الموضوع: لحد امتى هتفضل المظاهرات شغالة

المشاركة الأصلية كتبت بواسطة tjp

على كده المظاهرات مش هتخلص ولا ايه اتفضلوا
شوفوا الرابط ده
http://www.nilemotors.net/Nile/20317...post3873308601

هو الرابط ده مش هو الموضوع اللي احنا جواه ده ولا الرابط ده بيدخلنا علي غرفة سرية تانية جوا الموضوع

المشاركة الأصلية كتبت بواسطة mr_vampire

لحد ماكلللللللللللللللللللللل للللل طلبات الناس اللي استشهدو في سبيلها تتحقق من اهمها لاقلها اهمية.

ومتهيالي ده اقل اقل اقل اقل واجب يتقدم ليهم واقل عزاء يتقدم لاهاليهم وعرفانا بالجميل ورسالة ان ولاد مماتوش عالفاضي.

تقبلي مروري

و نحن مع عدم اهدار دماء الشهداء بس من الطبيعى ان تدرس كل الطلبات و تتم حسبا للاولويات دى بلد كبيره و مهمه فى المنطقه و ليست الامور تاخذ بها بالمظاهرات و الا مش حنخلص ابدا و متنساش ان الاسلوب العام للمتظاهرين اصبح الان و فورا و حالا و من وجهى نظرى ان السلبيه الاخرى اصبحت فى عدم احترام الكبير و لا القيادات و التخوين و الفساد اصبح التهمه التى تاخذ فى طريقها فقط وفقط المعارض
لسه مفيش ثقافه الراى و الراى الاخر عشان متعودناش عليها

YouTube - ‫ظ…ط¯ظٹط± ط§ظ…ظ† ط¯ظ…ظ†ظ‡ظˆط± ظٹط³ط¨ ظٹطھظˆط¹ط¯ ط§ظ„ط´ط¹ط¨ ط¨ظ‚ط·ط¹ ط§ظ„ظٹط¯ ظˆ ط§ظ„ط§ط¹طھظ‚ط§ظ„‬‎
ايه رأيكو فالفيديو ده؟؟؟؟؟؟؟؟؟؟؟ ها نستمر فالمظاهرات باسقاط الوزراء اللي حسني جابهم قبل مايمشي ولا لاء

ياجماعة فيه ناس كتييير كاتبة اسباب مقنعة لاستمرار المظاهرات التأكيد على المطالب ... ان لسة فى رموز للفساد ماتحاكمتش,, هى الفكرة ان الصعب - وهو ازاحة الرئيس حسنى مبارك وحل مجلسى الشعب والشورى وتعديل الدستور ومحاكمة احمد عز والمغربى وجرانةوالعادلى وتجميد ارصدة حسنى مبارك وعائلته وان سامح فهمى وعائشة عبد الهادى وباقى الوزراء يرحلوا- كل ده ماكنش هييجى غير بالثورة ... مكانش هييجى غير بكده
لكن الباقى وانا باتكلم على رموز الفساد الاخرى من مديرين امن وتعديلات دستورية اخرى ومحاكمة المتسببين فى استشهاد المصريين اثناء الثورة ....... كلللللللللل دة ميجيش بطرق آخرى ؟؟

بالضغط ,, بس عن طريق آخر ليس المظاهرات ... المظاهرات فى الاول ماكنتش مظاهرات دى كانت ثورة... بس دلوقتى دى مظاهرات من نوعية فرض الرأى بالضغط الشعبى اللى موجوديين دلوقتى فى السلطة - ومحدش ينكر - اسلوبهم مختلف فى الحوار وفى ادارة الأمور ولو كان قصدهم كسب الوقت عشان تضييع الحق ده موضوع تانى ولازم اللى عنده دليل على كدة يقدمه
لكن لوكان الجيش والشعب فعلاً ايد واحدة وانا مصدقة جداً الشعار ده - ومش ماشية وراه بردة تنويم مغناطيسى - بس حتى الآن مفيش حاجة تثبت العكس
التحقيق فى كل اللى جرى فى الميدان شغال - الكل عارف مين المتسبب فى اللى حصل بس احنا دلوقتى ماشيين قانونا عشان الكل ياخد جزاؤه ... انا شايفة كده واللى شايف دليل غير كده لازم يقدمه لكن فكرة ان كل واحد عايز حاجة يعملها من غير حساب المخاطر اللى حتحصل بعد كده - فكرة الملايين الى بيتجمعوا كل جمعة دلوقتى عشان اقالة شفيق ووزير الداخلية طب مانجمعهم فى يوم الجمعة بس على بناء البلد دى ايه رأيكم الملايين الى بتتجمع كل جمعة وهما بيتجمعوا يعملوا مشروع أى مشروع بس ال8 - 9 ساعات اللى قاعدينها وبيهتفوا ضد شفيق نستفيد بيهم -بالوقت والعدد والمجهود - فى حاجة لبنى البلد دى... شفيق اصغر من الملايين دى تتجمع عشان تشيليه ...
ومهما حصل من تغيرات فى البلد دى عمرها ما حترضى كل الرأى العام انا ماليش فى السياسة خالص ,,,,بس لما جه البشرى ناس كتيير فرحوا جدا بس فى ناس تانية قالت لأ بس خدوا بالكم ده اخوان ,,, الناس كانت بتنادى زمااان دايما بعمر سليمان واحمد شفيق يكونوا فى مناصب فى الوزارة بس بعد ما حسنى تخلى :)) قالوا لآ بس حسنى هو اللى جابهم ....
ده اللى محتاج اجابة اللى يرضيك عشان تبطل مظاهرات مش هيرضى غيرك ده حتى عمرو موسى اللى مفيش غبار عليه - تلاقى اللى يجيبلك فيديو قديم ليه وهو بيقول هرشح حسنى مبارك صعب تلاقى حد هترضى عنه 100%
وصعب المظاهرات تحقق كل المطلوب دلوقتى قدامنا فترة وحتى يتحقق ده كله عايزين الملاييين اللى بتنزل يوم الجمعة يجمعونا فى فكرة لبناء البلد وربنا يستر