يا جماعة بالحياد كورولا 2008 ولا لانسر 2008 فول ابشن

**khaledmekawy2008** · 05-04-2008 12:32 PM

انا محتار جدا بين كورولا 2008 ولانسر 2008 صراحة معظم الناس قالولى كورولا احسن لكن برضه انا عاجبنى شكل اللانسر الجديد وانه شبابى انتوا رايكم ايه

**أبو عبدالله** · 05-04-2008 12:37 PM

بص يا أخي المشكلة ان التقييم العام للكورولا يكسب لأسباب كتير

أولهم طبعا واكيد حضرتك عارف سعر اعادة البيع بتاع الكورولا مش بينزل زي باقي السيارات
يعني العربيه مش بعيد تكسب فيها بعد كده
وده حال الناس اللي حجزت في الاول دلوقتي

وبعدين الماتور الجديد ونظام الفتيس النقلات بصراحه حاجه رائعه

**khaledmekawy2008** · 05-04-2008 12:46 PM

انا موافق على رايك بكل تاكيد بس فيه اللى يقولى اللانسر سبورت شبابية اكتر والدريكسيون كهربة وفيها 9 سماعات وست اسطوانات cd غير كدا حجمها كويس غير الكورولا صراحة حاجة تحير اختار الشكل ولا الامكانيات انا اصلا طالب بكلية طب ونفسى فى عربية شبابى فمحتار هلى الكورولا الجديدة تنفع شبابية

**أبو عبدالله** · 05-04-2008 12:58 PM

ايوه طبعا تنفع شبابية جدا بالذات الكاملة منها

وبعدين انا متأكد ان الكورولا اوسع من اللانسر واحسب معاك الشنطة كمان بتاعتها

وبعدين معلشي اعذرني ولكن العربيه لا تقاس ابدا بـت 9 سماعات وست اسطوانات

يعني حاجات مش مهمة لأداء وعمر العربيه

**khaledmekawy2008** · 05-04-2008 01:04 PM

متشكرين جدا يا ابو عبد لله على رايك وهى الكورولا ان شاء الله كفاية مرايات كهربا واضاءة للمرايات الجانبية ومتشكرين كمان مرة

**أبو عبدالله** · 05-04-2008 01:05 PM

العفو يا أخي بس والله صدقني انا لو مكانك هشتري الكورولا عالطول

**fahd_628** · 05-04-2008 01:14 PM

انا رأى كورولا كاملة

**limo** · 05-04-2008 01:20 PM

الانسر شكلها شبابى اكثر من الكورولا
بس الكورولا متورها وفتيسها احدث واقوى من الانسر
ايعنم انا سمعت ان فتيس الكورولا المالتى مود مش ناعم فى النقل زى القديمه بس برضو اعتقد انه مش مزعج
نظره مستقبليه ان الكورولا هتكون اكثر انتشارا من الانسر بسبب ان الاثنين سعرها مقارب لبعض اوى +تفضيل الناس الكرولا بشكل عام عن الانسر وده طبعا هخلى الكورولا فى المستقبل افضل من ناحيه ااعاده البيع وتوافر قطع الغيار
تقفيل الانسر يابانى وتقفيل الكورولا جنوب افريقى وده نقطه تعتبر لصالح الانسر
على فكره تقفيل الكورولا الجنوب افريقى كويس جدا بس بصراحه انا حاسس ان فيه فرق تقفيل لصالح الكورولا اليابانى
تابلوه الكورولا احلى من الانسر من وجه نظرى تحس انه متناسق مع بعضه
من ناحيه الوسع الداخلى اعتقد ان الاثنين زى بعض ويمكن تكون الانسر اوسع شويه
الكورولا توحى من بره انها واسعه من جوه بس انا لما روحت شوفتها حسيت انها مش واسعه اوى زى ما كنت متخيل
رأى الشخصى ومش بناء على تجربه فعليه انك تأخذ الكورولا
ممكن برضو تفكر فى السيفك عربيه جميله جدا وتمشى الاثنين شبابى وعائليه