النهاردة عملت موقفين مع الناس الاتنيين فى منتهى الغرابة ..أنا فى قمة الحزن والنكد بجد

النهاردة ياجماعة

الموقف الأول:

نازل من البيت وقلت لازم ابقى ايجابى دة مصرنا

وانا ماشى بالعربية كنت بحييى الشباب اللى بيظبطوا و يكنسوا الشارع وسلمت على كام ضابط مرور معرفهمش وردوا التحية بكل ادب و مودة وكنت مبسوط جدا

رحت اول مشوار.... كنت رايح البنك الاهلى المصرى ادفع الفيزا بكرة 25 ميعاد الدفع واجازة

الساعة كانت 1 وربع و متعلق ورقة مكتوب مواعيد العمل من 8ونص ل 2

ركنت العربية ورايح على الباب لقيت زحمة والباب مقفول .... ناس كبيرة بتاع 50 سنة كلهم واقفين ساكتين فى اية ياجماعة ...الرد البنك قافل الباب وبيدخلوا 25 فى كل مرة وبقالهم بتاع 45 دقيقة قافلين

استعجبت جدا للسلبية

سألت دة قرار نزل يعنى ولا بمذاجهم ... قاللوا لأ بمذاجهم

طبعا عديت من الصفوف وخبط على الباب فتح الأمن ... بقولة انت قافل الباب لية يرد يقول البنك زحمة

قلتلة يعنى انت رامى الناس برة فى الشمس عشان البنك زحمة راح قايل تعليمات !!

قلتلة التعليمات دى ماتنشرتش لية مش معلق ورقى برة لية دلوقتى البنك بيقفل الساعة 2 يبقى الباب يتفتح ..قعد يزقنى من كتفى وعايز يقفل الباب برضة صوتى عالى طبعا واتنرفزت وذعقت والامن اتلم ونزل ايدك راح بيزقنى برة قمت زقة وحصلت خناقة والناس قامت اخيرا طلعوا من صمتهم وساندونى وذعقوا فيهم حرام عليكم وحاشوا عنى وانا بذعق امال الثورة قامت لية عشان الهبل والتخلف دة يخلص وتحترموا الناس دول عملاء عندكم مش حرامية
الناس الكبيرة اللى برة فرحوا قوى وقعدوا يقولولى الله يباركلك ويبارك فيكم انت الشباب انتم المستقبل وأضطر المن تحت ضغط الناس يفتح الباب

طبعا

البنك كان فى 3 !!

الامن ومدير الامن ومدير البنك نزلوا يتأسفوا ليا واحنا اسفين وحقك عليا وقال للموظفين خلصولوا حاجتة اول واحد

طبعا انا رديت بصوت عالى ... لأ وانا حقف فى الدور بتاعى ومش حاخد حق حد

الناس فرحت وصقفتلى وهم اللى صمموا انى اخلص انا الاول ومحدش رضى يروح للشباك

ولحد ماخلصت والناس الكبيرة على لسانهم كلمة واحدة

ربنا يبارك فيكم ربنا يبارك فيكم :))


دة الموقف الأول الجميل اللى لازم نبقى كلنا ايجابيين

الموقف التانى المحزن


راجع بالعربية فى منطقى المنشية بأسكندرية

واذا بميكروباص جى عكسى ومش هامة حاجة

عكسى فى شارع رئيسى وكان حيلبس فيا

المهم على اول الشارع ملازم اول وقفة وانا وقفت

الملازم بمنتهى الادب بقولوة ... انت جى عكسى وكدة مخالف ولو سمحت اعدل العربية وامشى فى اتجاة الشارع الصح

تخيلوا الرد كان اية ؟؟؟

السواق : بمنتهى القذارة انا ماشى بكيفى و بمذاجى والمرة الجاية لو لقيتك واقف حاخدك تحت العربية ونزل هو التباع

انا لسة حفتح بقى لقيت الصيع اتلموا والضابط للأسف راح الموتوسيكل وراح ماشى

حسبى الله ونعم الوكيل

انا بجد فى منتهى الحزن

حسبى الله ونعم الوكيل

على فكرة انا كلمت الكول سنتر امبارح و قالوا لي الدفع اتاجل ليوم 25 مارس بدون غرامات و لا قفل للكارت

للاسف هى ديه المشكلة اللى احنا كلنا بقينا بنعانى منها و لسه حنعانى
احنا ضد الظباط اللى بيجوا على المظلومين و عايزين يمشوا القواعد بس على ناس وناس لا
اللى احنا وصلنا ليه دلوقتى ان الظباط فقدوا السلطة حتى على الغلط لانهم خسروا كل السطات سؤاء الصح او الغلط
مفروض دورنا اننا نقوى دور الصح بس مش عارفة ازاى والا حنعيش كلنا تحت رحمة البلطجية
ولازم نفكر ازاى نعمل كده والا حنبقى عايشين فى غابة واحنا اول الخسرانين

احييك يا استاذ شهدي على الايجابية
دلوقت مسئولين البنك اعتذروا لانهم خايفين من اثارة الناس ضدهم
وادي مثال لظابط كان ممكن لو اتمسك يطبق القانون والنظام يكون مصيره خناقة زي بتاع المعادي والضحايا كانت ممكن تكون من الشرطة او السواق البلطجي

اقتباس:

---

المشاركة الأصلية كتبت بواسطة ashouhdy

الموقف التانى المحزن
راجع بالعربية فى منطقى المنشية بأسكندرية
واذا بميكروباص جى عكسى ومش هامة حاجة
عكسى فى شارع رئيسى وكان حيلبس فيا
المهم على اول الشارع ملازم اول وقفة وانا وقفت
الملازم بمنتهى الادب بقولوة ... انت جى عكسى وكدة مخالف ولو سمحت اعدل العربية وامشى فى اتجاة الشارع الصح
تخيلوا الرد كان اية ؟؟؟
السواق : بمنتهى القذارة انا ماشى بكيفى و بمذاجى والمرة الجاية لو لقيتك واقف حاخدك تحت العربية ونزل هو التباع
انا لسة حفتح بقى لقيت الصيع اتلموا والضابط للأسف راح الموتوسيكل وراح ماشى
حسبى الله ونعم الوكيل
انا بجد فى منتهى الحزن
حسبى الله ونعم الوكيل

---

الله ينور عليك يا شهدي على الموقف الاول
والموقف التاني امانة عليك تدخل تقوله في الموضوع الموجود عن ظابط المعادي علشان الناس تعرف يعني ايه سواق ميكروباس ويعني ايه ظابط شرطة دلوقت
انا حملتك امانة

اقتباس:

---

المشاركة الأصلية كتبت بواسطة نور القمر

احييك يا استاذ شهدي على الايجابية
دلوقت مسئولين البنك اعتذروا لانهم خايفين من اثارة الناس ضدهم
وادي مثال لظابط كان ممكن لو اتمسك يطبق القانون والنظام يكون مصيره خناقة زي بتاع المعادي والضحايا كانت ممكن تكون من الشرطة او السواق البلطجي

---

يتفرج يا مدام نور اللى مش عاجبهم وعايزين يسحلوا اي ظابط لمجرد انه ظابط وخلاص

اقتباس:

---

المشاركة الأصلية كتبت بواسطة أحمد كمال

على فكرة انا كلمت الكول سنتر امبارح و قالوا لي الدفع اتاجل ليوم 25 مارس بدون غرامات و لا قفل للكارت

---

والله يأحمد انا مش مصدقش بنوك !! ييجى يقولك error فى السيستم والكلام دة وحدتفع غصب عنك

اقتباس:

---

المشاركة الأصلية كتبت بواسطة ghada_zaky

للاسف هى ديه المشكلة اللى احنا كلنا بقينا بنعانى منها و لسه حنعانى
احنا ضد الظباط اللى بيجوا على المظلومين و عايزين يمشوا القواعد بس على ناس وناس لا
اللى احنا وصلنا ليه دلوقتى ان الظباط فقدوا السلطة حتى على الغلط لانهم خسروا كل السطات سؤاء الصح او الغلط
مفروض دورنا اننا نقوى دور الصح بس مش عارفة ازاى والا حنعيش كلنا تحت رحمة البلطجية
ولازم نفكر ازاى نعمل كده والا حنبقى عايشين فى غابة واحنا اول الخسرانين

---

اقتباس:

---

المشاركة الأصلية كتبت بواسطة نور القمر

احييك يا استاذ شهدي على الايجابية
دلوقت مسئولين البنك اعتذروا لانهم خايفين من اثارة الناس ضدهم
وادي مثال لظابط كان ممكن لو اتمسك يطبق القانون والنظام يكون مصيره خناقة زي بتاع المعادي والضحايا كانت ممكن تكون من الشرطة او السواق البلطجي

---

ياجماعة الضابط كان فى منتهى الأدب بجد ولما لقى الرد دة والناس اتلمت وكلة بيقول عايز اية دة وفى اية اخد نفسة ومشى

حسبى الله ونعم الوكيل

بالنسبة لحوار المعادى حبقى اقول رأيى لما اعرف بجد اية اللى حصل ... مش بعيد السواق دة فتح علية مطوة ولا عصاية الكوريك ..... الله اعلم

الموقف الأول في الجون

خليك ايجابي و خد حقك

انت بتدفع فلوس للبنك عالخدمة

مش حسنة و انا سيدك

بنوك حكومية عايزة الحرق فاهمين انهم بيجبوا عليك مش العكس

بصراحة لازم يكون فيه حل لبتوع الميكروباص
وللاسف من اللي بتقولة الحل مش هيكون من الشرطة على الاقل في الوقت الحالي
بس لازم الحل ييجي من الاهالي هما لازم يتصرفوا
اذا كنا بنادي بقويم الفاسدين في الشرطة فلازم نقوم الفاسدسن في كل مجال واولهم بتوع الميكروباص

بالضبط

دلوقتى فى مشكلة رهيييييييبة

الشرطة ... انا مش عارف بتاع المعادى دة اية الحقيقة

لو الضابط يبقى يستاهل العقاب بالقانون مش قانون الغابة

انما لو السواق فعلا كان عايز يعتدى علية يبقى البلد رايحة فى داهية

احييك على الموقف الاول
بحراره
اما الموقف التانى
كان ممكن يخلص لصالحك
بالطريقه
هو زى ما قال للظابط كده كنت انت تعمل زى ما عملت ف البنك بالظبط هتلاقى الشباب الحترم اتلم وساندك ومش قليل انهم يسلموا السواق ده للجيش قطع غيار
الناس قرفانه من البلطجه اكتر كم قرفها من الشرطه
انا بعمل الكلام اللى انا قلته ده مع سواقين الميكروباص
وساعات بنزل اقف قدام العربيه
ومش بتحرك وبلاقى مسانده جباره من الناس

المعادله بقت مين هيقدر يسيطر
الحق والعدل والالتزام
ولا
البلطجه

اقتباس:

---

المشاركة الأصلية كتبت بواسطة yascro

احييك على الموقف الاول
بحراره
اما الموقف التانى
كان ممكن يخلص لصالحك
بالطريقه
هو زى ما قال للظابط كده كنت انت تعمل زى ما عملت ف البنك بالظبط هتلاقى الشباب الحترم اتلم وساندك ومش قليل انهم يسلموا السواق ده للجيش قطع غيار
الناس قرفانه من البلطجه اكتر كم قرفها من الشرطه
انا بعمل الكلام اللى انا قلته ده مع سواقين الميكروباص
وساعات بنزل اقف قدام العربيه
ومش بتحرك وبلاقى مسانده جباره من الناس

المعادله بقت مين هيقدر يسيطر
الحق والعدل والالتزام
ولا
البلطجه

---

متفق معاك تماما

اقتباس:

---

المشاركة الأصلية كتبت بواسطة yascro

هو زى ما قال للظابط كده كنت انت تعمل زى ما عملت ف البنك بالظبط هتلاقى الشباب الحترم اتلم وساندك ومش قليل انهم يسلموا السواق ده للجيش قطع غيار
الناس قرفانه من البلطجه اكتر كم قرفها من الشرطه

---

او ممكن ياخد مطواة في بطنه في وسط الشارع زي ما حصل في الجيزة من يومين

اقتباس:

---

المشاركة الأصلية كتبت بواسطة dr-mohamed

او ممكن ياخد مطواة في بطنه في وسط الشارع زي ما حصل في الجيزة من يومين

---

لا متخفش مش هياخد مطوه ف بطنه عشان هو معاه الحق ودايما اللى معاه معاه الحق قوى
وانا مبنصحوش بحاجه انا مبعملهاش
ودايما البلطجى والحرامى جبان وبيستقوى بالشر
والله العظيم الناس دى جبانه ويخافوا وميختشوش
لو كل واحد سكت
صدقنى بكره يدخلوا علينا بيوتنا
انا مش عايز اقول اللى كانت بعمل ايه ف اللجان الشعبيه لما بنمسك واحد حرامى او بلطجى

لما الضباع تغلب الأسود بيكون الحكم ليهم ... دة اللى حصل فى الموقف التانى

بعدين عايزنى اكلم ناس صيع بالعقل والمنطق ؟؟؟ مستحييل ... لو الغلبة للمحترمين كان ممكن لكن العكس ؟!!!

عشان لسه فيه سلبيه من الشعب
المفروض اي حد يخالف يتعاقب سواء كبير او صغير
غني او فقير
سايق بي ام ولا سايق توك توك
كله لازم يتعاقف طالما اخطأ

موقف الظابط كان المفروض الناس تتلم معاه و يربو سواق المكروباص
لكن بردو فيه كتير اوي بيخافو من المواضيع دي

ياعزيزى الكل بيشمت فيهم دلوقتى

.... فى فئة فيهم زبالة ذى كا كل مهنة فيها زبالة لية الناس مش قادرة تفهم ... مش معنى كدة ان كلة الضباط يتعاقبوا ...

ربنا يستر من الى جى

اقتباس:

---

المشاركة الأصلية كتبت بواسطة ashouhdy

النهاردة ياجماعة

الموقف الأول:

نازل من البيت وقلت لازم ابقى ايجابى دة مصرنا

وانا ماشى بالعربية كنت بحييى الشباب اللى بيظبطوا و يكنسوا الشارع وسلمت على كام ضابط مرور معرفهمش وردوا التحية بكل ادب و مودة وكنت مبسوط جدا

رحت اول مشوار.... كنت رايح البنك الاهلى المصرى ادفع الفيزا بكرة 25 ميعاد الدفع واجازة

الساعة كانت 1 وربع و متعلق ورقة مكتوب مواعيد العمل من 8ونص ل 2

ركنت العربية ورايح على الباب لقيت زحمة والباب مقفول .... ناس كبيرة بتاع 50 سنة كلهم واقفين ساكتين فى اية ياجماعة ...الرد البنك قافل الباب وبيدخلوا 25 فى كل مرة وبقالهم بتاع 45 دقيقة قافلين

استعجبت جدا للسلبية

سألت دة قرار نزل يعنى ولا بمذاجهم ... قاللوا لأ بمذاجهم

طبعا عديت من الصفوف وخبط على الباب فتح الأمن ... بقولة انت قافل الباب لية يرد يقول البنك زحمة

قلتلة يعنى انت رامى الناس برة فى الشمس عشان البنك زحمة راح قايل تعليمات !!

قلتلة التعليمات دى ماتنشرتش لية مش معلق ورقى برة لية دلوقتى البنك بيقفل الساعة 2 يبقى الباب يتفتح ..قعد يزقنى من كتفى وعايز يقفل الباب برضة صوتى عالى طبعا واتنرفزت وذعقت والامن اتلم ونزل ايدك راح بيزقنى برة قمت زقة وحصلت خناقة والناس قامت اخيرا طلعوا من صمتهم وساندونى وذعقوا فيهم حرام عليكم وحاشوا عنى وانا بذعق امال الثورة قامت لية عشان الهبل والتخلف دة يخلص وتحترموا الناس دول عملاء عندكم مش حرامية
الناس الكبيرة اللى برة فرحوا قوى وقعدوا يقولولى الله يباركلك ويبارك فيكم انت الشباب انتم المستقبل وأضطر المن تحت ضغط الناس يفتح الباب

طبعا

البنك كان فى 3 !!

الامن ومدير الامن ومدير البنك نزلوا يتأسفوا ليا واحنا اسفين وحقك عليا وقال للموظفين خلصولوا حاجتة اول واحد

طبعا انا رديت بصوت عالى ... لأ وانا حقف فى الدور بتاعى ومش حاخد حق حد

الناس فرحت وصقفتلى وهم اللى صمموا انى اخلص انا الاول ومحدش رضى يروح للشباك

ولحد ماخلصت والناس الكبيرة على لسانهم كلمة واحدة

ربنا يبارك فيكم ربنا يبارك فيكم :))

دة الموقف الأول الجميل اللى لازم نبقى كلنا ايجابيين

الموقف التانى المحزن

راجع بالعربية فى منطقى المنشية بأسكندرية

واذا بميكروباص جى عكسى ومش هامة حاجة

عكسى فى شارع رئيسى وكان حيلبس فيا

المهم على اول الشارع ملازم اول وقفة وانا وقفت

الملازم بمنتهى الادب بقولوة ... انت جى عكسى وكدة مخالف ولو سمحت اعدل العربية وامشى فى اتجاة الشارع الصح

تخيلوا الرد كان اية ؟؟؟

السواق : بمنتهى القذارة انا ماشى بكيفى و بمذاجى والمرة الجاية لو لقيتك واقف حاخدك تحت العربية ونزل هو التباع

انا لسة حفتح بقى لقيت الصيع اتلموا والضابط للأسف راح الموتوسيكل وراح ماشى

حسبى الله ونعم الوكيل

انا بجد فى منتهى الحزن

حسبى الله ونعم الوكيل

---

احييك على الموقف بتاع البنك
الموقف التاني ده حصل زيه في شارع لبنان امبارح
مع اختلاف تفاصيل الموقف وانه كان مع سواقين نقل
والسواقين مسكوا رجل المرور بيضربوه والناس خلصته من بين ايديهم
رجال المرور دلوقتي مستهدفين من سواقين الميكروباصات والنقل
للعداوه السابقه معهم وفرض الإتاوات من بعضهم زمان

اقتباس:

---

المشاركة الأصلية كتبت بواسطة ashouhdy

النهاردة ياجماعة

الموقف الأول:

نازل من البيت وقلت لازم ابقى ايجابى دة مصرنا

وانا ماشى بالعربية كنت بحييى الشباب اللى بيظبطوا و يكنسوا الشارع وسلمت على كام ضابط مرور معرفهمش وردوا التحية بكل ادب و مودة وكنت مبسوط جدا

رحت اول مشوار.... كنت رايح البنك الاهلى المصرى ادفع الفيزا بكرة 25 ميعاد الدفع واجازة

الساعة كانت 1 وربع و متعلق ورقة مكتوب مواعيد العمل من 8ونص ل 2...............................

الموقف التانى المحزن

راجع بالعربية فى منطقى المنشية بأسكندرية

واذا بميكروباص جى عكسى ...............................

---

السلام عليكم و رحمة الله و بركاته

فعلا, البنوك بتتعامل مع العملاء فى كتير من الأحيان على أن المودعين دول, ناس رايحة تشحت منهم, حاااااااااااااااااجة غريبة, بس احقاقا للحق, فيه بنوك تانية بتتعامل مع العملاء سواء كانوا مودعين أو مقترضين, بمنتهى الاحترام .

بالنسبة للشرطة, هى يعنى الشرطة يا تحرقهم, يا تدعأهم, حاجة غريبة أوى, هى يا اما الشرطة تبلطج و تقل أدبها عالشعب و تقرفه فى حياته, يا اما يبقوا و لا مؤاخذة حريم و بطرح و لا بيهشوا و لا بينشوا .

ايه القرف ده؟؟؟!!!!!

احييك جدا على موقفك الايجابى فى موضوع البنك

بالنسبة لموضوع الميكروباص نفس اللى حصل معايا فى عباس العقاد
بس العكس ان الظابط ماقلوش حاجة و لما جيت جنب سواق الميكروباص فى الشارع بقوله الناس عملت ثورة و طهرت البلد من الفساد علشان نصلح بلدنا فى كل حاجة و منها اخلاقنا و سلوكنا و المرور
لقيته بيقوله بلا ثورة بلا نيلة الكلام دا ليكو يا بتوع النت
احنا الثورة حتخلينى امشى بكيفى و بطريقتى و اى حد مش عاجبه سواقتى مالوش عندى غير جزمتى !!!

بجد فئة عايز الحرق فى مصر

ربنا ينتقم منه اللى اداهم ترخيص ينزلوا فى الشوارع و وبظوا المرور فى مصر

محدش يقدر ينكر ان فيه ثار بايت ما بين الشرطة ومعظم سواقين الميكروباصات والشمامين..

ضباط الشرطة غالبا كانت بتفتري على العالم دول بالحق مرة وبالظلم والمبالغة في القهر وتلفيق التهم
مرااااات اخرى داخل الاقسام وفي الحبس...

ده طبعا غير الاتاوات اللي الامناء كانوا بيفرضوها على سواقين مواقف التاكسي والميكلروباص بالاضافة
الى التحكمات والاهانات العلنية...

طبعا مسلسل طويل استمر لسنوات عديدة...كانت نتيجته ان هذه النوعية من الناس لم يخرجها يوم 28 الا هدف واحد وهو
الانتقام من الشرطة عن طريق حرق الاقسام ...انا شخصيا كنت شايفهم متصدرين االمظاهرة بالسلاسل ولاحظت استماتتهم في محاولة اقتحام الاقسام ...وللاسف استغلوا المظاهرة والشباب بتاع الثورة الحقيقية...

يعني من الآخر الشرطة الباسلة زرعت...واللي بيحصد للاسف دلوقتي مش هم بس ولكن البلد كلها..

وبناء عليه فمن الطبيعي ان البلطجية والصيع ومعظم سواقين الميكروباصات...لن يفوتوا اي فرصة لمواجهة
رجال الشرطة في الشارع وجر شكلهم بمعنى آخر...وارهابهم بمواقف زي الي بتحصل دي...علشان الشرطة
تظل يا اما في بيبوتهم...يا اما واقفين زي قلتهم ما يفتحوش بقهم...وللاسف ده الي حاصل

الله ينور عليك ياباشا والله ربنا يكرمك

لو كل واحد وقف فى وش الغوغاء دول هنقدر نتغلب عليهم
من يومين رايح الشغل وتاكسى جاى فى الشارع عكس الأتجاه وقفت العربيه فى وشه
وقلتله لف وارجع
رد قالى هتاخدنا احنا الأثنين قلتلو لف وارجع انت عكسى
قالى معرفش طبعا كداب
المهم رديت عليه قلتله مش متعتع الا لما تلف وشك وتمشى صح ودا اللى حصل لف وعدل العربيه ومشى صح
وياريت اللى يشوف منظر زى دا يتصدى ليه ويزعق وهو بيتكلم والناس والشباب ساعتها هيتلم وهتنصرو الحق
أستحاله تبقى بتتكلم فى الحق وربنا يخذلك ابدا هتلاقى ربنا معاك وبيساندك

احييك على الموقف الاول جدا... بالنسبه للموقف التانى اى موقف هيكون بين ضباط شرطه من طرف وبلطجيه او سواقين ميكروباص من طرف.. بغض النظر عن مين الى غلطان هتلاقى الموقف بقى ضرب وقتل وكلام من دا لأن الشرطه ياما بلطجوا عالعالم دا ودلوقتى والشرطه مكسوره اكيد الناس دى هتستغل الموقف وتخلص منهم.. الشرطه الى حطوا نفسهم فى الموقف دا.. بدل ما يبقوا الناس الى بتحمى من البلطجه بقوا بلطجيين هما كمان
ولازم حل جذرى مع الشرطه وقياداتها بأسرع وقت لأن كدا مش هيحصل تغيير ابدا

والله التاكسجية دولت هما وبتوع المكروباص هيبوظوا كل الي عملناه ..



برضوا في المطار عند ساحة الوصول والمغادرة دلوقتي تلاقي ناس كتير جدا واقفة وصف تاني ومافيش مكان العربية تعدي منة الا حارة واحدة ..


تخيلوا ده في المطار كل بتوع التاكسي واقفيين صف اول وتاني

ده المطار الي كان بيقف خمس دقايق بالعافية ممكن يتاخد مخالفة ..


سواق تاكسي قفل السكة في المطار ووراه عربيات كتير ومنهم اتوبيسات المطار

جه الظابط بيقولوا اطلع قدام شويا .. مسك فية واتخانقوا معاة


النتيجة: الظابط رفع ايدية عن الموضوع ولما مشي انا كنت جنبة .. قال كذا : " خليها تقفل شعب ........ .. "

بصراحة كنت عايز اشتمة بس كان معاه الحق !!

احييك على الموقف الأول
بالنسبة لموضوع عكس السير
امبارح كان في ملاكي ماشي عكس وقفت في وشه والراجل كان عمال يتنطط في مكانه وبيزعق وبيشتم قلتله اعمل اللي تعمله مش هسيبك تكمل الشارع عكس وكان في عربيات تانية وقفت ونزلو هزقوه وخلوه يلف ويرجع تاني

المفروض الحل يكون باستمرار اللجان الشعبية مع المرور لحد ما نظبط الناس دي لانهم عندهم مرض اسمه مخالفة القانون ولازم يكون في آلية واضحة للمخالفات ويزودو افراد المرور بافراد شرطة عسكرية ويا ريت يحطو كاميرات في عربيات الشرطة زي أمريكا علشان الاشاعات والكلام بتاع الحكومة دائماً غلطانة
وبصراحة أنا بلوم كل اللي كانو راكبين مع السواق الغبي ده انا دايماً لما بكون راكب مع واحد ويخالف بناقشه لحد ما اعرفه غلطه حتى لو كان بلطجي بيكون في منهم ناس جدعان جداً وبيعترفو بغلطهم بس مشكلتهم انهم متربيين غلط من أهاليهم ومن الحكومة

انا مش هاغلطك طبعا لو احنا فى ايام عاديه و فيها امن و امان ,,, بس اليومين دول انا هاغلطك حتى فى الموضوع الأول بتاع البنك ليه بقى ؟؟؟
اولا انا مش شغال فى بنوك ولا ليا علاقه بالبنوك , بس دلوقتى لو البنك ده دخل فيه كم الناس كلها مره واحده و دخل بينهم 3 او اربعه مسجلين و يا سلام لو معاهم سلاح من اللى منتشر اليومين دول فى الشوارع هايبقى ايه الحل ؟؟؟ هايقلب كل الناس اللى فى البنك و يمكن يقلبوا البنك نفسه و مش هايكون فيه تدخل امنى اطلاقا .... لكن لو البنك بيدخل العملاء شويه بشويه هايبقى فيه تحكم فى الناس اللى جوه البنك و هايبقوا اشخاص معدوده و هايبقى العين عليهم من الأمن و الحرس بتاع البنك ..... لكن لو اتساب البنك سداح مداح هايبقى فيه خطوره على العملاء اللى جوه البنك و على البنك نفسه ....

فعلشان كده الأمن بتاع البنك بيدخل الناس مجموعه مجموعه . و انا معاهم فى الموقف ده و دى وجهه نظرى ان كده الصح فى الفتره المقلقه اللى من مافيهاش امن و امان .

شكرا ليك .

اشكر ع الموقف الاول

الموقف التانى ده مش عارف ليه لو انا فيه كنت عملت فكرة مجنونة

وعرضة العربية وقفلت الطريق قدامه والناس كلها تتفرج عليه ده بس من غيظى

لكن لو هتصرف بحكمة هنزل اقف مع الظابط ع طول ومش هيهمنى سواق ميكروباص ولا سوق تريلالة

انا بقيت اشوف فى القناطر هنا عندنا اللى اللى بيمشى عكس بلاقى عربية تروح وقفة قدامه وتفتح النور العالى رعاش ويتنح بتاع شوية كده ويمشى برحه من قدامه الموقف ده اتكرر اكتر من مره قدمى



انا حصل معاية يوم الجمعة اللى فاتت وانا رجع من التحرير وركب ميكروباص
والعربية محملة اتنين زيادة وقفين عشان الزحمة

المهم ركب شخص مش محترم
وقال اصل ده شعب ...........
محدش اتكلم فى العربية انا ممسكتش نفسى
وقلتله انت تقصد ان اهلك .........
والناس اللى فى العربية دول ..............

لقيت الناس كلها بصتله زى ميكونوا لسه مستوعبين انه بيشتمهم هما

وعينك متشوف الا النور اتهزق بحترام من كل الناس اللى فى العربية

لدرجة ان السوق قاله تعالى جنبى اول منزل وحد جنبه وخد شوية تلقيح كلام ومقدرشى يفتح بقه

وانا متاكد بعد كده هيفكر الف مرة قبل ميشتم الناس بعد كده

والله انا يئست من الناس والشعب دة .... مش عارف اخرتها اية مع البلطجية ولاد .... دول

امبارح كان طريق البحر واقف من اول سان ستفانو لغايه دووران المحروسه وانا بلف من دوران المحروسه ورايح سيدى جابر لقيت ناس كتير راجعه عكس اتجاه ملاكى وميكوباس وتاكسى فوقفت عربيتى بالعرض ونزلت وقلت للناس الللى راجعه محدش هيعدى عكس اتجاه بالذوق او بالعافيه ( ومخفتش حد يضربنى بمطوه ف بطنى)
ف الاول كنت واقف لوحدى وبعدين لقيت راجل كبير ف السن جه معايا وبعدين اتنين شباب وبعدين واحد ركن العربيه وفيها زجته ووقف معايا
فشلت عربيتى وركنتها عدل وابتدينا نمشى الدنيا المنظر كان رائع بجد

اقتباس:

---

المشاركة الأصلية كتبت بواسطة sharky

احييك جدا على موقفك الايجابى فى موضوع البنك

بالنسبة لموضوع الميكروباص نفس اللى حصل معايا فى عباس العقاد
بس العكس ان الظابط ماقلوش حاجة و لما جيت جنب سواق الميكروباص فى الشارع بقوله الناس عملت ثورة و طهرت البلد من الفساد علشان نصلح بلدنا فى كل حاجة و منها اخلاقنا و سلوكنا و المرور
لقيته بيقوله بلا ثورة بلا نيلة الكلام دا ليكو يا بتوع النت
احنا الثورة حتخلينى امشى بكيفى و بطريقتى و اى حد مش عاجبه سواقتى مالوش عندى غير جزمتى !!!

بجد فئة عايز الحرق فى مصر

ربنا ينتقم منه اللى اداهم ترخيص ينزلوا فى الشوارع و وبظوا المرور فى مصر

---

دا ملهوش عندنا غير الجزمه القديمه
دا احنا شيلنا (الفرعون ) بحاله مش هنقدر على شويه صيع دا احنا نلم بعضنا وننزل لهم المواقف بتاعتهم نضبطها زى ما الكتاب بيقول
ملحوظه
انا جنبى ف الشغل موقف ميكروباس كله بلطجيه ومسجلين جرائم نفس
لما الجلاله بتاخدهم بنلم شباب الحى كله بالطوب والشوم ونلغى الموقف خالص (كل سواق بيخاف على عربيته من التكسير ) والركاب بيروحوا يركبوا من مكان تانى
وبيجوا السواقيين يبوسى الرجلين قبل الادين عشان نسيبهم يحملوا

اقتباس:

---

المشاركة الأصلية كتبت بواسطة Ralliart

احييك على الموقف الأول
بالنسبة لموضوع عكس السير
امبارح كان في ملاكي ماشي عكس وقفت في وشه والراجل كان عمال يتنطط في مكانه وبيزعق وبيشتم قلتله اعمل اللي تعمله مش هسيبك تكمل الشارع عكس وكان في عربيات تانية وقفت ونزلو هزقوه وخلوه يلف ويرجع تاني

المفروض الحل يكون باستمرار اللجان الشعبية مع المرور لحد ما نظبط الناس دي لانهم عندهم مرض اسمه مخالفة القانون ولازم يكون في آلية واضحة للمخالفات ويزودو افراد المرور بافراد شرطة عسكرية ويا ريت يحطو كاميرات في عربيات الشرطة زي أمريكا علشان الاشاعات والكلام بتاع الحكومة دائماً غلطانة
وبصراحة أنا بلوم كل اللي كانو راكبين مع السواق الغبي ده انا دايماً لما بكون راكب مع واحد ويخالف بناقشه لحد ما اعرفه غلطه حتى لو كان بلطجي بيكون في منهم ناس جدعان جداً وبيعترفو بغلطهم بس مشكلتهم انهم متربيين غلط من أهاليهم ومن الحكومة

---

:B4_388::x1[1]::B4_388::x1[1]::B4_388::x1[1]: