خبر المووسم وهيفيد ناس كتيييير

**kantoosh** · 24-11-2011 12:00 AM

السلام عليكم ورحمة الله وبركاته
انا كنت كتبت مشكلتى مع دخول الميه على الزيت بسبب شرخ وش السلندر والتفاصيل هنا
http://www.nilemotors.net/Nile/257121-a.html
ولكم المفاجاه انى فعلا توكلت على الله وقولت كده كده انا هفك الوش ما اجرب وفعلا جربت وحطيت بن كالتالى:
فتحت طبة الميه وفضيت الريداتير كله وفكيت الخرطوم الداخل للريداتير من الموتور ونفخت فيه علشان الميه اللى فى الموتور تخرج وبعدين قفلت الطبه وجيبت حوالى لتر ميه وبتاع 5 ملاعق بن كبيره وحطيتهم فى الميه ورجيت كويس علشان البن يدوب كويس وحطيت الخليط من الخرطوم اللى خارج من الموتور للريداتير كده الميه نزلت للطرمبه ومنها للموتور وفضيت الكميه كلها وفضلت انفخ واشفط اكتر من مره علشان المياه تتخلل كل اجزاء مجارى المياه وبعدين رجعت كل حاجه زى ما كانت ومليت الريداتير ميه ومشيت مشوار ربع ساعه كده ورجعت وقولت يا رب والحمد لله الموضوع انتهى وكانه سحر والله العظيم كل كلامى صدق وانا وش السلندر اتلحم بالبن والزيت منع والحمد لله واتمنى ان التجربه تعود بالفائده على الكل

**Elawany13** · 24-11-2011 12:49 AM

هههههههههههههههههههه

**kantoosh** · 24-11-2011 02:03 AM

والله بتكلم بجد ودى تجربه حصلت معايا فعلا والتسريب راح

**nicegypt** · 24-11-2011 07:24 AM

خلي بالك يا استاذ " kantoosh "
حتى لو منع البن بالفرض .. فتأثيرة هيكون مسكن لا اكثر ولا اقل
ولا يصح الا الصحيح
والصح انك تغير وش السلندر طالما فية شرخ لما ربنا يكرم حضرتك بمبلغ وتنساة
وشكراَ على نقل تجربتك الجميلة .. حلينا مشكلة شرب القهوة ع الطريق :)

**kantoosh** · 25-11-2011 12:34 AM

الحمد لله لحد دلوقتى الزيت زى الفل والحمد لله مفيش اثر للمياه او ممكن يكون بس بسيط وطبعا هل من تاثير المياه القديمه او لأ الله اعلم لكن والحمد لله انا شايف الزيت بقى تمام حتى كمان صوت المكنه بقى كويس لانه بقى فيه زيت خالص مش زيت مخلوط بمياه وعلى فكره انا جربت قبل ما اعمل الموضوع ده تجربه وشوفت مدى تاثير البن على الالومنيوم لقيت ان الواحد لما بيعمل كبايه قهوه شوية البن اللى على الحواف مع السخونيه بيلزقوا على الالومنيوم وعموما دى تجربه تنفع اى حد مزنوق وعنده المشكله دى وعاوز يمشى بالعربيه ما يوقفهاش وفى الاول وفى الاخر الحمد لله ان ربنا كرمنى ويا رب التجربه تفيد الناس كلها

**minicooper20** · 25-11-2011 04:15 AM

شوفت واحد عمله فى بيجو 504 و مشى بيها شهرين و كل شويه يزود البن

**biomedo** · 25-11-2011 05:17 PM

بجد الكلام ده

**modo88** · 30-11-2011 08:19 AM

اه بجد لان العربيه دماغها بتتظبط وبتصحصح ع القهوه :d

**smsm_nabawy** · 03-12-2011 03:16 PM

أيوا يا سيدي الفاضل ،، البن مجرد سد الشروخات دي ،، لكنه مع الأستخدام حيسرب تاني

فهو زي ما قال بعض الأعضاء كده ،، هو مسكن للآلام :))

يعني حاجة مؤقته ،، و كل شوية حتكررها لحين تغير الوش كله :(

-

الموضوع: خبر المووسم وهيفيد ناس كتيييير

LinkBack

أدوات الموضوع

عرض

-

-

-

-

-

-

المواضيع المتشابهه

الفيرنا بتاكل بنزين كتيييير جداااا

صور شاهين متظبطه كتيييير

كلمة سمعتها كتير من ناس كتيييير

السحب قل كتيييير

الكلمات الدلالية لهذا الموضوع

المفضلات

المفضلات

ضوابط المشاركة