السواقة ملهاش كبير .. دي نتيجة السرعة الجنونية

**نور القمر** · 24-02-2011 08:41 PM

والله يا جماعة انا مش عارفة اكتب ايه
بس متضايقة وزعلانة على عمي ياما عمل حوادث موت بسبب السرعة الجنونية وبردو متعظش وكررها تاني
يعني زماااان نزل في الابراهيمية باسرته واطفاله قبل الفجر والعناية الالهية انقذته وربنا بعت له اللي يشوفه وهو بيقع والناس انقذوهم
ومن تلات اربع سنين اتدحرج من جبل في طريق نويبع بكرولا كانت جديدة وربنا نجاه والعربية اتدمرت
من كام يوم ماشي على سرعة 200 !! على الصحرواي الغربي والعربية اتقلبت بيه ولولا ستر ربنا وان اولاد اخواته كانوا وراه كل واحد بعربيته محدش يعرف كان جراله ايه
لحقوه الحمد لله بس عنده كسر في دراعه ورجله وعمل عملية شريحة ومسامير
وعذاب وآلام العملية اكبر من الحادثة نفسها
فهل من متعظ ؟!
السواقة ملهاش كبير ومهما كنت متمكن انت متعرفش ظروف طريقك ايه

**Angel_wolf** · 24-02-2011 08:57 PM

ربنا معاه ويقوم بالسلامة ان شاء الله

**sayed911** · 24-02-2011 09:07 PM

بصراحة انا لو من الناس المقربين منه لو راجل طريقة سواقته كده ده الصح يتمنع من السواقة لا قدر الله معلش يعني محدش ها يقعد يستنى لحد ما يشوف الراجل وهوة بيعمل حاجة في نسفه وواضح انه من محبي السرعة فأنا من رأيي اولاده او الناس المقربين منه يمنعوه من السواقة نهائيا وبالمرة لأنه بالطريقة دي بيعرض اولاده هوة قبل نفسه للخطر وانا شايف انه يتعينلوا سواق احسن 38473 مرة من انه يتعرض للخطر ده كل يوم .... والحمد لله على كل شئ ..

**tom_gr** · 24-02-2011 09:19 PM

يساتر يارب

المشكلة لو كان شاب واعزب كنا قلنا براحته هايشيل مسئولية نفسه

انما الاسرة الى هو مسئول عنها دول يعملوا اييييييييييييه؟

اللهم اعف عنا

**MISS_MONA** · 24-02-2011 10:43 PM

الحمد لله ان ربنا سترها معاه
بس ده لازم يقلل السرعه عشان ده ادمان مش بسهوله يحصل لازم يدرب نفسه الاول

**Ashraf_Ibrahim** · 25-02-2011 12:59 AM

السواقة ملهاش كبير فعلا
ألف سلامة عليه بس لازم يعرف ان ربنا بيقول
ولا تلقوا بأيديكم إلى التهلكة
وحياتنا دي مش ملكنا دي ملك اللي خلقنا فلازم نحافظ عليها
وكمان دا مش بيكون لوحده يعني يحافظ على اولاده واسرته على الاقل لو هو مش خايف على نفسه
ربنا يهدينا جميعا يارب ويقومهولكم بالسلامة ان شاء الله