الموضوع: جمارك السيارات فى مصر

اولا انا شايف ان لو الجمارك بتاعت مصر بقت جمارك عاديه يعنى مش جبايه عدد العربيات فى الشارع مش هيزيد اوى زى مانتوا متخيلين هو بس اللى هيحصل هو تغير نوعيه العربيات يعنى النهارده مثلا اللى معاه 10 الاف جنيه يقدر يركب عربيه 127 او بولونيز و هكذا لكن ساعتها هيقدر يركب عربيه سبارك ولا فيرنا و ده فى حد ذاته شىء كويس
طبيعى ان عدد العربيات هيزيد لكن فى نفس الوقت ماهو بيزيد كل سنه طبيعى يبقا اشوف حل منطقى مش احرم الشعب من العربيات المحترمه
انا كمصرى من حقى انى متسرقش يعنى الناس كلها فى العالم بتركب عربيه معينه ب 15 الف دولار يعنى ما يوازى حوالى 80 الف جنيه انا عندى بركب نفس العربيه هى هى ب 160 الف جنيه يعنى الضعف و كمان العربيه بتجيلى ناقصه كماليات و موتور اقل الكفاءه و ده سببه تحالف بين حراميه العربيات التجار الكبار و الحكومه
و بعدين فى ناس بتطلب ان الضرايب تزيد و ان الجمارك تفضل زى ما هى جبايه عشان البلد تطلع من المشكله الأقتصاديه اللى هى فيها و انا طبعا نفس البلد تطلع من المشكله بس انا بصراحه حاسس ان الموازنه العامه بتاعتنا فيها لعب كتير يعنى انا شايف ان ايرادتنا اكتر بكتير من اللى كان بيتكتب فى الموازنه + طريقه توزيع الموازنه كانت غلط يعنى فى فلوس كتير كانت بتروح مرتبات بالملايين لشويه حراميه و فلوس بتهدر و اراضى بتتنهب لو الحنفيه بتاعت الفساد دى وقفت انا متأكد ان الشعب ده هيعيش ملك و بعدين انا مش بطلب ان الجمارك تتشال لكن بقول انها لازم تتقنن يعنى 10 % او 15 % كويس و ده بالنسبه للعربيات و غيرها من السلع مش لازم العربيات بس يعنى
يا جماعه احنا بنتسرق من زمان و من حقنا اننا نعيش بقا زى باقى الشعوب بآداميه