الموضوع: فيديو لام ضابط المعادي وهي تصرخ عليه ..دعوه لمناقشة اوضاعنا

المشاركة الأصلية كتبت بواسطة moudy88

وهل حضرتك شفت كل اللجان الشعبيه اللي في البلد ؟؟؟ وهل انا اقصد كل اللجان الشعبيه اللي في البلد ؟؟ وهل حضرتك تضمن ان كل اللي اتمسكو حراميه بجد ولا فيه نسبه منهم مظلومين؟؟
وهل دينا الاسلامي الحنيف بيقول اننا نشرح ونقتله او نعذبه ؟؟

انا شخصيا هحكيلك موقفين اخواتي كانوا شاهدين عليه ..في المريوطيه في الهرم ...اولهم واد عنده 17 سنه سواق تك تك كان ماشي يوم سبت الرعب ..ومكانش معاه حاجه والواد كان بيعدي على 5 -6 لجان في الشارع واخر مازهق حب يخرم في شارع جانبي والناس شافوه وطلعو يجرو وراه وبيندهو حرامي حرامي ..وطبعا مسكوه وطحنوه ضرب وشوهوه وجه واحد جارنا شاب متعلم زينا ومن غير لما يسأل او يستفسر راح ضاربه بالشومه على رجله وكسرهم ..
ده غير شاب من شباب اللجنه دلق عليه بنزين ومسك الكبريت ومستعد انه يولع فيه زعمالي يسألهم ..اولع دلوقت ..اولع دلوقت

ولما اخواتي شافو المنظر جريو هما وكام واحد من المنطقه ..وخلصوه من بين ايديهم ودخلوه مدخل العماره وقفلو عليه لحد ما جابو اهله علشان ياخدوه ..والولد طلع ممعهوش حاجه ..وحتى لو كان معاه ..هل كان يستحق الحرق بالنار ؟؟؟

وتاني حكايه ..برضه في نفس المنطقه في شارع اسمه العمده ..عربيه نوبيرا سايقها ضابط في الجيش ومعاه العسكري بتاعه ..وخبطو ولد صغير كان بيلعب في الشارع ..الضابط نزل علشان يشوفه هو والعسكري بتاعه لقى الاهالي بتهجم عليه بالسيوف والسكاكين حاول يهرب لكن واتضرب هوا والعسكري بتاعه واتقطعو

وفي بنها صاحب صاحبي ..شاف اتنين بيضربوا في بعض افتكر واحد فيهم حرامي ونزل بالشومه على راسه ...وفي الاخر طلعو اتنين اصحاب وبيتخانقو مع بعض !!!!

هل قانون الغابه اللي بنطبقه ..يضمن ان البني ادم ده مجرم بنسبة 100 %
وهل لو مجرم يبقى حلال اننا نعمل فيه مالا يرضاه ديننا الحنيف ؟؟

طالما كان فيه سلطه حاكمه وهي الجيش ..يبقى احنا مهمتنا الوحيده هي القبض على المشتبه فيهم وتسليمهم ..وليس الحكم عليهم

انت كاتب فوق عن المجرمين, بتتكلم دلوقتى عن الناس الى بتتخانق و الى كانت بتتمسك بالغلط ليه!!, و مطلعنى فى اسلوب كلامك انى كنت فرحان فيهم او انى شايف الى حصلهم صح, و بعدين شتمت كل واحد كان بيضرب المجرمين فى اللجان الشعبية و قلت عنده مرض السادية, طب المفروض كنا نتصرف ازاى لما مكنش فى شرطة ولا جيش و المساجين و البلطجية بيطلعو علينا, و هقولها تانى و ده رايى الشخصى الى يسرق او يبلطج فى وقت زى الى كانت البلد بتمر بيه يستاهل اكتر من كده كمان, طبعا بتكلم عن المجرمين علشان متجيش تقولى و احد اتخانق مع واحد موته من الضرب.
وربنا يسترها علينا جميعاً.

وللاسف كنا بنطالب بتغيرالحكومة بس بجد فى ناس كتير من الشعب لازم يتغير