الموضوع: سؤال لمالكي اليارس وياريت الافاده.......؟

بص يا سيدي....ولا تعصب ولا حاجة...دي في الاول وفي الاخر شوية صاج علي حبة بلاستيك..
الياريس ما حدش يقدر يجزم علي انها معمرة عن اللانسر....بمعني ان ما حدش لسة عاش بيها 10 سنين ولا حاجة...
الحكاية كلها تتلخص في ان الياريس هي احدي منتجات تويوتا ...والمعروفة عالميا ...(وطبعا السمعه دي مش من فراغ...وسمعه عاليمة ...وتقدر تدور عليها في اي موقع اروربي او امريكي او كندي)...
تويوتا ليها سمعه جبارة في انها معمرة ويعتمد عليها ...يعني اعتماديتها عالية...
الياريس بالذات...تحتوي علي الموتور بتاع الكورولا 2007 ...وايلي تقريبا موجود من سنة 2003 او 2004 ....يعني موتور بقالة اكتر من 5 سنين شغال في مصر وفي العالم كلة واثبت كفاءة عالية ...وفي نفس الوقت اقتصادية ممتازة...ودي من احد اهم الاسباب ايلي بتخلي اي حد يقدم علي شراء الياريس....لان الموتور دة مش موجود غير في الكورولات القديمة وايلي سعرها النهاردة فوق الـ100 الف جنية ..

يعني لو قارنت الياريس الـ 1300 باللانسر الـ 1300...هاتلاقي ان اللانسر سعرها اعلي حوالي 4 او 5 آلاف جنية ...دة غير ..ان ايلي راكبين اللانسر مش عاجبهم كفاءة محركها ..ولا عزل الكابينة....ولا خشونة العفشة...طبعا في ناس كتير الكلام دة مش حاسة بية ...بس ايلي ركب كورولا قبل كدة فترة طويلة ...بيحس بالفرق مع اللانسر...

انتشار اللانسر...دة لان اللانسر قديمة قوي في مصر...يعني ممكن تقارنها بالكورولا...الياريس اول موديلات منها كانت اخر 2005...يعني ما كملتش 3 سنين في مصر...بس زي ما قولتلك هي بتحل محل الكورولا الـ 1300...
والحمد لله انا لما كنت باشتري ...كنت فين وفين لما باشوف ياريس في المنصورة...
مش عايز اقولك بعد المصرية ما فتحت عندنا ....الياريس بقت زي..الرز...ودة شيء كويس...لانة بيزود الطلب علي قطع الغيار ...وبالتالي بيرخصها...

وبعدين عايز اقولك حاجة ...اي عربية بالعناية ..والاهتمام هاتبقي معمرة...وزي الفل...المهم المعاملة ايلي بتعامل بيها عربيتك....
انا مش عارف لو كنت جربت تسوق الياريس في مشاوير طويلة قبل كدة ولا لا ...بس لو جربت ...هاتحس بفرق في راحة السواقة عن اللانسر...

المشاركة الأصلية كتبت بواسطة timo_crosswind

باشا انا بشكرك علي ردك وانا علي فكره قولت في كلامي بالفعل ان الياريس موتور ناعم وكذلك العفشه يعني مانكرتش الكلام ده بس ده ملوش علاقه اذا كانت السياره معمره او لا ...وبعدين انا معاك ان شركه تويوتا من الشركات العريقه بس مش معني كدا ان اي فئه من تويوتا تكون معمره وابسط مثال تويوتا ايكو اللي فشلت فشل واضح...ومش معنا ان موتور الياريس هو موتور الكورولا انا اليارس هيا هيا الكورولا او بمعني اصح الشئ الوحيد اللي مشترك بنهم الموتور فقط لا اكثر...في ناس قالت ان خامات الصالون جيده وفي ناس قالت سيئه....في ناس قالت وسعه وفي ناس قالت لا...انا قعدت فيها مش واسعه بس مش ده موضوعنا...وبردو حكايه ان قعدت اللنسر مش مريحه بينما الياريس مريحه ملهاش علاقه بانها معمره اولا ....اخر حاجه ان صاج الياريس خفيف جدا جد ا مقارنه باللنسر انا متاكد من دي لاني شوفت الاتنين....وشكرا ولو افتكرت حاجه تانيه هقولها

اولا احب اهنيك على على الموضوع دا الى كان نفسى اعملة:o:D:D
ثانيا انا مش معاك ان تويوتا ايكو فشلت لا دا عندنا الكلام دا بس انا كنت عايش فى السعودية والعربية مثبتى كفاءة هناك دا حتى بيستعملوها تاكسيات و توصيل طلبات :p:D:D:D
ثالثا هوا انت قصدك معمرة يعنى اية مش الموتور بردة ؟ ولو على حاجة تانية فالعربية لسة محدش عرف ان هيا معمرة ولا لا لانها لسة نازلة من سنتيتن تلاتة واعتقد ان مرسيديس عمرا ماتعمل موديل مش فخم(دا حتى الa class فخمة)
ولا فولفو تعمل موديل ضعيف
ولا تويوتا تعمل موديل مش معمر .....وحتى لو مش معمر كان بان فى خلال التلت اربع سنين دول
ولا ميتسوبيشى تعمل موديل وحش ;););)
وعلى فكرة الى بيقول خامات الصالون وحشة يبقى عمرة ما شافها ولا ركبا اصلا
ولو على الوسع اعتقد ...لا تعليق........
واختلاف الراى لا يفسد للود قضية:):)

لا على فكرة محدش قال ان الياريس معمرة اكتر من اللانسر دل يبقا اهبل الى يقول كدا
بس احنا توقعتنا بتقول ان هيا على الاقل هتبقى زيها ....فهى دى وجهة النظر بس وبعدين موضوع ان هيا تنتمى لعائلة تويوتا ففى احتمال 95% ان هيا تبقى معمرة جدا
بس دى لسة مجرد توقعات يعنى الياريس محدش لسة شافها بعد 10 سنسن هتبقى عاملة ازاى

مش شرط إن العربية تكون منتمية لماركة معينة علشان تبقى معمرة
يعني
تويوتا مثلاً فيها بعض الموديلات سيئة جداً في كل حاجة كمان متجمعة خارج اليابان وأعتقد انها اخرها ٦ سنين بالكتير وبعدها تقول لها شكراً وعلى العكس في بعض موديلات من التويوتا معمرة فعلاً ذي الكورولا إلي هي سر شهرة تويوتا أساساً

الخلاصة ماينفعش نقيس كل موديلات تويوتا على الكورولا واوعوا تفتكروا اني متعصب للانسر أنا الحمد لله مش متعصب لأي ماركة نهائي بس ممكن أفضل ماركة عن التانية لأسباب شخصية .

أما عن سر شهرة الانسر في مصر هو إن المصريين دايماً بيتبعوا المثل القديم بتاع إلي تعرفه أحسن من إلي متعرفوش

Thanks
Eng.Sherif Shaker