استقالة محافظ الإسكندرية عادل لبيب

**ahmed2y** · 25-02-2011 01:10 PM

اية حكاية الرصيف دى

**yascro** · 25-02-2011 02:29 PM

المشاركة الأصلية كتبت بواسطة aly_hosny

من غير ضرب
انا معرفش الاسكندرانية كارهينه كدا ليه
كل المحافظات ال راحها الناس اشادت بيه و بال عمله

ماشى من غير ضرب
هو لما يروح بلد مفيهاش بنيه تحتيه ويظبطها يبقى راجل تمام
انما لما يدغدغ اسكندريه كلها عشان يظبطها
يا راجل دا بلط رصفان اسكندريه بلاط زى السيراميك كان الناس بتتزحلق لما تمشى عليه وبعد كده كسره تناى ورصفه بلاط عادى (كله على حساب صاخب المحل) وبعدين عمل00000000000000000000000000000000000000000000 00000000000000000000000000000000000000000000000000 0000000000000000000000000000000

**otefa** · 25-02-2011 02:38 PM

دياب أنا ما أعرفش حاجة عن الراجل بس ممكن تديني فكرة ليه كارهينه كدا وأيه ردك على التعليق ده
مقتبس من مصراوي........تحياتي

--------------------------
بما إننا فى عصر الديموقراطيه!

أحب أقول أنا من مواطنى الاسكندريه، والناس اللى بتقول فى ستين داهية يمكن لها أسبابها الخاصه، ولكن أحب أقول إن كل واحد يريد أن يفعل ما يشاء وعلى هواه دون محاسبه من أحد، من يريد أن يجلس فى عرض الشارع يبيع فاكهه أو شويه فليات وبنس شعر واللا ايشاربات ومش مهم الطريق يتقفل واللا يطلع روح اللى جابه، مش مشكلته، يقولك عايز استرزق، فطبعا لما يجى واحد زى عادل لبيب ويقوله لأ تقعد فى حته معينه يبقى عادل لبيب كخه ويروح فى ستين داهيه، واسألوا الباعه فى شارع القاهرة وسوق الثلاثين وميدان الساعه فيكتوريا، وسوق باكوس، على فكرة أنا لا عندى عربيه ولا بحب لبيب من أصله، هذا علاوه على الحراميه اللى بيبنوا من غير تراخيص عمارة 15 دور فى شارع لا يتعدى عرضه 8 متر ويجى عادل لبيب يقول لأ تبنى مره ونصف عرض الشارع حسب القانون اللى مش هو اللى وضعه، يبقى عادل لبيب يروح فى مصيبه! اللصوص والبلطجيه والهبيشه بتوع التكاتك والمشروع، اللى بيقسموا الشارع على ثلاثة أجزاء من مصلحتهم عادل لبيب يروح فى داهيه، لما يمشوا عكس الاتجاه واللا يقفوا فى أى حته ويعملوا لهم مواقف عشوائيه فى أى مكان ومش عاجبهم تتصادر عربياتهم وتوضع فى الحضانه عشان تفقس يبقى عادل لبيب يروح فى مصيبه، غلطة الحضانه هى القائمين عليها وليس عادل لبيب لأن كلاب الشرطه المسيطرين عليها دونما حساب ولا رقيب هو ما أخرج الفكرة من مضمونها، نفس الخطأ بتاع أمناء الشرطه عندما أحضر التجربه شعراوى جمعه من أمريكا لتطبيقها فى مصر، ولكن بخروج شعراوى جمعه من الوزاره تحولت إلى شىء مشوه ليس له معالم وخلقت الإمبراطوريه بتاعه الذئاب المسماه أمناء شرطه. مره أخرى أنا لا عندى عربيه ولا بحب عادل لبيب لأنه يدين بالولاء لحوستى مبارك لأنه كان رئيس الحرس الخاص بتاعه لما انضرب عليه نار فى اثيوبيا. ولكن ليس هذا هو سبب عدم حبى له، السبب الرئيسى هو إنه كضابط شرطه سابق واخد داء العنطظه والغرور وفاكر نفسه مافيش حد زيه. ولكنه بشر له أخطاؤه وحسناته.
أما عبد السلام المحجوب فهو لا يصلح أيضا، لأن فى عهد هذا المحافظ اللى باع شواطئ اسكندريه لكل من هب ودب واللى يقدر يدفع أكثر واللى واصل لفوق للست وجوزها وأصبحت شواطئ الاسكندريه محرمة على أهلها يقدر يعرف ان عبد السلام المحجوب لا يصلح كمحافظ، الموضوع عنده شيلنى واشيلك، ولم تشهد الاسكندريه فى عهده غير الكورنيش ونظافه شريط السكة الحديد على طول خد أبو قير، له حسناته وله الكثير من السيئات ايضا، نريد محافظ يخاف الله ويراعى ضميره وسط هذا الكم الهائل من فاقدى الضمير.

**viper911s** · 26-02-2011 12:36 AM

بص يا بشمهندس
انا بنسبالى ضرنى فى مسئلة البناء اصبح مينفعش ان ابنى شقة ليا فى بيتى بسبب قرارة
وبالتالى سعر الشقة فى المكان العادى جدا اتحول من 50 او 55 لشقة مساحتها 75 الى 85
لسعر 150الى 180 واخر سعر سمعتة فى نفس الشقق دى 270
وبالتالى توقف حلمى فى امتلاك حياة خاصة
النقطة الثانية
الحضانة شىء عجييييييييييييييييييييييي ييييييييب والمحافظة الوحيدة الى بطبقة
ضررها عليا ان قريبى عندة عربية اجرة وكل فترة لازم تتمسك وعلى طول حضانة هتقولى اكيد هو غلطان هقول احتمال بس مش كل حاجة غلط يبقى حضانة يعنى الى انا اعرفة ان الحضانة دى علشان لو العربية مفيهاش رخصة او رخصة السواق منتهية
مش هقول غير ان ظبالط المرور بيكتبو الى هما عاوزية فى الورق وبيهددك بالحضانة وطبعا علشان العربية تخرج كام الف جنية غرامة
ثالثا
سكان قنا قالو الراجل زى الفل وطور المدينة وظبطها
دمنهور بيدعوا علية كل يوم لحد النهارة بسبب الى عملة فى الشوارع والى المحافظ الى بعدة عمال يصلح فية من ساعتها 4 سنين
دة كلام ناس من دمنهور هى قالتلى ان الشوارع لسة مدمرة (ياريت لو حد يأكدلنا )
اسكندرية الراجل كسرها كلها مرة واحدة علشان يسفلت ويعمل رصفان طبع الطرق كانت سليمة لاان المحجوب سفلت مرتين مرة اول ما مسك ومرة قبل ما يمشى ب6 او 7 شهور تقريبا فكان مظبوطة جة الاخ العزيز
وكسر كل اسكندرية وبدأها بخط البحر علشان يوسعة وبعدين عمل ارصفة داخل الاسكندرية عالية جدا على المواطنين
طبعا لو شوفت اسكندرية من الداخل سيبك من البحر والجو دة هتعرف انا بتكلم عن اية
بخلاف كل الى اتعاملوا معاة قالو انو متكبر ومش عاجبة حد وقليل الادب

ارجو اكون وضحت لحضرتك وجهة نظرى من الشخص دة
مع كامل احترامى لحضرتك

**otefa** · 26-02-2011 12:43 AM

كده الصورة وضحت زمته واسعة وقارف الناس لشكرا لحضرتك ومبروك عليكم وأن شاء الله ألي جاي يكون أفضل
تقبل تحياتي

**yascro** · 26-02-2011 01:23 PM

بص يا محمد مفيش حد بيحب عادل رصيف ده خالص عشان هو كان ال000 الوفى لمبارك

**viper911s** · 26-02-2011 04:19 PM

المشاركة الأصلية كتبت بواسطة yascro

بص يا محمد مفيش حد بيحب عادل رصيف ده خالص عشان هو كان ال000 الوفى لمبارك

100 100 يا ديبو بالظبط زى ما انت قولت

**shaddadfalcon1** · 26-02-2011 04:55 PM

هو شكله كان عايز يعمل حاجه كويسه بس عملها بغباء
يعني اللي عايز يظبط يقوم يظبط حته حته مش يقوم شايل كل الارصفه اللي في البلد وعقبال مايعدي عليهم تاني يكون فات سنه ولا اتنين طيب ماكنت سبتهم وخلاص
طول عمري بشوف الرصيف مليان رمل وفي الأخر يتحط عليه البلاط اللي بيبقي من غير اسمنت لكن ده ازاي خلي كل الارصفه تتملي مونه وزلط ولما يحصل غلط وبيحصل دايما بييجبو ناس تفضل تكسر وتصدع دماغ السكان بالأسبوع

الطرق سواء نظيفه او لا يقوم عاملها كلها بالمكنه اللي بتشيل الاسفلت وتتساب بالسنه بايظه وكلها حفر

ياراجل ده انا ساعات كنت ببقي ماشي في سموحع الاقي 10 متر من الأسفلت مكشوطين وتفضل اسبوع ولا اتنين وبعدين يترصفو تاني ومش عارف ليه حاجه زي دي بتتعمل

ناهيك عن الأغبياء بتوع الغاز اللي مفيش شارع دخلوه الا واتحول اراضي زراعيه بالطول والعرض انفاق والله والعربيه بتبقي بتشتكي

منه لله علي اللي عمله في البلد
ده بني ادم حافظ مش فاهم

**viper911s** · 27-02-2011 12:14 AM

المشاركة الأصلية كتبت بواسطة shaddadfalcon1

هو شكله كان عايز يعمل حاجه كويسه بس عملها بغباء
يعني اللي عايز يظبط يقوم يظبط حته حته مش يقوم شايل كل الارصفه اللي في البلد وعقبال مايعدي عليهم تاني يكون فات سنه ولا اتنين طيب ماكنت سبتهم وخلاص
طول عمري بشوف الرصيف مليان رمل وفي الأخر يتحط عليه البلاط اللي بيبقي من غير اسمنت لكن ده ازاي خلي كل الارصفه تتملي مونه وزلط ولما يحصل غلط وبيحصل دايما بييجبو ناس تفضل تكسر وتصدع دماغ السكان بالأسبوع

الطرق سواء نظيفه او لا يقوم عاملها كلها بالمكنه اللي بتشيل الاسفلت وتتساب بالسنه بايظه وكلها حفر

ياراجل ده انا ساعات كنت ببقي ماشي في سموحع الاقي 10 متر من الأسفلت مكشوطين وتفضل اسبوع ولا اتنين وبعدين يترصفو تاني ومش عارف ليه حاجه زي دي بتتعمل

ناهيك عن الأغبياء بتوع الغاز اللي مفيش شارع دخلوه الا واتحول اراضي زراعيه بالطول والعرض انفاق والله والعربيه بتبقي بتشتكي

منه لله علي اللي عمله في البلد
ده بني ادم حافظ مش فاهم

انت بتقول فيها دا انا الشارع عندى بقا خريطة
جامدة جدا مفيش حتة بقا فيها اسفلت والحمد اللة

**frhateg** · 27-02-2011 01:02 AM

شوف يا باشا انا ساكن في سيدي جابر . شال الرصيف من الشارع بتاعنا في نصف رمضان و للآن مخلصشي . كمان الرصيف في اسكندريه كان من حجر البازلت اللي متلقهوش اليومين دول شال الرصيف و عمل رصيف خرسانه عالي جدا و سئ جدا . منه لله و نفسي يكون معايا مستند يدينه باهدار المال العام لأنه ازال ارصفه الأسكندريه و معرفشي وداها فين و عمل ارصفه خرسانيه و ركب في الشوارع بلاط سيراميك اتكسرت كلها و بدلها و طبعا ده اهدار مال عام .