ارجوكم كفايه مظاهرات ارحمينا يا ست نواره

**adelseliem** · 22-02-2011 05:20 PM

المشاركة الأصلية كتبت بواسطة itsonlyme

يوم الجمعة اللي فاتت كانت الأعداد أكبر بكتير من كل جمعة لأنه كان احتفال مش مظاهرة والحمد لله محصلش مشكلة كبيرة

في الجمعات الجاية ان شاء الله يكون التأمين من قبل اللجان الشعبية وان شاء الله مايحصلش حاجة برضو

هقولك زى ما قال المجلس العسكرى
الموضوع مش أجبار أن محدش يعمل مظاهره
ولو العدد قليل ممكن يتأمنوا وخلى بالك الخوف عليهم مش منهم
حضرتك سمعت وائل الابراشى لما قال معايا تسجيل لعضو مجلس الشعب بيقول أنا دفعت 7 مليون وما أستفدتش بالحصانه وهدفع 7 مليون وخليها فوضه
فهمت ليه الجيش غير لبسه فى ميدان التحرير ( الميدان بس ) أثناء المظاهرات
طب هسألك سؤال
لو فجأه سمعت ضرب نار ولقيت ناس بتقول الجيش بيضرب نار علينا , عارف أيه اللى هيحصل
كل اللى فى الميدان هيجروا يضربوا فى الجيش وتخيل الوضع هيبقى أيه
وعلى فكره اللى قال الجيش ضرب نار هتلاقيه زميل اللى ضرب نار علشان يهيج الميدان

أنت لو نازل بالليل مشوار ممكن تكون قلقان شويه لكن لو معاك أبنك أو مراتك هتكون مرعوب

**تامر.محمد** · 22-02-2011 05:29 PM

المشاركة الأصلية كتبت بواسطة adelseliem

ه
لو فجأه سمعت ضرب نار ولقيت ناس بتقول الجيش بيضرب نار علينا , عارف أيه اللى هيحصل
كل اللى فى الميدان هيجروا يضربوا فى الجيش وتخيل الوضع هيبقى أيه
وعلى فكره اللى قال الجيش ضرب نار هتلاقيه زميل اللى ضرب نار علشان يهيج الميدان

الناس الحمد لله بتثق في الجيش , و فيه ناس في المظاهرات نفسها بيبقوا مفتحين عينيهم على الحركات دي كويس اوي
لا داعي لتخويف الناس

**adelseliem** · 22-02-2011 07:16 PM

المشاركة الأصلية كتبت بواسطة tlrsiap

الناس الحمد لله بتثق في الجيش , و فيه ناس في المظاهرات نفسها بيبقوا مفتحين عينيهم على الحركات دي كويس اوي
لا داعي لتخويف الناس

المشاركة الأصلية كتبت بواسطة itsonlyme

ماهو زمان كان الخوف من الأمن المركزي والمخبرين. وكان الاعتقال على ودنه
هل كان ده المفروض يمنعنا من التظاهر طول السنين دي؟ لأ طبعا، دا احنا كان لازم نتظاهر من زمان

صدقني الناس اللي بتروح المظاهرات واعية جداً ولو في أي حد في المظاهرات بيعمل قلق هما اللي بيسطروا على الموقف بسرعة. لو حصل ضرب نار والله هتلاقي الناشطين والمنظمين للمظاهرة بيهدوا الوضع بسرعة

تخويف الناس؟؟
طب وأخوف الناس ليه وأيه اللى أستفيده

أنا قلت أنا خايف على الناس مش خايف منهم

لو نزلوا أنا مش خسران حاجه ولا كسبان حاجه على المستوى الشخصى لكن خايف عليهم وعلى البلد زى كل الناس لكن كل واحد خايف عليها من منظوره

وأنا خايف أن حد يجراله حاجه أو يستشهد تانى كفايه اللى أنتوا شفتوا صورهم زى ما أنا شفتها بس أنا شفت زمايلى أللى أستشهدوا ( رحمة الله عليهم جميعا ) علشان يحموا البلد