بجد حاجة تعصب الاشارات حمراء و الناس ماشية عادي ولا كأن فيه حاجة, لأ و الأغرب ان فيه عسكري مرور واقف
طبعاً الناس المحترمة وقفت بس استغربت قوي العربيات الي ماشية دي...
هو احنا لازم نتظبط غرامات عشان نحترم نفسنا؟
عرض للطباعة
بجد حاجة تعصب الاشارات حمراء و الناس ماشية عادي ولا كأن فيه حاجة, لأ و الأغرب ان فيه عسكري مرور واقف
طبعاً الناس المحترمة وقفت بس استغربت قوي العربيات الي ماشية دي...
هو احنا لازم نتظبط غرامات عشان نحترم نفسنا؟
مش بس الإشارات
فيه ناس بتمشي عكس
و ركن صف ثاني
و ناس حاطة نمرة العربية (25/ي ن ا ي ر)
يافندم مرة وانا داخل التجمع عند صنية الدائري
لقيت اول عسكري بيرغي مع زميلو وسايب الدنيا تقلب
وتاني عسكر واقف بيتمطع
وقفت جنبو واديتو طقم تهزيق
ارجح تكوين لجان لتنظيم المرور الداخلية ملهاش اي 30 لازمة
ربنا يصلح الاحوال والشعب يغير من نفسه بعد مغير النظام ههههههههه
الناس لازم تفهم ان مش النظام بس اللي كان فاسد لا احنا كلنا كنا فاسدين و غلطانين و مش متحضرين و مش معني غياب الرقابه او المخالفات ان تبقي الفوضي هي القانون و مش جدعنه اني اشوف الاشارة حمرا و امشي برضة المفروض زي ما وقفنا في وش النظام السابق و قلنا ليه لأ لازم لما نشوف حد من المتخلفين دول نقوله لأ و لما نشوف واحد ماشي عكس او بيكسر اشاره نقوله لا لانك كدة بتعرض حياتي و حياه اسرتي لخطر اكتر ما النظام السابق كان بيعرضها
هنا ييجى دورنا لازم نكون ايجابيين ونوعى الناس
ليه ده بيحصل؟؟
هو العسكرى مش معاه دفتر يدى مخالفات للى يكسر الإشارة؟؟
ايه اللى اتغير طالما العسكرى موجود والدفتر موجود وفيه مخالفة؟
ياباشا دى ثقافة شعب
يعنى مثلا انا لاقيت الاشارة حمراء وقفت وجنبى واحد تانى وقف ،، جه سواق من ورا ويدى فى الكلاكسات ومش عاجبه ازاى تقف والاشارة حمراء
مع خالص الاحترام للناس المحترمين واللى بيحترموا القوانين واشارات المرور
احنا شعب عاوزين نعيش على طول فى فوضى وهرجلة
الناس المحترمة هى اللى ماشية صح حاطط الحزام ومبيكسرش الاشارة وملتزم حتى لو مفيش عسكرى مرور واقف
امبارح احنا واقفين فى اشارة ولما الاشارة فتحت وماشيين بتوع الميكروباصات كسروا الاشارة وعدوا بلطجة وهما دول اللى هيخربوا البلد
والاسبوع الماضى شفت توك توك ماشى فى شارع طلعت حرب وتكاتك فى شارع الهرم وفيصل ومعديين على كذا عسكرى وضابط مرور ولا حياة لمن تنادى
وضباط وعساكر المرور واقفين سد خانة فقط اعتقد عدم وجودهم بالبرود اللى بيعملوه دى افضل !!!!
الخطوات الطبيعية لتحويل اي شعب من العشوائية للتحضر المنظم
1- نظام صارم مفروض فرضا قاطعا لا يوجد فيه احتمال لافلات المخطيء , دي خطوة التربية
2- مع الوقت هاتلاقي الناس استسلمت للنظام و بقوا ماشيين عليه طبيعي جدا من غير شكوى من غير اي حاجة
3- بعد كده هاتلاقي الناس هما اللي بيستنكروا ان اي حد يخترق النظام
ده اللي اتعمل في دول العالم كلها
اتفق معاك, المفروض الناس ديه تتحبس عشان تتعظ.اقتباس:
المشاركة الأصلية كتبت بواسطة tlrsiap
بجد الواحد مش عارف يقول ايه لكن والله انا عمرى ما مشيت فى طريق الا ولبست الحزام مش علشان المرور لانه هو مش حزام مرور بل اسمه حزام امان وهذا منطقى الذى انا اسير عليه حتى فى ايام الفوضى لم يتغير بى شىء لان المفروض مقياس الشعوب الحضارات وياترى احنا فين من الحضاره دى عارفين المشكله فين فى سواقين الميكروباص والتكسجيه والتكاتك فهم ليس عندهم القدره على استيعاب اى شىء الا المحترمين منهم وياريت نشوف البلد للاحسن على كل حال . تحياتى
ده سلوك مالوش علاقه بوجود عساكر مرور من عدمه
الشخص الملتزم ملتزم حتى لو مفيش رقيب عليه
من فتره قبل الثوره عربيتين ملاكي لبسوا في بعض امامي
في اشارة مرور تقاطع شارع محي الدين مع شارع نادي الصيد
والشارع كان فاضي جداً ومفيش داعي للإستعجال وكان في عسكري مرور
بس مش موجه نظره ناحية الطريق
انا قبل التقاطع كنت مهديه تلقائي علشان اشوف الطريق اللي ماشي قبل ما اكمل
واللى ورايا ماكانش عاجبه بعدها بلحظات كان التصادم
يا باشا ما ديه النتيجة للاسف لما الفرعون مشي و الكرباج مبقاش موجود
من اين نعرف يعني ايه كلمة الحرية و الديمقراطية
و انا من هنا بسجل في نايل موتورز ان مصر داخلة علي ايام اسود من الحبر
و مفيش حاجه اسمها تفائل و هنشوف و الايام جاية
يعلم ربنا انا ماشي بالعربية الساعة 3 الفجر وواقف في اشارة حمرا و حاطط الحزام كمان و مفيش حد غيري واقف و الدنيا فاضية و مفيش كاميرات كمان
تمااااااااااااااااااااااا ااااااااااام، و ده عشان يحصل لازم يكون وزير الداخلية عادل و حازم، و عشان تجيب وزير داخلية كويس لازم يكون رئيس الوزراء كويس، و عشان تجيب رئيس وزراء كويس لازم يكون رئيس الجمهورية كويس، و هي دي المشكلة: إحنا عايزين رئيس جمهورية مدني محترم عنده رؤية مستقبلية جيدة لمصر داخليًا و خارجيًا و قادر على التعامل بقوة و حزم مع الفساد المنتشر و المتغلغل في مصر، هي دي النقطة إللي لازم نركز فيها كخطوة أولى نحو إصلاح مصر.اقتباس:
المشاركة الأصلية كتبت بواسطة tlrsiap
اقتباس:
المشاركة الأصلية كتبت بواسطة m.mosaad
اقتباس:
المشاركة الأصلية كتبت بواسطة frozen_pain
الكلام دا كنت بسمعه قبل الثورة و كنت متوقع الثورة حتغيره
لكن للأسف و لا مليون ثورة حتغيرنا
الكلام دا متفق معاك فيه تمامااقتباس:
المشاركة الأصلية كتبت بواسطة tlrsiap
بس لن ينفع فى مصر طول ما فيه فئة الميكروباصات و النقل فى الشوارع
الفئة دى معظمها جاهلة و عديمة الاخلاق و الضمير و هو ما لا تراه فى معظم العالم
كلام مظبوط جدااقتباس:
المشاركة الأصلية كتبت بواسطة sara2001
و للأسف الشعب المصرى مروريا غير ملتزم من قبل الثورة اصلا
اقتباس:
المشاركة الأصلية كتبت بواسطة peaceman
متفق معاك تماما
للأسف غير مهيئن حاليا اننا نتعامل مع حاجة متحضرة اسمها ثورة
الشعب عايز يغير النظام
الاولى ان الشعب يغير نفسه
اقتباس:
المشاركة الأصلية كتبت بواسطة Raul_7
كان نفسي اعمل موضوع بكده
حاجة تقطع القلب
اهم مش بلطجية ومواطنين عاديين وبيصرفو كده انا هموت من الحزن بسبب كده :majd(4):