهارده.
كل سنه و الجميع طيبين
كل سنه و دايما مع بعض باذن الله

كل سنة و المنتدى بخير و الاعضاء كلهم بخير ,
كل سنة و المنتدى للأمام و الأعضاء يبقوا 100 ألف و منهم 99 ألف عضو نشط ,
كل سنة و كلنا أخوة نساهم و نساعد و نعطي كل اللى نقدر عليه .

كل سنة وكل أعضاء المنتدى بخير وسعادة

كل سنة وانت طيب يا منتدى نايل موتورز

كل سنة والمنتدى يكبر وينتشر ويشتهر أكتر وأكتر

وعقبال ما نصل بعدد أعضاء المنتدى الى أكثر من مليون عضو ، وده رقم مش مبالغ فيه لأن فيه فعلا منتديات عربية فيها الرقم ده ، بس المهم يكون عدد الأعضاء النشطين 000 900 عضو منهم

كل سنه وإنت طيب يانايل موتورز
وعقبال مليون سنه إزدهار ونمو

أنا فخور بانتمائى لنايل موتورز..

لة الفضل فى معرفتى بأخوة ممتازين وعلى خلق ور وحهم مرحة.

تعلمت الكثير بالرغم من قلة مشاركاتى لكننى مدمن الدخول والقراءة والمعرفة..

شكراللأدارة والمحبة الموجودة فى قلوبنا..

تحيــــاتى

إلف مبروك وعقبال العضو المليون وأحتفال 100 سنة