السواقة ملهاش كبير .. دي نتيجة السرعة الجنونية

والله يا جماعة انا مش عارفة اكتب ايه
بس متضايقة وزعلانة على عمي ياما عمل حوادث موت بسبب السرعة الجنونية وبردو متعظش وكررها تاني
يعني زماااان نزل في الابراهيمية باسرته واطفاله قبل الفجر والعناية الالهية انقذته وربنا بعت له اللي يشوفه وهو بيقع والناس انقذوهم
ومن تلات اربع سنين اتدحرج من جبل في طريق نويبع بكرولا كانت جديدة وربنا نجاه والعربية اتدمرت
من كام يوم ماشي على سرعة 200 !! على الصحرواي الغربي والعربية اتقلبت بيه ولولا ستر ربنا وان اولاد اخواته كانوا وراه كل واحد بعربيته محدش يعرف كان جراله ايه
لحقوه الحمد لله بس عنده كسر في دراعه ورجله وعمل عملية شريحة ومسامير
وعذاب وآلام العملية اكبر من الحادثة نفسها
فهل من متعظ ؟!
السواقة ملهاش كبير ومهما كنت متمكن انت متعرفش ظروف طريقك ايه

ربنا معاه ويقوم بالسلامة ان شاء الله

بصراحة انا لو من الناس المقربين منه لو راجل طريقة سواقته كده ده الصح يتمنع من السواقة لا قدر الله معلش يعني محدش ها يقعد يستنى لحد ما يشوف الراجل وهوة بيعمل حاجة في نسفه وواضح انه من محبي السرعة فأنا من رأيي اولاده او الناس المقربين منه يمنعوه من السواقة نهائيا وبالمرة لأنه بالطريقة دي بيعرض اولاده هوة قبل نفسه للخطر وانا شايف انه يتعينلوا سواق احسن 38473 مرة من انه يتعرض للخطر ده كل يوم .... والحمد لله على كل شئ ..

يساتر يارب

المشكلة لو كان شاب واعزب كنا قلنا براحته هايشيل مسئولية نفسه

انما الاسرة الى هو مسئول عنها دول يعملوا اييييييييييييه؟

اللهم اعف عنا

الحمد لله ان ربنا سترها معاه
بس ده لازم يقلل السرعه عشان ده ادمان مش بسهوله يحصل لازم يدرب نفسه الاول

السواقة ملهاش كبير فعلا
ألف سلامة عليه بس لازم يعرف ان ربنا بيقول
ولا تلقوا بأيديكم إلى التهلكة
وحياتنا دي مش ملكنا دي ملك اللي خلقنا فلازم نحافظ عليها
وكمان دا مش بيكون لوحده يعني يحافظ على اولاده واسرته على الاقل لو هو مش خايف على نفسه
ربنا يهدينا جميعا يارب ويقومهولكم بالسلامة ان شاء الله

هو طول عمره سواقته جنونية وحوداثه حوداث موت ومتعظش
ولسه بعد العمر ده كله بيسوق كدة معتقدش انه هايتغير
طبعا عشان العملية والكسور هايقد كذا شهر ميسوقش
ربنا يهديه ويشفيه

الف سلامه عليه وربنا يهدينا

هي فعلا ملهاش كبير انا بعد 5 سنين سواقه بدون حادثه او حكه واحده في العربيه
ومفاداه حواداث مووت
اتغريت وقولت انا سواق ومحدش قدي وعرفت الم العربيه ازاي
تاني يوم كنت شايل واحد علي كبوت العربيه بس الحمدلله جت سليمه

نحن كبشر علينا ان نقول انها مهنة عجز وربنا يشفيه يارب

ربنا يشفيه ويقومه بالسلامه

ربنا يقومه بالسلامه يارب جربت انا الموضو ع العمليه ديه قبل كده مؤلمه للكل ليه و لاهله ربنا يقومه بالسلامه

حمدلله على سلامته ويارب يتعظ ويحط صورة عائلة في ذهنه وهو سايق ويعرف ان في اسره مستنياه

ربنا يقومه بالسلامه ان شاء الله

و ياريت العائلة تدرس موضوع السواق الخصوصي

حمدا لله علي السلامة وربنا بيهدينا جميعا

ربنا يشفيه
انا عندى والد صديقى كده
الحل هو سواق خصوصى بالعافية و عربية جامدة مليانة وسائل امان و حفظ الله قبل كل ده طبعا

مش عارف أيه طريقة كلامك معاه
بس في حاجات ممكن تخليه يبطل سواقة لو عايز
لو عايزة أفكار هاقول خلي حد هو بيحبه يوصلهاله

عندي كتير والله
أقلها الموضوع اللي في توقيعي
وفي فيديوهات وحاجات تانية تخليه مش عارف يحط رجله علي دواسة عربية

أعتقد اللي ركب معايا الفترة اللي فاتت .. يقدر يقول انا كنت أيه وبقيت أيه !

ربنا يحميه

الله يسلمكم جميعا
واذا كان على السواق ياما شغل سواقين ومكنش بيعجبه سواقتهم ويجبرهم على السرعة
ويا اما هم يمشوا او هو يمشيهم
وحتى العربية كانت كورلا خليجي فول اوبشن موديل السنة اللي فاتت اواللي قبلها طبعا بقت عجينة
لكن مع السرعة الجنونية هتعمل له ايه وسائل الامان
تفتكروا بعد العمر ده كله ممكن يتغير
هو ممكن الحادثة دي تغيره نوعا ما
ربنا يقومه بالسلامة

المقولة اللي ماشي بيها ( مهماااااااااااااااااااااا ااااااااااا كانت قدرتك فالسواقة ومهمااااااااااااااااااااا اااااااااا كانت امكانيات عربيتك فالحادثة بتحصل في ثانية ولابسط ولاتفه الاسباب).

ربنا يعافيه ويقومه بالسلامة ان شاء الله

كان فيه احد الاعضاء حط فيديو هنا عن حوادث السيارات وفعلا جاب نتيجة كبيرة جدا مع اغلب الاعضاء اللي شافوه لانه وجع قلوب الناس بجد فلو حد من الشباب فاكره ياريت يجيبه والاخت ( نور القمر ) تفرجه لعمها وان شاء الله يكون سبب.

يا فامبير ده المفروض حوادثه تتاخد تتعمل فيديوهات للناس عشان تتعظ
انا كتبت عن 3 حوادث بس
لكن حوادثه الحقيقية اكتر من كدة كتير
انت مش متخيل يعني ايه يقع في ترعة الابراهيمية وكان معاه طفلتين اقل من سنتين والعربية بتغطس منه وزوجته رافعه بنت واخوه رافع بنت
تخيل لو اخوه مش معاه كانت بنت منهم غرقت !!!
و مرة زمان على الطريق الزراعي بسبب السرعة دخل في شجرة وموت جاموسة
اهل القرية كانوا هايموتوه بسبب الجاموسة لولا انه طلع تمنها فورا

السلام عليكم
ربنا يشفية
وابقوا بيعو الالعربية وخلاص

اقتباس:

---

المشاركة الأصلية كتبت بواسطة نور القمر

يا فامبير ده المفروض حوادثه تتاخد تتعمل فيديوهات للناس عشان تتعظ
انا كتبت عن 3 حوادث بس
لكن حوادثه الحقيقية اكتر من كدة كتير
انت مش متخيل يعني ايه يقع في ترعة الابراهيمية وكان معاه طفلتين اقل من سنتين والعربية بتغطس منه وزوجته رافعه بنت واخوه رافع بنت
تخيل لو اخوه مش معاه كانت بنت منهم غرقت !!!
و مرة زمان على الطريق الزراعي بسبب السرعة دخل في شجرة وموت جاموسة
اهل القرية كانوا هايموتوه بسبب الجاموسة لولا انه طلع تمنها فورا

---

عندك حق ده فعلا الوضع متأخر اوي. خلي بناته بقي يروحو يقولوله اوعا تموتنا يابابا بأيدك لأن مش كل مرة تسلم الجرة.

المشكلة ان الواحد لما بيشوف حادثة بسسسسسسسسسسس بيركب الهوا وبيخاف يركب عربية اصلا انما عمك واضح انه بيزداد قوة واصرار بعد كل حادثة. السؤال اللي يفرض نفسه بقي بيزداد اصرار علي ايه؟؟؟؟؟؟؟؟؟؟؟؟؟؟؟؟ هو فيه تحدي للموت؟؟؟؟؟؟؟؟؟ :_Alshmokh08[1]:

ده حتي اللي بيحب يجري بيجري بس لما بيكون لوحده انما لو معاه حد وخصوصا اطفال بيمشي علي قشر بيض.

ربنا يستر طريقنا جميعا

اقتباس:

---

المشاركة الأصلية كتبت بواسطة ahmed_mido1889

هي فعلا ملهاش كبير انا بعد 5 سنين سواقه بدون حادثه او حكه واحده في العربيه
ومفاداه حواداث مووت
اتغريت وقولت انا سواق ومحدش قدي وعرفت الم العربيه ازاي
تاني يوم كنت شايل واحد علي كبوت العربيه بس الحمدلله جت سليمه

---

بصرة بس متقوليش في أبوأشرف وبوزلك الازاز وعملته عند الراجل اللي بعد الزعيم

اقتباس:

---

المشاركة الأصلية كتبت بواسطة mailo

بصرة بس متقوليش في أبوأشرف وبوزلك الازاز وعملته عند الراجل اللي بعد الزعيم

---

خلاص انت عرفت انا عملت الحادثه فين وركبت الازاز فين بلاش فضايح
استر عليا الله يسترك

1000 سلامة عليه...ماتجيبلى نمرته عشان اتعرف عليه..مع انى من يوم الثورة ماقامت وانا مابعديش ال120 احتراما لمبادىء الثورة

والله رغم ان الواحد عارف ان مفيش رادارات غير اني محترم السرعات القانونية رغم عدم وجود مرور اساسا !

لا حول ولا قوه الا بالله

ربنا يشفيه

بس لازم تفكرو معاه فى حل

لان اظن انه لو بطل سواقه بسرعه حتبقى لفتره مؤقته بعد الحادثه

لانه على كلامكم عمل كذا حادثه مشابهه