الموضوع: تحية للدكتور محمد البرادعي

انك تكون من غزة تبقي على الراس وفي العين
وانك تكون مسلم او مسيحي بردو لك كل الاحترام
انك ترفض الفتنة الطائفية تبقي جوة القلب والعقل
انك تقول الكلام اللى قلته في الموضوع اللى اترفض توقف كل اللى فات

والبرادعي لا نعرف له قضية او هدف اصلا ولن ادخل في جدل حول شخصه او تصرفاته مستني الناس تشيله بايديها وتحطه على كرسي الرئاسة من غير ما يقنع الناس بيه وسيبك من الشوية اللي عاملين نفسهم مثقفين وبيمجدوا فيه لان دول لا يتجاوزوا 1% من الناخبين ولو عايز تعرف وزنه في الشارع راجع وزن وائل غنيم الان
البرادعي مع فارق التشبيه عامل زي اللى هاتموت علي الجواز وكل ما يتقدم لها عريس تعمل نفسها مش عايزة لغاية ما هايعنس

المشاركة الأصلية كتبت بواسطة د.أبونضال

أحترم رأيك في شخصي أيا كان... أما الدكتور البرادعي فالرجل كلما سُئل هل ستًرشح نفسك للرئاسة يرد "إذا أراد الشعب ذلك" وأنت تقول أن الشعب لا يريده، إذا هو لن يُرشح نفسه... أنا أحييه لأنه آمن بقضية التغيير ودعا لها وتحمل ما لاقاه من ورائها ومع ذلك لا زال مدافعا شرسا عنها... وهذا ما أتعجب له فيه. لقد تعرضت أنا لتهمتين في ديني وفي وطنيتي وكدت أقرر ألا أتصفح هذا المنتدى مرة ثانية، فما بالي بما تعرض له البرادعي على مدى عام كامل...

يبقي يخليه برة احسن ما دام مستني احنا نتحايل عليه
واللى حصل كان هايحصل بالبرادعي او من غيره كا نهايحصل
ما البرادعي من سنة في مصر ومفيش اي تاثير فعلي ليه
ولما بدات الثورة يوم 25 كان عارف وفضل في سويسرا ولم يحضر مصر الا يوم 27 بعد ما شعر انها ستنجح ونجحت بدونع وبدون غيره نجحت بالشعب المصري فقط
اما بالنسبة للتهمتين فحضرتك اللى اتسببت فيهم بالموضوع المحذوف
وما الذي تعرض له البرادعي ؟
الراجل اول ما نشروا صور لبنته وله هو وزوجته وقالوا موضوعين تلاتة يعلم الله صدقهم من كذبهم اخد نفسه ورجع سويسرا يعيش حياته مسمعتش انه اعتقل زي ناس كتير ولا انضرب علقة في المقطم واتخلع هدومه ورجع عريان زي عبد الحليم قنديل ولا انضرب وسط الجامعة زي عبد الجليل مصطفي وغيرهم كتير وبعد كدة تقولي ضحي وتعب وهو في سويسرا
طيب ممكن يبدل معايا ؟؟؟؟؟؟؟؟؟؟؟

المشاركة الأصلية كتبت بواسطة windsofchange

متفق مع ابونضال فالتحذير من الفتنة

التحذير من الفتنة الكل متفق عليه
بس سؤال الاول حضرتك شفت الموضوع اللى بيتكلم عنه د ابو نضال ؟

المشاركة الأصلية كتبت بواسطة skybird

خانك اطلاعك السياسي
كما خانك الاسلوب الذي اراه لا يليق بك
سجل اعتراضي
ودمت بود

لم يخني بل تمجدون دون رجوع لارض الواقع وراجع كل استطلاعات الراي الموجودة سواء هنا او في اي مكان وانزل الشارع واسئل الناس وستعرف انه ليس له شعبية فعلية ولو دخل اي انتخابات نزيهة فعلا لن ينجح وبفارق كبير
والوصف سبقته عبارة مع الفارق في التشبيه ومن يدخل مجال السياسة يتحمل توابعها
واعتراضك مقبول
ودمت بسلام