انا محتار جدا بين كورولا 2008 ولانسر 2008 صراحة معظم الناس قالولى كورولا احسن لكن برضه انا عاجبنى شكل اللانسر الجديد وانه شبابى انتوا رايكم ايه
انا محتار جدا بين كورولا 2008 ولانسر 2008 صراحة معظم الناس قالولى كورولا احسن لكن برضه انا عاجبنى شكل اللانسر الجديد وانه شبابى انتوا رايكم ايه
بص يا أخي المشكلة ان التقييم العام للكورولا يكسب لأسباب كتير
أولهم طبعا واكيد حضرتك عارف سعر اعادة البيع بتاع الكورولا مش بينزل زي باقي السيارات
يعني العربيه مش بعيد تكسب فيها بعد كده
وده حال الناس اللي حجزت في الاول دلوقتي
وبعدين الماتور الجديد ونظام الفتيس النقلات بصراحه حاجه رائعه
انا موافق على رايك بكل تاكيد بس فيه اللى يقولى اللانسر سبورت شبابية اكتر والدريكسيون كهربة وفيها 9 سماعات وست اسطوانات cd غير كدا حجمها كويس غير الكورولا صراحة حاجة تحير اختار الشكل ولا الامكانيات انا اصلا طالب بكلية طب ونفسى فى عربية شبابى فمحتار هلى الكورولا الجديدة تنفع شبابية
ايوه طبعا تنفع شبابية جدا بالذات الكاملة منها
وبعدين انا متأكد ان الكورولا اوسع من اللانسر واحسب معاك الشنطة كمان بتاعتها
وبعدين معلشي اعذرني ولكن العربيه لا تقاس ابدا بـت 9 سماعات وست اسطوانات
يعني حاجات مش مهمة لأداء وعمر العربيه
متشكرين جدا يا ابو عبد لله على رايك وهى الكورولا ان شاء الله كفاية مرايات كهربا واضاءة للمرايات الجانبية ومتشكرين كمان مرة
العفو يا أخي بس والله صدقني انا لو مكانك هشتري الكورولا عالطول
انا رأى كورولا كاملة
الانسر شكلها شبابى اكثر من الكورولا
بس الكورولا متورها وفتيسها احدث واقوى من الانسر
ايعنم انا سمعت ان فتيس الكورولا المالتى مود مش ناعم فى النقل زى القديمه بس برضو اعتقد انه مش مزعج
نظره مستقبليه ان الكورولا هتكون اكثر انتشارا من الانسر بسبب ان الاثنين سعرها مقارب لبعض اوى +تفضيل الناس الكرولا بشكل عام عن الانسر وده طبعا هخلى الكورولا فى المستقبل افضل من ناحيه ااعاده البيع وتوافر قطع الغيار
تقفيل الانسر يابانى وتقفيل الكورولا جنوب افريقى وده نقطه تعتبر لصالح الانسر
على فكره تقفيل الكورولا الجنوب افريقى كويس جدا بس بصراحه انا حاسس ان فيه فرق تقفيل لصالح الكورولا اليابانى
تابلوه الكورولا احلى من الانسر من وجه نظرى تحس انه متناسق مع بعضه
من ناحيه الوسع الداخلى اعتقد ان الاثنين زى بعض ويمكن تكون الانسر اوسع شويه
الكورولا توحى من بره انها واسعه من جوه بس انا لما روحت شوفتها حسيت انها مش واسعه اوى زى ما كنت متخيل
رأى الشخصى ومش بناء على تجربه فعليه انك تأخذ الكورولا
ممكن برضو تفكر فى السيفك عربيه جميله جدا وتمشى الاثنين شبابى وعائليه
طيب والسيفيك عاملة كام دلوقتى نفس التنم ولا اغلى
رايي الشخصي السيفيك افضل وده بعد مقارنات طويله انا كنت محتار نفس حيرتك ولكن الحمد لله ربنا وفقني و حجزت السيفيك في نص فبراير من التوكيل و هستلمها إن شاء الله في اواخر مايو لكن للاسف سعرها زاد من اسبوع لتصبح 143 الف وفوري 155 الف لكن انا شايف برده رغم اني هادفع الزياده انها احسن سياره في فئتها"best value for money "وتجمع بين الشباب والفخامه علي فكره انا عندي 28 سنه وربنا يوفقك في الاختيار إن شاء الله
توكل على الله وهات سيفيك كفايه الماتور بتاعها وسعرها مناسب جدا الكورولا جميله بس سعرها اعلى من قيمتها
سيـــــفيـــــك
أفضل من الأثنين :)
بكل حياد وموضوعية
كرولا طبعاً
بس لو دخلت السيفك فى المنافسة يبأى انا هتحيز للسيفك
شكرااا يا جماعة على ارائكم الحلوة ده وان شاء الله ربنا يوفقنى فى الاختيار
مع اني من عشاق اللانسر
بس الكورولا افضل في رايي
انا راى السيفيك افضل و يابانى
السيفك , اوسع و شكل انسيابى و 100% يابانى
مع اننى من عشاق اللانسر وبموت فيها بس السيفك تكسب شكلها شبابى وشيك جداً
وربنا يوفقكك وتسلتمها ويباركلك فيها
شكرا يا جماعة على ردودكوا الحلوة ديه وان شاء الله الخيره فيما يختاره الله
تويوتا كورولا طبعا
لانسر فول اوبشن بدون تفكير
انا حاسس ان الكورولا لواحد فوق ال 35 مش لشاب ابدا
انا هقلك مقولة بتقال هنا فى الامارات
كورولا الحياة مملة
ماذا عن قطع الغيار
لانسر سبورت احسن من الكورولا ادفنسد بكتير انا ركبت الاثنين وكمان اوسع كصالون وخصوصا الابيض والذهبى والنبيتى
أنا رأيى اللانسر
فغلا يا جماعة احسن فعلا اللانسر للشباب لكن الكورولا للكبار فقط وده راييى الاخير وشكرا على ردودكم