مرور السلام الان

**أبو صلاح** · 23-02-2011 01:47 PM

الحمد لله ربنا وفقني امبارح الثلاثاء 22-2-2011 وجددت الرخصة بتاعة العربية لمدة 6 شهور لحين المخالفات

نيابة المرور قافلة ومحدش عارف هتفتح امتى

نظام الشبابيك الان
كل شباك بيقبل 40 شخص فقط كل يوم
بييجي الموظف ياخد 40 بطاقة وينادي بالدور
الخزينة بتقفل الساعة 1 ظهرا (مشكلة كبيرة جدا لان الموظفين مش بيلحقوا يخلصوا كل الناس فهتكون مطالب انك تيجي تاني يوم تكمل الاجراءات)
كل اللي مطلوب منك انك تعمل التأمين الاجباري فقط
مفيش استعلام امني

انا وصلت المرور الساعة 7 صباحا خارج منه الساعة 30.30 ظهرا
الموظفين بتوع التجديد عاملين اضراب لحد ومحدش جيه لغاية الساعة 11 ظهرا
طبعا مهزلة وقلة أدب الجمهور مع الموظفين وسمعت ان في ناس ضربت الموظفين السبت اللي فات
الجيش مأمن المرور كله وفي عسكري واقف على كل شباك لتنظيم الناس
رائد الشرطة اللي هناك (كنت بسميه فرعون السلام) بجد ربنا يكون في عونه مش عارف يعمل اي حاجة مش معاه غير 2 عساكر ومتبهدل جدا والناس عاملة معاه مشاكل كتير
المكان بتاع الترخيص اللي بيقعد فيه الموظفين بقى استراحة للمواطنين حتى مكتب الظابط بقى استراحة لكل المواطنين (أنا كنت قاعد على الانتريه اللي كان محطوط)

نصيحة لو لقيت الساعة 1 ظهرا وانت لسه موصلتش للشباك روح احسن لانك لازم تيجي تاني يوم بدري تدفع في الخزينة وترجع برضه تحجز طابور قدام الشباك

بالنسبة بقى لعمل رخص القيادة
بجد الموضوع ماشي سمك لبن تمر هندي
مفيش امتحان اشارات خالص
مفيش امتحان قيادة يعني بتاخد حرف u بدون عودة وبتنجح على طول وبتاخد تصريح سنة يجدد لما الكمبيوتر يشتغل
دي تجربة أخويا يوم الاثنين ومعاه 2 صحابه
كل يوم الناس اللي بتروح كلها بتنجح مفيش حد اسمه بيسقط خالص

مفيش جنيه بيتدفع رشوة

**أبو صلاح** · 23-02-2011 06:05 PM

هو فين الناس بتاعة مرور السلام؟

**SonaSteel** · 23-02-2011 06:16 PM

انا اهو ......... والله انا كنت مستني حد يكون جرب وقالي حصل ايه في المرور الملعون ده بعد 25 يناير
والله انا مكنتش اتمني الخراب لاي حاجة في مصر .... الا المرور اللعين ده ربنا ياخده حسبي الله ونعم الوكيل
بجد بقي المفروض يقسموا المرور ده علي 6 -7 ادارات يادوووووووب يكفوا
تصدق بالله وانا برخص السنه ديه والله شايل هم ترخيص السنه اللي بعديها
حسبي الله ونعم الوكيل
وبذات الظابط ده
سبحان الله ... يعز من يشاء ويذل من يشاء بيده الخير انه علي كل شيء قدبر
ربنا كبير وعزيز ............ الحمد لله ان شوفنا فيهم يوووووووم
طيب حضرتك شايف ان الموضوع قدامه قد ايه ويتظبط
وياريت لو نعرف دلوقتي نخليهم يفكروا في موضوع التوزيع ده يبقي احسن كتيييييييييييييير ان شاء الله
تقبل مروري ....... ومشكور علي الموضوع ده بجد كنت محتاج حد يكون راح ويقولي علي اللي بيحصل
جزاك الله كل خير و جعله في ميزان حسناتك

**nicegypt** · 24-02-2011 01:38 AM

من ضمن الكلمات اللى عجبتنى " مفيش جنية رشوة "
يارب كل مكان فى مصر مش بس المرور تتقطع عنة الرشوة .. ويبقى فية سلاسة فى التعامل مش وقف حال وابجنى تجدنى

**ahmed1981** · 24-02-2011 01:48 AM

بس الأمور تمشي وأحوال البلد تستقر
وبإذن الله يتم حل مشكلة مرور السلام نهائياً

أبشروا خيراً بإذن الله تعالى

**أبو صلاح** · 24-02-2011 10:24 AM

المشاركة الأصلية كتبت بواسطة sonasteel

انا اهو ......... والله انا كنت مستني حد يكون جرب وقالي حصل ايه في المرور الملعون ده بعد 25 يناير
والله انا مكنتش اتمني الخراب لاي حاجة في مصر .... الا المرور اللعين ده ربنا ياخده حسبي الله ونعم الوكيل
بجد بقي المفروض يقسموا المرور ده علي 6 -7 ادارات يادوووووووب يكفوا
تصدق بالله وانا برخص السنه ديه والله شايل هم ترخيص السنه اللي بعديها
حسبي الله ونعم الوكيل
وبذات الظابط ده
سبحان الله ... يعز من يشاء ويذل من يشاء بيده الخير انه علي كل شيء قدبر
ربنا كبير وعزيز ............ الحمد لله ان شوفنا فيهم يوووووووم
طيب حضرتك شايف ان الموضوع قدامه قد ايه ويتظبط
وياريت لو نعرف دلوقتي نخليهم يفكروا في موضوع التوزيع ده يبقي احسن كتيييييييييييييير ان شاء الله
تقبل مروري ....... ومشكور علي الموضوع ده بجد كنت محتاج حد يكون راح ويقولي علي اللي بيحصل
جزاك الله كل خير و جعله في ميزان حسناتك

بالنسبة للتقسيم المرور والمشاكل اللي هناك على الساعة 2 ظهرا كده جت واحدة تقريبا مذيعة وعملت لقاءات مع ناس هناك وكل الناس اقترحت اقتراحات كتير بس صراحة معرفتش دي قناة ايه

وبالنسبة انك تروح امتى اكيد مش هعرف اجاوبك لان مرور السلام معروف طول العام عامل ازاي

ده انا حامل الهم من دلوقتي مشوار التجديد بعد 6 شهور وارجع تاني بعد 6 شهور بعديهم علشان اجدد السنة التالية

حسبي الله ونعم الوكيل

**أبو صلاح** · 24-02-2011 10:29 AM

المشاركة الأصلية كتبت بواسطة nicegypt

من ضمن الكلمات اللى عجبتنى " مفيش جنية رشوة "
يارب كل مكان فى مصر مش بس المرور تتقطع عنة الرشوة .. ويبقى فية سلاسة فى التعامل مش وقف حال وابجنى تجدنى

انا بقى من ضمن المواقف اللي استفزتني جدا
واحد كان واقف ورارايا وحاله من حالي جاي برضه الساعة 7 صباحا وواقفين على كف عفيرت مستنيين يجيبولنا موظف او يقولولونا روحوا
راح الافندي ده لما جيه دوره لقيته بيطبق 20ج تحت الرخصة وبيديهخا للموظف
مسكت ايده قبل ما يمدها للموظف
واتخانفت معاه بشدة والناس كانت عايزة تضربه لانه مفيش حد بيطلع جنيه وانت الوحيد اللي دكر ؟

راح الموظف قايم منطور انا مليش دعوة انا مش بطلب جنيه من حد ولا باخد رشاوي لا قبل كده ولا دلوقتي الناس اللي بتيجي مرور السلام عارفيني كويس اني مش باخد فلوس من حد (بيحاول يبرأ نفسه رغم انه فعلا بريء من الموقف ده

بجد في ناس تجيبلك شلل

**stormboy** · 24-02-2011 07:34 PM

المشاركة الأصلية كتبت بواسطة أبو صلاح

انا بقى من ضمن المواقف اللي استفزتني جدا
واحد كان واقف ورارايا وحاله من حالي جاي برضه الساعة 7 صباحا وواقفين على كف عفيرت مستنيين يجيبولنا موظف او يقولولونا روحوا
راح الافندي ده لما جيه دوره لقيته بيطبق 20ج تحت الرخصة وبيديهخا للموظف
مسكت ايده قبل ما يمدها للموظف
واتخانفت معاه بشدة والناس كانت عايزة تضربه لانه مفيش حد بيطلع جنيه وانت الوحيد اللي دكر ؟

راح الموظف قايم منطور انا مليش دعوة انا مش بطلب جنيه من حد ولا باخد رشاوي لا قبل كده ولا دلوقتي الناس اللي بتيجي مرور السلام عارفيني كويس اني مش باخد فلوس من حد (بيحاول يبرأ نفسه رغم انه فعلا بريء من الموقف ده

بجد في ناس تجيبلك شلل

و الله انت راجل على الحركه ده

انك مسكت ايده

بس ايه رد فعل الراجل

**hazemhassan** · 24-02-2011 11:13 PM

ياااااااااااااااااااااااا ااااااااااارب رب دايما
ياماااااااااااااااا دفعت رشاوى اد كدة عشان امشى امورى واكيد عارفين
بس يارب يكتر الموظفين عشان المرور دة بيخدم مناطق كتيرررررررررررررررررر فلازم يعينو ناس عشان الامور تمشى ويبقى الاجراءات تخلص فى يوم بدل يومين وتلاتة

-

الموضوع: مرور السلام الان

LinkBack

أدوات الموضوع

عرض

-

-

-

-

المواضيع المتشابهه

مرور السلام بمدينة السلام بشرق القاهرة يعطيك دفعة من التفاؤل لتوقد النار في سيارتك

مرور السلام :(

مرور السلام

ذهبت لترخيص الألتو في عذاب السلام اقصد مرور السلام

الكلمات الدلالية لهذا الموضوع

المفضلات

المفضلات

ضوابط المشاركة