و الله حرام كده يا جماعة !! وكيل كيا غلي الكارنز 8 الاف جنيه في 3 شهور

**romioramy** · 23-02-2011 08:57 AM

يا جماعة نفسي نحط حد للوكيل ده ...

عمال بيشتري فينا و الناس مش عارف ليه لسه برده بتروح و تحجز ...

يا جماعة السيارة الكارنز الهاي لاين كنت ناوي أجيبها وكيل مش خليجي و رحت سئلتهم في ديسمبر و قالو سعرها 127000 الهاي لاين .

بعدها مافيش 3 اسابيع في اول يناير 2011 رفعو سعرها 3 الاف جنيه ... قال ايه علشان موديلات 2011 ..!! معلش ما هو موديل 2011 نازل أصلا من شهر سبتمبر او أكتوبر تقريبا !!!!!

ماشي عدي ده كمان و طبعا حضرتك لو كنت عايز استلام فوري من معارض بره هيبقي اقل سعر هو 131000 جنيه ... حرام

يقوم بعد ثورتنا العظيمة اللي قامت ضد الظلم يرفع سعرها كمان 134000 في أقل من شهرين تقريبا انا لسه مكلم خدمة العملاء و باردين جدااااا و اقوله ليه رفعته السعر ما فيش اي مبرر غير الطمع و الجشع من الوكيل يرد عليا و يقول اصله معلش يا باشا اصل ده قرار الوكيل مش بتاعي ...

قلت يمكن نزلو فيها اوبشن زيادة ( تكييف تاتش - سنسور - طب حتي إشارة في المرايا زي الخليجي ...) قاللي ببروووووووود برده ما فيهاش اي تغيير هيا هياهه .

بصراحة إتحرق دمي ما فيه الكفاية و لازم كلنا نتكاتف و نبعد الوكيل ده اللي بدء صح و طمع بعد كده و بدء في طريق الاستفزاز للعملاء .

عايز اشوف ردود منكم ارجوكم و الله حاجة تحرق الدم .

**medo_sirion** · 23-02-2011 04:29 PM

عايز رد منى كا عضو فى كيا
نروح نعمل اعتصام هناك واحتجاج عند مركز ابو رواش ونمنع السيارات من الدخول ويورونا هيشتغلوا ازاى
ومش هنسكت الا لما تشوفلنا كيا الام حل فى النصب دة

**meiirmeiir21** · 23-02-2011 08:55 PM

يا جماعة الزيادة الأخيرة ديه مش علي كيا بس كل الوكلاء رفعوا السعر 3 إلي 4 ألاف جنيه علي كل الموديلات و السبب الرئيسي لكده أن الأستيراد مقفول حالياً ..و بالتالي المعروض قل ..وبقت سياسة عرض و طلب ...استغلال يعني...ده غير كمان لسه لما البورصة تفتح لو سعر الدولا غلي هتلاقي سعر كل المستورد هيرتفع :(

**hamadafawzy** · 24-02-2011 10:33 AM

انا كنت حاجز معاهم برضه ولما لقيتهم عايزين يعلو السعر من غير اي سبب كنسلت وخدت فلوسي

**romioramy** · 24-02-2011 04:08 PM

المشاركة الأصلية كتبت بواسطة medo_sirion

عايز رد منى كا عضو فى كيا
نروح نعمل اعتصام هناك واحتجاج عند مركز ابو رواش ونمنع السيارات من الدخول ويورونا هيشتغلوا ازاى
ومش هنسكت الا لما تشوفلنا كيا الام حل فى النصب دة

المشاركة الأصلية كتبت بواسطة tarekmaher

انا كتبت نفس الموضوع علي السيراتو وبصراحة فعلا دمي اتحرق
ياريت يكون لنا وقفة ونحاول نراسل الشركة الام او وحدة حماية المستهلك لمعرفة سبب الزيادة ونحاول نوقف المهازل دي

المشاركة الأصلية كتبت بواسطة hamadafawzy

انا كنت حاجز معاهم برضه ولما لقيتهم عايزين يعلو السعر من غير اي سبب كنسلت وخدت فلوسي

____________________

و الله فعلا حاجة اخر إستغلال و بصراحة الوكيل أصبح حاجة فظيعة .. طمع - و استغلال - و الصيانة باقت زي الزفت -- هما مالهومش حاجة غير الإعتصام فعلا ..!!!

**meiirmeiir21** · 25-02-2011 09:45 AM

المشاركة الأصلية كتبت بواسطة hamadafawzy

انا كنت حاجز معاهم برضه ولما لقيتهم عايزين يعلو السعر من غير اي سبب كنسلت وخدت فلوسي

علي فكرة أنا حاجز كارينز من شهر ديسمبر في أبو رواش و أحتمال إن شاء الله أستلم الأسبوع القادم بنفس سعر الحجز و بدون تطبيق الزيادة الجديدة اللي حصلت بعد 25 يناير ...

**MISS_MONA** · 25-02-2011 12:47 PM

حسبى الله ونعم الوكيل
استغلال وطمع وجشع ملوش حدووووووووووووووووود

**egypt0777** · 25-02-2011 05:13 PM

يا جماعه هو ده صور من صور الفساد

اللى حيشترى منهم يبقى بيشجع على الفساد اللى هو خلاص دلوقتى

ممكن نعمل اعتصام قدام الوكيل فى روكسى ونرفع شعارات من غير ما نحتك بالتوكيل

وتلفون صغير للجزيرة و ..............................

حتلاقى اوباما طالع باليل يعمل تصريح شديد اللهجه موجه للتوكيل و بيقوله لازم تنزل السعر ناو --- ناو يعنى ناو

**modisallam** · 26-02-2011 01:39 PM

يبقى كلنا نرفع شعار مش هنشترى

فعلا لازم يكون لنا وقفة مع الشلل دى ,العربيات فى مصر سعرها جنونى بما فيه الكفاية
وهم بيكسبوا تالت ومتلت , يبقى إيه لزمة الجشع فى ظل تلك الظروف

وكمان فيه ناس كتير أحجمت عن الشراء نظرا لعد إستقرار العمل فى قطاعات زى السياحة والطيران وغيره

وخليهم بقى يشربوا العربيات إللى بتغلى دى