الموضوع: كلمة سمعتها كتير من ناس كتيييير

أعزاء عشاق الأسد الفرنساوى او البيجوهايجية على راى سكرة المنتدىوحبيبي flyingpeujoet
مقولة سمعتها كتير ومن ناس كتير سواقين وميكانيكية وعفشجية وكهربائية وملوخية:D وتجار قطع غيار وكمان دكاترة جامعة وسواقين عربيات شرطة واسعاف وسواقين مكرباصات وناس كتيييييييييير
أول حاجة كنت عاند الميكانيكى بضبط شويه حجات فبسأل عن الماتور وكفأتة رد وقال شوف يأستاذ البيجو بيجو قلت اكيد حاجة كويسة رحت فى يوم بكشف على العفشة فجت سيرت عفشة نوبيرا والدايو رد الراجل وقالى البيجو بيجو ياباشا وقالى عارف العربية ال504 وقوة عفشتها قلت له أيوة قلى العربية دية عفشتها أجمد منها قلت شئ مشرف
الناس تجار قطع الغيار بيحبوها جدا وبالنسبة لهم أى عربية مش بيجو متتركبش على حد قولهم ومع أحترامى لمركات أخر ومحبيها وبيقولوا برضة البيجو بيجو وتاجر كبير جدا ممكن يشتر بي ام على الاقل راكب 405 ويقول العربية دية وش الخير عليه وبيموت فيها ولا يمكن يبعها باى سعر
ومرة كنت قاعد مع جدى اللى مبيفهمش أى حاجة عن العربيات غير أنها بتمشى وكان بيتنأش مع واحد صحبة فى موضوع محنك وزكى فقله وانت أيه فهمك فى البيجو قلت دليل على قيمة الماركة
السمكرى بيستعدل خبطة فى الشنطة عندى معرفش يعدلها لوحدة فندى واحد معاه فبصيت له بستغراب فقلى صاج تقيل وناشف البيجو بيجو برضة يأستاذ
عندنا فى الزقازيق العربية البيجو 504 دية كل الناس بتحنها حب جنونى وبتوصل عندنا بالذات لأرقام خيالية خصوصا التكسيات وتلاقى الواحد اللى راكب الشاهين موديل السنة محدش يسد معاة من السوقين كلهم ألآ واحد من الشباب اللى معاه حتة بيجو504 مو 79 مروقها ومجنط وتلاقى العربية وقفتها على الأرض خرافة فيكن على طول هيروح منه فين كفاية الثبات بتعها وناس من صحابي مبيحبوش يركبو تكسيات غير 504 ويقولوا البيجو بيجو
وكمان كل مواقف مصر ملايانة بالعربيه البيجو السبعة راكب وكلها بتروح
ومرة راكب عربية سبعة راكب فواحد بيقول السواق خلى بالك الرادار اخره 90 قلة هو فية حد بيجو بيمشى أقل من 120
الكربأى كمان بيقول مش اى حد يفهم فى العربية دية بذات لأنها معقدة ولها أنظمه معينة والبيجو ماركة نمرة واحد
وكمان قبلت دكتور فى الجامعة عند تاجر قطع غيار الراجل عمال يشتر فى حجات وكمليات ومش همة الفلوس وممكن يجيب الحاجة مرتين فبتناش معاه قلى مستريحتش غير مع العربية دية أصل البيجو بيجو
وكمان عندنا فى الزقازيق خط الجامعة كل الميكروباصات بيجو ممكن متصدقوش وتقولوا الراجل اتهوس هو فيه كدا والله العظيم كل العربيات اللى شغالة على الخط السرفيس مكرباصات بيجو والمكروباص دة كبالن أماميه وعزمة قوى جدا وبنزين كمان وفى ناس بتكب عليةمكن 405 و505 كمان تخيلوا بقى السرعة وبيوصل الميكروباص ال 85000 جنية ومعروف جدا انة مكروباص وحححش وواسع جدا ممكن يقف فيه ناس أكتر من اللى قعدين اه والله لأن البيجو بيجو
ومرة كان راكب معايا واحد صحبي معاه 504 وهيموت ويجيب عربية دايو وكان حبب سحبها جدا وكان راكب جنبي وأنا حاسس بيه كان نفسه يسوق عربيتى بس مقلش فرحت راكن من تلقاء نفسي وقلت له انزل يا عم جرب فركب العربيه واول مجاب 140 وشاف الثبات قال يأخ البيجو بيجو برضة
خلاصة القول واللى فهمتوا من كل دة............أن



البيجو بيجو

وشكرا

المشاركة الأصلية كتبت بواسطة checco_only

By the way .. ana maba7ebbesh el Peujoet :D loool

على بالرغم من تعصبنا الشديد للبيجو لكن برضة بنحرتم اراء الناس واختلاف الرأى لا يفسد للود قضية
واللى ياكل لوحدة يشبع;)