كل ده هينتهي لما يبقى فيه فيه انتخابات رئاسة ومجلس شعب حقيقي
عرض للطباعة
كل ده هينتهي لما يبقى فيه فيه انتخابات رئاسة ومجلس شعب حقيقي
علي كدة بقي الملايين اللي بتنزل تروح المظاهرات ( مش عقلاء ).مش هقول غير عيب اوي تتهم شعبك والناس اللي رجعو لمصر كرامتها وللمصريين عزتهم يتقال عليهم كدة
هحاول ارد علي اسالتك يادكتور بالترتيب:
1-متهيالي طلبات الناس كلها اللي استشهدوا او اللي ربنا منولهمش الشهادة كانو عايزين تغيير النظام بأكمله ومتهيالي مفهوم يعني ايه نظام فيعني اييييييييييييييه وزارة تتغير ورئيسها وزارة تانية موجود والناس مش طيقاه اصلا ( حتي لو كان معروف عنه الانجازات ) بس خلاص الناس مش طيقاه لانه جاي من طرف حسني حبيب الملايين.
وليه اساس الفساد في كل مدينة وقرية متحلش لحد دلوقتي ( الوحدات المحلية ).
2-متهيالي مش صعب تحدد طلبات الناس.
3-واخيرا اكيد في طلبات لو اتنفذت دلوقتي هتمتص غصب ناس كتييييييييييييير اهمها واولها شيل الوزراء اللي الناس مش طايقاهم ( شفيق و ابو الغيط و الداخلية (مش فاكر اسمه).
-تنزل نشرة بليستة منع من السفر وتجميد ارصدة لكللللللللللللللل اعضاء النظام السابق ( متهيالي ده كفاية اوي تنيم الناس في بيوتها ).
-وبالنسبة للطلبات اللي محتاجة فترات زمنية الشعب المصري اثبت انه علي دراية كاملة وهيفهم يعني ايه الطلب ده مش هينفع يتنفذ حالا بس ادي تصريحات:
الدستور هيتلغي نهائيا والتعديل ده للفترة الانتقالية فقط.
-تصريحات بالنظر جديا في اجور العمال والضرئب وحق المواطن في الدخل القومي من ثروات بلاده الي مشافش منها اي حاجة قبل كدة وهي من حقه.
-تصريحات تخص فرص عمل وبناء مصانع ووحدات سكنية محترمة تليق بالمواطن المصري.
تعرف عيب حسني مبارك ايه ( انه معرفش قيمة الشعب اللي كان بيحكمه ) وان اهم ميزة من الشعب ده انه بيرضي بالقليل فتخيل كدة لو قبل المظاهرات ده لو كان زود اجور وزود فرص عمل بجد ( بس بجد مش اللي بيوعد بيها في كل برنامج انتخابي ) تتخيل كان هيبقي في حاجة اسمها ( ثورة 25 يناير اصلا ) انا معتقدش
أتفق
كذلك بغض النظر عن القصة كلها , لازم الضغط الشعبي يفضل موجود حاليا على أقل تقدير لحد ما البلد يتم تطهيرها من الفساد اللي بدوره اكيد له ضغوطه على الجيش هو كمان و اظن كلنا شايفين المحاولات المستميتة لإشعال فتنة طائفية اللي حاصلة اليومين دول , كل هدفها ضرب المسلمين و المسيحيين ببعض عشان تتفرق وحدة الشعب
التظاهرات مش ضد الجيش ولا المجلس الاعلى لكن على العكس , دي دعم شعبي لهم و لكل قرار تطهيري في البلد بياخدوه لأن كده القرار بيبقى واضح جدا انه برغبة الشعب و ما يقدرش حد يطلع يقول تصفية حسابات ولا اي حاجة تشوه الجيش نفسه
كذلك احنا كشعب من حقنا نقول مش عايزين فلان و مش عايزين علان
زمان كنا بنشوف الفاسد و الكذاب في الحكومة و نبقى عارفين انه حرامي و خمورجي و فاسد و نقول عادي و نتقبل ده ببساطة لأننا من جوانا كنا عارفين اننا مش بنحكم نفسنا , كنا بنبقى عارفين ان الانتخابات بتتزور و ما بنروحش لأن المرواح مالوش لازمة , يعني برده مش حاكمين نفسنا
كل ده مفروض يتغير و ما يفضلش منه اي حاجة
انا شايف كمان ان فيه ربط مابين مظاهرات التحرير و الأحتجاجات الفئوية فى المحافظات
فيه ناس محملة شباب الثورة اللى بيدعوا لمظاهرات التحرير ...... حالة الأحتجاج و الأعتصام الفئوى فى مصر
فيه ضغط كبير دلوقتى على شباب الثورة لأيقاف مظاهرات يوم الجمعة ..... بحجة ايقاف المظاهرات الفئوية
لازم نفهم الناس و نوعيهم ان احنا ملناش اى تأثير على الأحنجاجات الفئوية
وان احنا مش سبب حالة عدم الأستقرار دلوقتى ...... الى كل الشواهد بتقول ان الحزب الواطى بيحاول يزكيها
ماينفعش ننسحب من الميدان دلوقتى
توقفنا دلوقتى ..... معناه اننا بنسلم الراية لبتوع مصطفى محمود
عشان تبقى الصورة كالأتى
احتجاجات فئوية فى كل مصر ...... حكومة عاجزة عن تلبية المطالب او حل الأزمة او مواجهة الفتنة الطائفية (اللى الحزب الواطى و اتباعه عمال يشعلل فيها) ..... مظاهرات مؤيدة فى مصطفى محمود يصورها اتباع الحزب الواطى اللى لسه موجودين فى الجرايد القومية و التلفزيون والفنانين اياهم انها مليونية
و تحت شعار حرية الراى..................
هوب الشعب يريد عودة الرئيس ...........
دى مخاوفى ...... عشان كده حتى لو اختلفنا فى الراى لازم ننزل يوم الجمعة
لولا استمرار المظاهرات حتي يومنا هذا ماكان ان نحصل ونحقق ما حققناه وحصلنا عليه الي يومنا هذا.
رغم انى ضد المظاهرات الان
و لكنى ارى فيه حراك سياسى جميل
و افخر ان فى بلدى ناس مصممه تجيب حقها بالاسلوب ده
رغم انى شايف ان دلوقتى ممكن نراقب و ندرس
بس هيه ديه الحياه كل واحد بيحاول يفيد بطريقته
المشكله فى حبايبنا اللى ماسكين معول و عمالين يهدموا فى ضهرنا
يا ريت كل واحد يعمل اللى يقدر عليه من غير مايهاجم التانى
انا شايف انه لا يمكن تحقيق المطالب الا بأستمرار المظاهرات كل يوم جمعه , وبدون ذلك ستتعاظم الضغوط من الاطراف الاخرى على الجيش وتأتى بنتيجه عكسيه و يجن ان نتذكر واقعه الجمال وتخاذل الجيش فى حينها عن القيام بدوره , لذلك فأنا شايف ان جميع من يريد التظاهر ان يقوم بذلك يوم الجمعه كل تبطل كل حجج الاخرين فى توقيف الحياه و لكى تستمر المطالب فى التحقق.
أقاله الفريق شفيق ووزراء الداخليه والخارجيه والعدل مهمه للغايه حتى لايتم تنيم الاموار وعدم تصليحها و السبيل الى ذلك كما هو واضح هو استمرار التظاهر
أنا عندي حل. عشان محدش يزعل يبقي في يوم الجمعة مظاهرة في التحرير ودي للناس اللي عايزة حكومة شفيق تمشي ومظاهرة تانية عند مصطفي محمود ودي للناس اللي عايزة شفيق .ونشوف رأي الأغلبية من غير زعل وبكل احترام .
معاكم