انت راجل 10/10
خلي الناس تفوق وتفهم وتعرف إن الوسخ والحقير هيفضل طول عمره وسخ وحقير
لابد لهؤلاء الناس ان يعلموا ان الشعب بعد 25 يناير اصبح له كرامة يجب ان تصان وتحترم وان يكون ذلك جزء من ثقافة من يطلق عليهم رجال الامن وللاسف هؤلاء مجرد بلطجية فى ثياب رسمية ليس لديهم ادنى فكرة عن الاخلاق والقيم فضلا عن واجبهم كرجال امن محترفين درسوا فى كليتهم المسماه بالشرطة كل انواع السفالة والتعدى على حقوق الناس واهانتهم بل والتفنن والتلذذ بذلك فصاروا كلهم مرضى بالسادية والبارانويا
ربنا يرحمنا برحمته
الظاهر انه الثورة لم تنتهى بل هى بدأت بالفعل لتطهير البلد من امثال هؤلاء
والله المستعان
يا دكتور أنا ضد البلطجة و الهمجية طبعا من طرف الجانبين سواء الشرطة أو الناس . أنا معاك أنة قال بالقانون بس صدقنى الراجل كلامة و الله أعلم بنيتة و ما فى صدرة بس تحس أنة مش صافى من جواة و فية غل شوية . أنا ضد أن الناس طبعا تضرب فى الشرطة و ضد أن الشرطة تضرب فى الناس مفروض يبقى القانون هو الفاصل بينهم أنا بلوم علية فقط أن خطابة كان حماسى زيادة و للأسف ممكن جدا امين شرطة و لا حتى ظابط مش فاهم يسخن و يقول مدير الامن بتاعنا راجل و حا يحمينا و يتصرف تصرف غبى بعد كدة فكان لازم أن مدير الامن يبقى قدوة و يرفع نفسية ظباطة بس فى نفس الوقت كان يقول كلمة الى حا يتجاوز منكم حا أحسابة حساب عسير علشان ما يفتحوش صدرهم و طبعا لازم الدنيا تهدى شوية لان مهما الناس أختلفت و سواء شائت ام أبت لا يمكن احلال جهاز الشرطة و لا يمكن الموافقة على الطلبات الغريبة الى الناس بتقترحها و برضو لازم يكون هناك رقابة مشددة على افراد الشرطة و يتعاملو مع الناس بصورة كويسة على الاقل يمشو بمبدا ((( أنى لا أكذب و لكنى أتجمل ))) علشان الناس تتقبلهم و مش عاوزين الناس تحتك بيهم و يكون الاحترام المتبادل بين الطرفين هو الى موجود و الى يخالف القوانين من الطرفين يبقى يستاهل الى يجرى لة
أسيادنا!!!!!!!!!!!!!!!!!!!؟
اسياد مين الحراميه المرتشين الى بيقتلو فى اهلهم دووووول!!!!!!!!!!!!!!!؟
الشرطه حالها مش هيتعدل إلا لو لواء جيش أو فريق يمسك وزاره الداخليه هتقولو أزاى هرد واقول هو ده الحل الوحيد الى ممكن يلحق الامن الداخلى لمصر بيه
وعاوز انوه برضو على نقطه ان كان فى ضباط شرطه أتمسكو يوم 28/1وأتعدمو العافيه وكنا بنخلصهم من ايد الناس الى بتضربهم وكنا بنقلعهم لبس الشرطه وبنديهم لبس من عندنا علشان يعرفو يروحو!!!
وكفايه برضو انهم كانو فى العريش وفى سيناء عموما كانو بيقلعو الميرى وبيلبسو جلاليب وبيتلسمو علشان محدش يعرفهم!!
بجد آخر مسخره
انا من اسكندرية بس والدي عنده شقة في دمنهور عشان عندنا ارض هناك و كلام من دا
الراجل اللي حضرتك بتقول عليه عند البنك الاهلي انا سمعت اشاعات كتير عن موته و اقربها الي الواقع انه كان ماشي بمدرعة بيضرب نار و نقيب قوات مسلحة ضربه بالرشاش اللي علي الدبابة في راسه ..و الله اعلم
حاجة لازم اقولها اللي علي الشمال في الفيديو دا اسمه العميد طارق هيكل و دا مدير مباحث امن الدولة و دا كان بيسرق ارض الفلاحين و يسجنهم و خد ارض لواء قوات مسلحة بعد مزرعتنا بشوية و اللواء ماكنش عنده علم و لما عرف راح قاله لفظا (لو مجيتش الارض دلوقتي و ديني و ما اعبد افرغ الطنبجة في دماغك و لا تفرق معايا حاجة )و طبعا خاف رجعلوا الارض و سفلتلوا الحتة اللي قدامه مزرعته محبة كده او بالاحري تملق و عنده فيلا 20 فدان
اما طريق التوفيقية انا معرفش دا فين انا اصلا اعرف البحيرة بالشبه علي ادي بس طريق المزرعة عندنا قبل جناكليس كده مفهوش لمبة واحدة و كله قاطعين طرق و مرة سرقوا حاجات من مزرعتنا و الشرطة بعيدة جدا جدا و لما والدي اتصل بيهم جيه بعدها ب4 ساعات ظابط قال لوالدي يا باشمهندس ابقي جيب كام سلاح من غير ترخيص كده و احمي فلوسك و اللي يموت ابقي اتصل بينا نيجي ناخدهم اصل دول كلاب
فحدث ولا حرج عن الشرطة
طريق التوفيقية بعد كفر الزيات يا فندم وقبل ذلك كانت خطورته الوحيدة الحوادث لانه طريق فردي دلوقت بقت خطورته قطاع الطرق لانك لا يمكن تمشي بالليل لان ممكن تتقتل وتترمي في التوفيقية وعربيتك تتاخد تتفكك ودمتم واقل حاجة تتسرق ويسيبوك تمشي
وجناكليس والنوبارية والتحرير معاكم ربنا اليومين دول
واللي حصل من ظابط الشرطة هو اكتر حاجة يقدر يعملها لانك عارف ان المنطقة هناك جبلية والمركز بعيد جدا ولو حصل هجوم عليكم على ما توصل الشرطة يكون خلصوا عليكم
واوع تفتكر ان ظابط الشرطة بيبقي مبسوط لما يروح منطقة زي دي ابن عمي كان ظابط في منطقة قريبة منك ولما مسك حرامية من الاشكال اللي بنتكلم عنها والمحامي راح ياخدهم من المركز قاله اتكل على الله وروح النيابة بكرة وهي اللى تتصرف معاهم عارف حصله ايه ؟
وهو مروح بعد ما خلص الوردية انضرب عليه بالالي وربنا ستر واتعملت قعدة عرب واهل الحرامية دفعوا اللى حكم بيه المجلس وهو اتبرع بيه للفقرا في المنطقة
ده الفيديو كامل ورصد نشرته برضه
فى 1:54
هتلاقوا الراجل اللى جنبه قاله فيه تصوير
راح هو مغير كلامه
YouTube - ‫ط¯ظ…ظ†ظ‡ظˆط± Segment100 01 40 00 05 01‬‎
بيحاول يصلح اللى قاله فى الاول بس خربها
اهلا بيك يا باشا فعلا عندنا عن المزرعة بلاوووووووي دول بيبتكر افكار للسرقة اخر حاجة واحد بيحكي لوالدي سرقوا ابنه ازاي ....... وهوا سايق سمع واحدة بتصوت بصوت عاالي جدا و بيستنجد الشاب راح نازل من عربيته و بيدور راحو ضربينه علي راسه و سرقوا هدومه و العربية بس مامتش ......عموما اي حد بيسافر علي الطريق دي بيبقي معاه مخزن سلاح و بالذات بتوع الفراخ دول بيبقي معاهم ألي و مسدسات و بلاوي سوداا
متاسف لان شتمت بتوع الشرطة طبعا انا لم اقصد قريب حضرتك البته
بس فعلا الشرطة 98% منهم حثالة المجتمع و اكيد حضرتك عارف
جااااااااااااامدة دي
ادي الراجل اللي كان عايز يسرق فلوس عشان بدل ما يضرب الشرطة بالطوب يضرب المتظاهرين بالطوب
و نعمة العقل و التفكير
لو خاف فعلا كان يقدر ياخد الموبايل ويمسح اللى عليه كله خصوصا انه جوة مديرية الامن
ومن الاول واضح انه شايف اللى بيصور من اول كلمة لان الى يبصور واقف امامه مباشرة
ربنا يسترها معاك ومع الجميع ان شاء الله
وفعلا الشرطة فيها فاسدين زيها زي اي مكان في المجتمع لكن الفساد فيها اكتر لاختلاف طبيعة العمل يعني الطبيب بيتعامل مع مرضي والمهندس بيتعامل مع اصحاب بيوت او مع شركات والمدرس مع طلبة وظابط الشرطة مع مجرمين فطبيعي سلوكه يبقي مختلف
بس النسبة المحترمه والله اكتر من 2% بكتير لكن للاسف السيئة بتعم والحل فعلا تطهير الجهاز من السئ اللى فيه ويبقي فيه رقابة دايمة انما ان ظابط الشرطة يبقي نازل من بيته عارف ان ممكن اي حد يقتله لمجرد انه ظابط شرطة دي كارثة للمجتمع كله مش نقول نلغي الشرطة خالص او ينضربوا بالنار زي ما ناس قالت هنا