غدا 6 ابريل ياريت كل واحد يقول توقعه لليوم ده؟
عرض للطباعة
غدا 6 ابريل ياريت كل واحد يقول توقعه لليوم ده؟
انا متخيل ان 75% من الناس الى عرفت بالموضوع هتروح الشغل عادى ولا كن فى أى حاجه
وأساسا أكتر من 25% من الشعب معرفش حاجه عن الموضوع
وطبعا الى مش هيروح اليوم ده ويروح اليوم الى بعدها هيلائى انذارات وخصومات ومش بعيد رفد
فعلا اعتقد ان مش حيحصل حاجة
حاسس انوا ممكن يحصل حاجة لان على الفيس بوك
اكتر من 50000 الف قالوا انهم مش هاينزلو الشغل
ولا اي حاجه هتحصل
فيه بيانات عسكرية شغالة دلوقت كل ساعة ع القناة الأولى. الكلام ده له معنيين:
الأول: الحكومة خايفة
الثاني: الناس هاتخاف
مش هايحصل حاجة (غير للي نظموا المظاهرات، ربنا معاهم بقى)
يالهووووووووووووووووووووو ووووى لا بلاش اى مظاهرات وحاجات فى السياسه لاحسن انا كده ممكن اشحت بجد
ربنا يسترها ويعدى اليوم ده على خير ولالالالالا انا هفرش فى الحسين واقول صدقه يا محسنين
لو محصلش حاجه يبقي تستاهلوا اللي انتوا فيه
كالعادة
ولا حاجة
احنا ما بنعرفش نتفق علي اي حاجة
على حته يوم كل دة هيحصل- ياترى لو حصل حاجة بقى زى يوم 18، 19 يناير هتعملى اية ؟
متخفيش مش هيحصل حاجة بس الامر انك هتجدى فعلاً الشرطة عاملة كافة الاحتياطيات فى الاماكن الحساسة خاصة المحلة الكبرى واماكن التجمعات مثل النقابات وخلافة 00 اما حكاية ان فيه مظاهرات فأعتقد انه لن يحدث وان غداً لناظرة قريب !!
ولا اي حاجه هتحصل
ومش حيصل حاجه عشان به في لا موبالا غريب
لأ هيحصل وهيحصل كتير كمان
انا هعتصم فى بيتنا
و البلد حالها هيقف و لازم يقف عشان يعرف يمشى تانى بدل تعشيقة المارشدير اللى هى وخداها
ومفيش حد يقدر يقولك انت قاعد فى بيتك ليه ؟ حتى شغلك لان شغلك لو مش محتاجلك كان رفدك من زمان
واللى بيقول مش هيحصل حاجه -و كلكم اخوة افاضل- معلش تعالو على نفسكو و ماتروحوش الشغل بكره-الا فى الضرورة- ومش بقول تاخدوه اجازه لأ غياب للاعتصام
و دى بلدنا احنا مش بلدهم هم
مش عشان واحد يبقى عنده كام مليار اتحرق انا واللى زيى من عامة الشعب
فاض الكيل
و حسبى الله و نعم الوكيل
احـــــبــــــــاط غــــــريـــــــب
انا مش هتكلم ولا هقول حاجة شوفو خوف الحكومة وصل لأيه
http://www.masrawy.com/News/Egypt/Po...kewarning.aspx
وشوفو الردود اد ايه وردود بتقول ايه
كـــفاية ظلم واستبداد بـقـا
حتى لو حصل 1% من المتوقع يبقى هايل
عارفين ليه
صاحب الرقم القياسى فى سباق الماراثون ما اتولدش بيجرى و قعد شهور يحبى، ووقع كتير اول ما ابتدى يمشى و يا ما خسر من ساعة ما قال يا رياضة و اكيد اكيد ماكسبش كل سباق اشترك فيه و هييجى عليه يوم يدرب واحد يكسر رقمه.
التأثير الشعبى ما بيجيش مرة واحدة و يمكن ييجى لو ابتدينا باقل القليل، بس أكيد مش هييجى لو ما ابتديناش نتدرب على ممارسة حق الأعتراض بالتدرييج، يعنى المرة دى ماتشاركش بس لازم يبقى فيه مرات جاية علشان تفكر تساهم و مرات اكتر و اكتر علشان تشارك لغاية ما تبقى اداة مش غاية لما نبقى فاعل مش مفعول به.
من احلى العبارات اللى قرأتها فى سيرة الشيخ محمد بن مكتوم
" فى كل غابة يوجد غزال ضعيف يبداء فى الركض مع شروق الشمس للهرب من الأسد الذى يبداء يومه بالركض كى يصطاد غذاءه.
ليس الفارق ان تكون اسد كاسر او غزال ضعيف و لكن الفارق هو ان تركض كل يوم "
نعم انا مقتنع انة مش هيحصل حاجة المهم خلينا نتوقع العكس
ان الحكومة قررت التعاون و هتحل ازمة الغلاء الي احنا فية اية رايكم دة ممكن يكون اذاي و هل حد عندة سيناريو للي هيحصل في هذة الحالة
ياريتني كنت في مصر كنت أكيد هانضم للأعتصام ده ولمدة يومين كمان مش يوم أيه اللي هيحصل يعني هييجوا ياخدوني من البيت للشغل بالعافيه غصب عنهم مش رايح وعلى فكره مايقدروش يرفدوك لأنهم مش هيقدروا يرفدوا عشر موظفين مثلا مره واحده يأخي ده لما واحد بيغيب يومين الشغل بيتأثر أمال بقى لو 10 ولا 20 ؟؟؟؟؟؟
+ 1000
لو حصل حاجة هافتخر إني مصري ،،
لو محصلش حاجة هاشعر بالعار ،،
في أوكرانيا زورزا انتخابات الرئاسة ،،
الشعب معملهش حاجة خالص ،،
سابوا بس البيوت و نزلوا قعدوا في الشارع ،،
الرئيس المزور اضطر يستجيب للأمر الواقع ،،
هيعمل ايه يعني هيحكم شعب قاعد في الشارع ،،
عامة انا شغال اعمال حرة و مش عارف اعمل ايه
بس مبدئيا مش هاشتري اي حاجة في اليوم ده
انا خدته عارضة و ياريت اي حاجة تعمل فرق
لتشكيل جبهة دفاع عن متظاهرى 6/4/2008
مركز هشام مبارك للقانون - رابطة الهلالي للحريات بنقابة المحامين- جماعة المحامين الديمقراطيين- مؤسسة الهلالي للحريات- مؤسسة حرية الفكر والتعبير- الجمعية المصرية للنهوض بالمشاركة المجتمعية- لجنة محامين المحلة
في حالة الإبلاغ عن القبض على مواطنين يمكن الاتصال بالتليفونات التالية:
أي حالة قبض على مستوى الجمهورية يمكن الاتصال بغرفة العمليات المركزية 0225758908 -0121519598
الاتصال المباشر بمسئول الجبهة بالمحافظة
1- ( أسيوط - سوهاج - قنا - أسوان)
الأستاذ/ جمال عبد المحسن0127786150 - 0972308306
2- ( مدينة المحلة الكبرى )
الأستاذ/ فرج عزيزة 0122864515
3- (البحيرة والإسكندرية)
الأستاذ/ محمد عبد العزيز 0122460834
4- (الشرقية ومدن القناة)
الأستاذ/ محمد اللق 0126182618
باقي الجمهورية
الأستاذ/ عبد المحسن شاشة 0125443395
الأستاذ/ سيد فتحي السيد 0122308443
الأستاذ/ احمد فوزي 0123618014
الأستاذ/ عماد مبارك 0126532303
الأستاذ/ جمال عبد العزيز 0101936884
الأستاذ/ أحمد حسن 0112806542
الأستاذ/ محمد عبد العظيم 0126273775
الأستاذ/ احمد راغب 0120624003
الأستاذ/ أسامة خليل 0105484470
الأستاذ/ حسام حداد 010135690
الأستاذ/ أحمد عزت 0103978913
في حالة الرغبة للانضمام للجبهة القانونية ، يمكن الاتصال بمقر مركز هشام مبارك للقانون أو على التليفونات التالية:
0225758908- 0121519598
( منقول)
يوم عادى جدا
انا قافل مصنعي بكره و حركن العربيات في جراج واحد صاحبي خوفا من اي قلق يحصل و حقعد استرخي في البيت لكن لا حشتري حاجه و لا حتكلم في تليفونات.
يالهوووووووووووى انتوا خوفوتنى بجد مووووووت ربنا يسترها انا عموما مش هنزل الشارع رغم انى نفسى اتفرج وانضم معاهم بس سمعت انهم هيكسروا العربيات اللى فى الشوارع فبلاش الطيب احسن هقعد فى البيت
وبعدين ثوره الجياع دى انا اول مره اسمع عنها اااااصلى كنت لسا متولدتش حد يحكى لى عنها
A Very Hot Day
التأثير واضح جدا، الشوارع مش زحمة زى ايام الأحد العادية و الخنقة اللى بتبقى كل يوم قدام المبانى الحكومية اللى عند عمارات العبور شبه معدومة.
بشرة خير
على فكرة يا دموع المضربين أول حاجة في شعار حملتهم هي انها ضد العنف على طول الخط.. بس مش معنى كده ان مافيش عنف خالص هايحصل.. ممكن يحصل تكسير و همجية.. بس غالبا مش من المحتجين.. من ناس تانية هاتندس في وسطهم. على فكرة ميدان التحرير دلوقتي بيقولوا عبارة عن ثكنة عسكرية، أصل في وقفة احتجاجية هاتبدأ كمان دقائق.. ربنا يستر.
الحمدلله الخطوة الاولى ناجحة حتى الان المنطقة عندنا فاضيه والمواصلات تكاد تكون خالية والهدوء عام واحنا لازمين البيت رغم ان النهارده الاحد لكن برضه الهدوء اكتر من المعتاد
وهنكمل بأذن الله المشوار:)
مكرم عبيد فاضى تماما
كفايه يا جماعه ان الحكومه اتهزت .. ومن النتائج الإيجابيه
1- رفعوا الجمارك علي مجموعه سلع (اظن 100 سلعه تقريبا)
2-كان فيه اجتماع وزاري موسع وكان الحوار فيه قاسي وعنيف
3-التلفزيون المصري كل شويه بيان (الحكومه خايفه)
4-الناس البسطاء حسوا ان ممكن يكون ليهم كلمه لها تأثير
5-فيه كلام ان الحكومه هترحل في خلال اسابيع
طبعا احنا نفسنا اكتر من كده .. بس بدايه الغيث قطره.. وده أول الطريق مش اخره
من حظهم المنيل ( يمكن عشان نيتهم وحشة ) الجو النهارة تراب شديد و عفار و ناس
كتير كمان مخرجتش للسبب ده !!
فات 3 سنوات على احداث 6 ابريل
ياريت نقرأ الموضوع تاني برؤية بعد الثورة ....... شعور غريب
ياه الموضوع ده قديم قوى
انا فاكر اليوم ده
زى ما فاكر قبله فى يوم كنت ماشى فى الشارع ولقيت ناس واقفه قدام المحافظه وبتهتف عرفت بعدها انهم حركه كفايه وكنت اول مره اسمع عنهم واضحك على الاسم
بس حسيت وقتها انها ممكن تكون البدايه
وبعدها فاكر الوقفات الاحتجاجيه على كورنيش الاسكندريه بعد مقتل خالد سعيد
وبعدها يوم الغضب لو حد يفتكره اللى الناس كلها نزلت الشوارع ماسكه غطيان حلل وبتخبط وتعمل دوشه
كل دى فعلا كانت الطريق الى التحرير
يوم ميلاد حركة 6 ابريل :))