هو محدش بيقف للاشارات ليييييييييييييه؟؟!!

**Raul_7** · 24-02-2011 11:48 AM

بجد حاجة تعصب الاشارات حمراء و الناس ماشية عادي ولا كأن فيه حاجة, لأ و الأغرب ان فيه عسكري مرور واقف

طبعاً الناس المحترمة وقفت بس استغربت قوي العربيات الي ماشية دي...

هو احنا لازم نتظبط غرامات عشان نحترم نفسنا؟

**Moh.Abdelbaset** · 24-02-2011 11:53 AM

مش بس الإشارات
فيه ناس بتمشي عكس
و ركن صف ثاني
و ناس حاطة نمرة العربية (25/ي ن ا ي ر)

**mrwho1982** · 24-02-2011 12:06 PM

يافندم مرة وانا داخل التجمع عند صنية الدائري

لقيت اول عسكري بيرغي مع زميلو وسايب الدنيا تقلب

وتاني عسكر واقف بيتمطع

وقفت جنبو واديتو طقم تهزيق

ارجح تكوين لجان لتنظيم المرور الداخلية ملهاش اي 30 لازمة

**Mohamed_Hegazy** · 24-02-2011 12:09 PM

ربنا يصلح الاحوال والشعب يغير من نفسه بعد مغير النظام ههههههههه

**M.Mosaad** · 24-02-2011 12:31 PM

الناس لازم تفهم ان مش النظام بس اللي كان فاسد لا احنا كلنا كنا فاسدين و غلطانين و مش متحضرين و مش معني غياب الرقابه او المخالفات ان تبقي الفوضي هي القانون و مش جدعنه اني اشوف الاشارة حمرا و امشي برضة المفروض زي ما وقفنا في وش النظام السابق و قلنا ليه لأ لازم لما نشوف حد من المتخلفين دول نقوله لأ و لما نشوف واحد ماشي عكس او بيكسر اشاره نقوله لا لانك كدة بتعرض حياتي و حياه اسرتي لخطر اكتر ما النظام السابق كان بيعرضها

**yascro** · 24-02-2011 02:00 PM

هنا ييجى دورنا لازم نكون ايجابيين ونوعى الناس

**Egyzizo** · 24-02-2011 02:05 PM

ليه ده بيحصل؟؟
هو العسكرى مش معاه دفتر يدى مخالفات للى يكسر الإشارة؟؟
ايه اللى اتغير طالما العسكرى موجود والدفتر موجود وفيه مخالفة؟

**Frozen_Pain** · 24-02-2011 02:15 PM

ياباشا دى ثقافة شعب

يعنى مثلا انا لاقيت الاشارة حمراء وقفت وجنبى واحد تانى وقف ،، جه سواق من ورا ويدى فى الكلاكسات ومش عاجبه ازاى تقف والاشارة حمراء

مع خالص الاحترام للناس المحترمين واللى بيحترموا القوانين واشارات المرور

احنا شعب عاوزين نعيش على طول فى فوضى وهرجلة

**م. عصام مهنى** · 24-02-2011 02:26 PM

الناس المحترمة هى اللى ماشية صح حاطط الحزام ومبيكسرش الاشارة وملتزم حتى لو مفيش عسكرى مرور واقف
امبارح احنا واقفين فى اشارة ولما الاشارة فتحت وماشيين بتوع الميكروباصات كسروا الاشارة وعدوا بلطجة وهما دول اللى هيخربوا البلد
والاسبوع الماضى شفت توك توك ماشى فى شارع طلعت حرب وتكاتك فى شارع الهرم وفيصل ومعديين على كذا عسكرى وضابط مرور ولا حياة لمن تنادى
وضباط وعساكر المرور واقفين سد خانة فقط اعتقد عدم وجودهم بالبرود اللى بيعملوه دى افضل !!!!

**تامر.محمد** · 24-02-2011 02:29 PM

الخطوات الطبيعية لتحويل اي شعب من العشوائية للتحضر المنظم

1- نظام صارم مفروض فرضا قاطعا لا يوجد فيه احتمال لافلات المخطيء , دي خطوة التربية

2- مع الوقت هاتلاقي الناس استسلمت للنظام و بقوا ماشيين عليه طبيعي جدا من غير شكوى من غير اي حاجة

3- بعد كده هاتلاقي الناس هما اللي بيستنكروا ان اي حد يخترق النظام

ده اللي اتعمل في دول العالم كلها

الموضوع: هو محدش بيقف للاشارات ليييييييييييييه؟؟!!

LinkBack

أدوات الموضوع

عرض

-

-

-

-

-

-

-

المواضيع المتشابهه

الموبينه.بتبوظ.ليييييييييييييه

نزلت جبت من التوفقيقة النوور الفلاش للاشارات

عداد السرعه بيقف ويشتغل

الشاهين لما بتشد ..... محدش بيقف قدامها

الناس بقت كده ليييييييييييييه ؛؛؛؛؛؛؛

الكلمات الدلالية لهذا الموضوع

المفضلات

المفضلات

ضوابط المشاركة