علي فكره ياخ سعدواي اللون الاسود في الياريس تحفه ومدي عربيه وقار وهيبه;););) ربنا يبركلك فيها ويديك خيرها ويكفيك شرها
عرض للطباعة
علي فكره ياخ سعدواي اللون الاسود في الياريس تحفه ومدي عربيه وقار وهيبه;););) ربنا يبركلك فيها ويديك خيرها ويكفيك شرها
يا جماعه اعتماديه العربيه موش معنها جوده انتاج بس لكن انت لازم تحافظ علي العربيه احنا بنشوف في الشارع عربيات قديمه من السبعينات و التمانينات زي البيجو و البيجو استيشن الي شغاله علي كل طرق مصر رغم انها قديمه جدا و مع ذلك ممكن تكون احسن من عربيات جديده في حالتها المحافظه علي العربيه و عمل الصيانه و عدم الاهمال و الكسل في الحفاظ عليها ممكن يعيش العربيه ميت سنه الانسر عربيه جميله و مصنع ميتسوبيشي موش تافه و برده تويوتا موش تافه الفيصل في الموضوع هو الراجل صاحب العربيه محافظ عليها و لا لاء
كلامك ياقائد جميل بصراحه ومحدش يختلف عليه بس للاسف الموضوع مبقاش انك بتعرف تحافظ علي عربيتك ولالا طبيعه الطرق والشوارع في مصر صعبه اوي الحفر والمطبات وخلافه وخلافه وخلافه تخلي اي عربيه بتنهار يعني عاوز اقولك ان النظر للعربيه لقوه التحمل مبقتيش ترجع لقوه الموتور بس لالا
كل إلى معاه ياريس نفسة يركب لانسر لكن
بعض إلى معاه لانسر نفسة يركب ياريس
معلومة جديدة تماما :eek:
يا ريت حضرتك توضح لنا جبتها منين :confused:
لإن كل إللى أعرفه و جاب ياريس مش عايز يبيعها و الدليل شوف المعروض للبيع من الياريس المستعمل قد إيه بعد إنتشارها فى مصر و الإقبال الرهيب على الجديد منها لدرجة إنه بقى بالحجز ؟
على فكرة أنا كان معايا لانسر و بعتها و ركبت ياريس و مش بفكر نهائى أبيع الياريس علشان أرجع أركب لانسر
علي فكره احنا اتكلمنا كتير في الموضوع ده العربيتين زي الفل كل واحد ليه مواصفات واحتياجات معينه علي اساسها بيشوف هيركب ايه وعلي فكره شاركي باشا مش عشان انت بعت اللنسر وركبت ياريس ان كدا الياريس احسن لالا او بمعني اصح ممكن تكون احسن من وجه نظرك انت ...واللي مخلي موضوع الياريس بقي بالحجز اكيد لان الوكيل الوحيد اللي بيجيب العربيات ومن خلاله المعارض والموزعين المعتمدين يعني بصراحه انا مسمعتش عن ياريس خليجي....لكن اللنسر امه لا اله الا الله بتستوردها سواء الوكيل او كتير من المستوردين من دول الخليج وبالرغم من كدا مش متوفره بسهوله زي مانت فاكر ....الخلاصه العربيتين زي الفل
علي فكره ياستاذ هيرو بردو المنتدي لوحده مش مقياس كافي لمقارنه قويه بين الياريس واللنسر....
أظن يا باشا افضل واحد يقارن بين العربيتين إللى معاه الإتنين و لا إيه
على العموم دا مقارنة بسيطة للإتنين (ياريس 1300 لانسر 1300 ) :
الياريس تتمير عنها بالأتى :
1- إستهلاك البنزين
2- النعومة .
3- العفشة .
4- الأوبشنز .
5- دراجات الامان أعلى بناءا على EURO NCAP
6- السحب
7- عدم تأثر السحب عن تشغيل التكييف
8- بالنسبة لى شكل أحلى من اللانسر
اللانسر تتفوق على الياريس فى الأتى:
1- سعر إعادة البيع أعلى لإنتشارها عن الياريس.
2- توافر قطع الغيار أكتر لإن الياريس لسه جديدة .
3- شكل أفضل لنسبة عالية من الناس .
إللى مخلى الياريس بالحجز هو إن الياريس تعتبر الان الأفضل فى فئتها بعد تجربتها و إنتشارها فى مصر و تقدر تتأكد من الكلام دا و شوف المعروض منها فى المستعمل بعد مرور سنتين على نزولها حتلاقى نادر
على فكرة باشا فيه ياريس خليجى بتتباع و ممكن حضرتك تنزل تسأل عليها
و موجودة فى معرض فى مدينة نصر إسمه موتور سيتى و محمد جابر فى مصر الجديدة دا إللى انا أعرفه علشان أنا فى مدينة نصر
طيب يا شاركي الياريس الخليجي اسعارها كام
وبعدين الياريس بتعمل كام كيلو في اللتر
وانا شايف مشكلت الياريس انها غير ثابته علي الطريق كله بيقول كده عليها ليه من وجهه نظرك بما انك من ملاكها , و سلامي الي الجميع