الموضوع: (مفيش فااايدة) مدير امن البحيرة يسب ويتوعد الشعب بقطع اليد والاعتقال

المشاركة الأصلية كتبت بواسطة dr-mohamed

هشام بيه لا تنسي ان 5 منهم اتقتلوا لانهم كانوا رايحين يدافعوا عن بنك ضد اللصوص والعربية بتاعتهم اتخرمت علشان يحموا البلد فطبيعي يبقيفيه حالة نفسية تحت الصفر ويحاول يرفعها باي طريقة
ولاحظ انه قال بالقانون يعني مش بلطجة
والله فيه قلق على الطريق في البحيرة فوق ما تتخيل لدرجة انى رجعت النهاردة ومكملتش السفر لانى هوصل بالليل
اي مجرم او مخرب يتضرب بالجزمة زي ما قال
وبعدين ليه لما كانت الناس عاملة لجان شعبية وبيمسكوا حرامي كان بيتقطع في الشارع وبيتربطوا في العواميد ودلوقت زعلانين من انه اللى يمد ايده عليهم هايطقعوها له
وهل المطلوب يقولهم لو الناس مدت ايديهم عليكم سقفوا لهم واعملوا لهم محصر ؟؟؟؟

يا دكتور أنا ضد البلطجة و الهمجية طبعا من طرف الجانبين سواء الشرطة أو الناس . أنا معاك أنة قال بالقانون بس صدقنى الراجل كلامة و الله أعلم بنيتة و ما فى صدرة بس تحس أنة مش صافى من جواة و فية غل شوية . أنا ضد أن الناس طبعا تضرب فى الشرطة و ضد أن الشرطة تضرب فى الناس مفروض يبقى القانون هو الفاصل بينهم أنا بلوم علية فقط أن خطابة كان حماسى زيادة و للأسف ممكن جدا امين شرطة و لا حتى ظابط مش فاهم يسخن و يقول مدير الامن بتاعنا راجل و حا يحمينا و يتصرف تصرف غبى بعد كدة فكان لازم أن مدير الامن يبقى قدوة و يرفع نفسية ظباطة بس فى نفس الوقت كان يقول كلمة الى حا يتجاوز منكم حا أحسابة حساب عسير علشان ما يفتحوش صدرهم و طبعا لازم الدنيا تهدى شوية لان مهما الناس أختلفت و سواء شائت ام أبت لا يمكن احلال جهاز الشرطة و لا يمكن الموافقة على الطلبات الغريبة الى الناس بتقترحها و برضو لازم يكون هناك رقابة مشددة على افراد الشرطة و يتعاملو مع الناس بصورة كويسة على الاقل يمشو بمبدا ((( أنى لا أكذب و لكنى أتجمل ))) علشان الناس تتقبلهم و مش عاوزين الناس تحتك بيهم و يكون الاحترام المتبادل بين الطرفين هو الى موجود و الى يخالف القوانين من الطرفين يبقى يستاهل الى يجرى لة

أسيادنا!!!!!!!!!!!!!!!!!!!؟
اسياد مين الحراميه المرتشين الى بيقتلو فى اهلهم دووووول!!!!!!!!!!!!!!!؟
الشرطه حالها مش هيتعدل إلا لو لواء جيش أو فريق يمسك وزاره الداخليه هتقولو أزاى هرد واقول هو ده الحل الوحيد الى ممكن يلحق الامن الداخلى لمصر بيه

وعاوز انوه برضو على نقطه ان كان فى ضباط شرطه أتمسكو يوم 28/1وأتعدمو العافيه وكنا بنخلصهم من ايد الناس الى بتضربهم وكنا بنقلعهم لبس الشرطه وبنديهم لبس من عندنا علشان يعرفو يروحو!!!
وكفايه برضو انهم كانو فى العريش وفى سيناء عموما كانو بيقلعو الميرى وبيلبسو جلاليب وبيتلسمو علشان محدش يعرفهم!!
بجد آخر مسخره