تم نشر خبر فى مصراوى عن قيام الجيش بتفريق المتظاهرين من التحرير بالقوة و باستخدام العصى الكهربية مما أدى الى حدوث اصابات. والسؤال هل بدأ الجيش يكشر عن أنيابه؟ ولماذا ؟ هل لأنه زهق من طول مدة بقائه فى المدن؟ أم أنه أصبح غير قادر على السيطرة على كم الاحمال الملقاة على عاتقه؟ أم أنه يرى أطراف تحرك الأحداث فى غير مصلحة البلد؟ أم أنه متواطئ مع مبارك والحفنة الفاسدة السابقة؟
واضح ان شهر العسل بين الجيش و الشعب خلص :(
نه يرى أطراف تحرك الأحداث فى غير مصلحة البلد ........
انا حاسس انه كده .....
ويا رب يكون فعلا كده ......
من كتر الي مطلوب منه خصوصا الطلبات الفئويه
لإن لازم يصلح الأهم فالمهم لكن يبقى هو في الاهم وإنت بتطلب منه حاجات أقل أهميه وبتزن كمان!!!
لأنه شايف أيادى تحرك الأحداث ضد مصلحة الدولة . و بعدين الجيش لا يعرف الياس و لا يتخلى عن مواقعة و لا مسؤلياتة و الناس زودتها و العملية يقت فوضى فى كل حتة و كل مكان دة خراب و دمار للبلد و الناس للاسف لسة بعضهم مش حاسس و لا فاهم و لا فى دماغة و كل فكرة ان الحرية أنة يعمل الى هوة عاوزة و حسب فكرة و منطقة هوة و لا ينظر للصالح العام .
و الجيش عمرة ما يمد ايدة على الانسان المحترم الى بيلتزم بالقانون و لكن لما يكون فية حظر تجول من الساعة 12 مساء الى 6 صباحا و برضو سايبن الناس و مش كاتمين على نفسهم و الناس طماعة و بتستغل كل فرصة لمطلب جديد و معتمدين أن الجيش طيب و سايبهم يبقى يحترمو قراراتة لان لولا نزول الجيش و حمايتة للمواطنين كان زمان الشرطة نهت القصة من بدرى بس لولا تدخل الجيش و تصرفة بحكمة كان بقى فى الامور أمور و لكن الناس بتتجرأ يوم بعد يوم و لكن الجيش برضو متحملهم . أنا لا أعرف من الذى ضرب فيهم لان الروايات مختلفة و الكلام كتير ز بس الجيش لو تعامل مع المدنين لفض اعتصامات بيدى تحذير أول و ثانى و لو ضرب بعد كدة برضو حا يضرب بطريقة ادمية و مش بطريقة همجية
طلبات الشعب كتير قوى علشان دة فساد 30 سنة, و الجيش برضو بطىء فى التنفيذ, أنا بطلت أنزل مظاهرات دلوقتى بس أى حركة نص كم من الجيش بعد كدة هيبقى الرد عليها عنيف
لان كدة المظاهرات دية بقت ضد مصلحة البلد
لازم نسيب الناس تشتغل وبعد فترة نشوف عملوا اية من اللى وعدو بية
ولازم الناس تفهم ان مش كل المطالب تنفع تتنفذ وقتى لازم تاخد فترة على مايتم تنفيذها
بعدين الناس بتطلب طلبات بحجج فى نظرى مش مقنعة يعنى غيروا شفيق عشان اللى معينو مبارك طب شفيق مشهودلة بالنزاهة والامانة وراجل خبرة مدنية وعسكرية
طب سؤالى دلوقتى الناس دية عاوزة كفاءة عملية وللا عاوزة كلام معسول تسمعة ؟؟؟
ولا خيار من هذه الخيارات
الجيش يعني الأمر والطاعة... وقادته لا يفهمون دلع المتظاهرين وإصرارهم على مطالبهم رغم إعلان الجيش تحمل المسئولية عن البلاد. وخطورة هذا الأمر أن يتصور الجيش أن الشعب منحه توقيعا على بياض للتصرف كما يشاء، فتحدث كارثة مارس 1954 ثانية وتعود البلاد إلى الديكتاتورية مرة ثانية.
في رأيي كان الإصرار على الاعتصام من قبل المتظاهرين خطأ ... لقد ذهبت إلى هناك في الصباح وكانت الصورة غاية في الروعة إذ كان الجيش يقوم بما كانت تقوم به لجان النظام من تفتيش وتنظيم للدخول، حتى أنني ولأول مرة أرى جنديات القوات المسلحة في حياتي، إذ كانت هناك جنديتان على كل مدخل ترتديان الملابس المموهة لتفتيش البنات والسيدات، كما أقفل الجيش كل مداخل الميدان استعدادا للمظاهرات، الخطأ من جانب اللجنة المنظمة هو الدعوة للاعتصام مرة ثانية، وهي مبالغة في رأيي، وهي السبب في قيام الجيش بفض الاعتصام خوفا من عودة الشلل إلى اقتصاد البلد ثانية. المظاهرات كل جمعه معقولة ومقبولة أما الاعتصام فلا داعي له.
لذلك أنا أختار أن الجيش قرر فض الاعتصام خوفا من عودة الشلل لاقتصاد البلاد لكنه كان مرحبا بالمظاهرات بدليل ما رأيته في الصباح.
الجيش حالياً فتح الميدان وقال اللي عايز يخش يتفضل
اللي حصل محاولة لاثارة الناس ضد الجيش واكيد هيصدر بيان لتوضيح الموضوع
اقتباس:
المشاركة الأصلية كتبت بواسطة moe86
استاذى انا بس عندى تعليق صغير
حضرتك بتقول انه فساد 30 سنه والجيش بطيء وانا مش بخالفك بس لما صبرت 30 سنه مش قادر تصبر كام يوم وبعدين دا ربنا خلق الدنيا فى 6 ايام واكيد ده لحكمه ورساله ودرس عاوز يعلمهولنا وكان قادر يخلقها فى طرفه عين
وححاول اوضحهالك بشكل تانى
لو عند حضرتك طفل طلب منك كم طلبات كثير وحاجات عاوزك تشتريهاله حينفع تجيبهاله مرة واحده ولا واحده واحده
ثانياً عاوز حضرتك تفهمنى وتوضحلى يعنى ايه الرد حيكون عنيف ؟؟؟؟
اقتباس:
المشاركة الأصلية كتبت بواسطة ralliart
يا رب يكون كلامك صح ،،
و ده الإختيار اللي كان نفسي يكون في الإستطلاع
محاولة وقيعةة
لان مبارك لسه فى الحكم
او بمعنى ادق سياسه مبارك لسهه موجوده
ولو الشعب ليس مستعد للدمقراطيه فالنظام ميعرفش عنها حاجه اصلا
ازاى حضرتك يعنى بتوع الحزب الوطنى لبسو لبس جيش ودخلو فضو المظاهرات والاعتصاماتاقتباس:
المشاركة الأصلية كتبت بواسطة ahmed anwer
ده حتى لو حصل يبقى عيبه فى حق الجيش
ولا حيطلع الوزير يقول اصلى مكنتش اعرف الى حصل زى موقعه الجمل
الجيش حاليا هو الى بيحكم البلد و الجيش مالهوش دعوة بالفساد الى كان موجود لآنة غير مشارك فى الحياة السياسية و مش ممكن ينفذ كل الطلبات فى نفس الوقت لان أى طلب لازم يتخذ فية قرار بعد دراسة و تفكير و ألا تبقى قرارات غير مدروسة . و ما ينفعشى بأى حال من الاحوال أن لو الجيش جدلا عمل حركة أن الناس ترد علية رد عنيف ما ينفعشى . طب من الاول كدة ما كان ساب الشرطة و الناس يضربو فى بعض و لمنة حسم الموقف لصالح الشعب . دلوقتى الناس حا تقلب على الجيش هو كمان .مينفعشى الجيش بيدلع الناس و بحترمهم بس الجيش مش ممكن أبدا حد يركب فوقة و يمشية و مينفعش نقول للقوات المسلحة حا نرد عليهم رد عنيف لآن أصل العنف المقنن هو الجيش و القوات المسلحة بس عنفة بيكون للعدو و للمخربين و ليس الشعب السلمى الى مش بيخرب و لا بيوقف البلد و عاوز يدمر الاقتصاداقتباس:
المشاركة الأصلية كتبت بواسطة moe86
اقتباس:
المشاركة الأصلية كتبت بواسطة heshamzaky
أنا معاك بس إيه سر تمسك الجيش بشفيق؟ للعلم أنا شايف انه راجل كويس والله أعلم وأتمنى بقاءه؟ بس إذا كان الجيش غير معظم الوزراء ارضاءا للمتظاهرين فلماذا لم يغير شفيق ووجدى بتاع الداخلية حرصا على انهاء حالة التوتر. واظهارا لحسن النوايا. صحيح شفيق كويس لكن فى ناس كتير برده كويسة؟
يا ريت حضرتك توضح معنى كلمة رد عنيفاقتباس:
المشاركة الأصلية كتبت بواسطة moe86
لأنك كده بتحرض الناس على الجيش
منتظر رد حضرتك طالما أن ده رأيك وأنت مقتنع بيه مش حتسكت وهترد
يعنى الجيش سمح ونظم المظاهرات لكن رفض الأعتصاماقتباس:
المشاركة الأصلية كتبت بواسطة د.أبونضال
مين فى المنتدى موافق على الأعتصام
لسه فيه ناس مقتنعه بالكلام دهاقتباس:
المشاركة الأصلية كتبت بواسطة misoalex
أنا شايف أن الجيش غير الوزرا لمصلحة البلد مش أرضاء للمتظاهريناقتباس:
المشاركة الأصلية كتبت بواسطة mahmoud saloum
وبالتالى لو شايف شفيق كويس للمرحله دى مش هيغيره
يعنى مراتك أو أبنك لما بيطلب حاجه وأنت شايفها ضرر على الأسره هتعملها ولا لأ
ولما أخوات مراتك يقولولك أنت صح هتمشى ورا كلامها ولا لأ
مع العلم أنها نيتها كويسه ومش عايزه تهد البيت بس أنت شايف اللى هى مش شايفاه ومش عارف تقنعها بوحهة نظرك
السبب أهه
http://www.alwafd.org/index.php?opti...%A8&Itemid=409اقتباس:
فى حادثة هى الأولى من نوعها منذ اندلاع ثورة يناير, قام مجهولون بالتحرش بناشطة سياسية, وتمزيق ملابسها بالكامل, بعد أن صعدت للمنصة بميدان التحرير مساء اليوم, وطالبت باعتصام مفتوح أمام مقر أمن الدولة بالجيزة الشهير بـ " جابر بن حيان ". ونددت بتصرفات الجهاز الذى حاول – كما قالت- تجنيدها لتفتيت عضد الثوار بميدان التحرير, وعمل محاضر تحرش ضد أشخاص منهم, ومحاولة التحرش بضباط الجيش للوقيعة بين الجيش والمتظاهرين, وأوضحت أنها رفضت كل ذلك.
وعندما بدأت تتحدث عن أن الحزب الوطنى ما زال يحكم, ويجب تطهير البلاد منهم تحرك نحوها مجهولون بأعداد كثيرة وبشكل منظم, وصعدوا المنصة, ومزقوا ملابسها بالكامل, وفروا هاربين.
وعلى الفور أتت قوات الجيش, وأحاطت بها, ووضعوها بالدبابة , وفرقوا المتظاهرين بإطلاق نار بالهواء, وانتظروا الإسعاف التى أخذت الفتاة, لنقلها للمستشفى بعد أن تعرضت لحالة إغماء بعد ما حدث.
وقد نجحت قوات الجيش بإلقاء القبض على أحد المتحرشين, وأبعدته عن المتظاهرين قبل أن يفتكوا به .
لواء جيش يريد وقف المنصة بالقوة و عند الرفض يهدد بضرب المتظاهرين
YouTube - ‫ظ„ظˆط§ط، ط¨ط§ظ„ط¬ظٹط´ ظٹظ‡ط¯ط¯ ط§ظ„ظ…طھط¸ط§ظ‡ط±ظٹظ† ط¨ط§ظ„ظ‚طھظ„‬‎
مطاردت افراد من الجيش امس للمتظاهرين والمعتصمين فى الساعات الاول من الليل امس
كدة فى حاجة غلط كبيرة بتحصل دة غير ان فى اخبار مأكدة عن هروب اموال طائلة عن طريق المطارات الخاصة فى مطار القاهرة
YouTube - ‫ط§ظ„ط¬ظٹط´ ظٹط¶ط±ط¨ ط§ظ„ظ…ط¹طھطµظ…ظٹظ† ظˆظٹط³ط.ظ„ظ‡ظ… ظˆظٹظƒظ‡ط±ط¨ظ‡ظ… ط¹ظ†ط¯ ظ…ط¬ظ„ط³ ط§ظ„ط´ط¹ط¨‬‎
الجيش يعتذر :
تحية للجيش المصرى العظيم
http://a4.sphotos.ak.fbcdn.net/hphot..._3838191_n.jpg
اقتباس:
المشاركة الأصلية كتبت بواسطة wahba87
اجراء مش بطال. بس هيا الشرطة هيا هيا سواء كانت مدنية أو عسكرية ؟؟؟؟
بجد احترم واثمن اعتذار الجيش...ووعده بعدم تكرار ما حدث...
الله ينور
رجال الجيش بشر ....
وواخدين إدارة الدولة كلها دلوقتى ...
و حماية البلد داخليا ..
و حماية البلد خارجيا ...
و طوارئ بسبب أحداث ليبيا و إحتمالية التدخل العسكرى فى حالة إستهداف المصريين هناك ...
إرحموهم يرحمكم ربنا!
حا أقولك السر من وجهت نظرى الشخصية التى تحمل الخطأ أو الصواب . الجيش عاوز البلد تستقر و الدنيا تمشى بسلاسة حتى يحين موعد تسليمها للسلطة المدنية و عاوز واحد عاقل و حكيم و يقدر يحل الازمات و يكون الجيش واثق فى نزاهتة أنا بتكلم عن أحمد شفيق تحديدا و لكن الداخلية ما أعرفش أى حاجة عنها و لا أضمنها و لكن الفريق أحمد شفيق رجل عسكرى سابق يعنى رجل نظامى و يعرف معنى كلمة الألتزام بالوعد و الشرف العسكرى . و طالما الجيش واثق فية يبقى تأكد أن الشخص الى الجيش بيثق فية محل ثقة لان الجيش بيقول راية و كلمتة بناء على دراسة و لة القدرة على أتخاذ التدابير اللازمة و الرأى الاصوب و ذلك بناء على تقارير امنية من جهات رقابية تعمل على اعلى مستوى و تقوم بأستطلاعات و تحريات غاية فى الدقة و مينفعشى أن لو الناس قالت بلاش شفيق و غيروة المجلس يغيرة علشا مثلا شكلة مش عاجب الناس لان دة أسمة فرض رأى بالقوة و الجيش مش بيحب حد يلوى أيدة بالشكل دة . بالنسبة لوزير الداخلية لو عمل تجاوزات يتغير ماشى بس برضو لازم ياخد فرصتة لاثبات حسن نيتة و دى لا يعلمها الا الله و هناك فارق كبير جدا جدا جدا بين شخصين أحدهم خلفيتة خلفية عسكرية زى الجيش و خلفية عسكرية بتاع الشرطة . بتاع الجيش كلمتة زى السيف و دة معروف و لم يخيب ظن الناس من قبل الشرطة و الله ما اعرف أتكلم عنها بنفس الثقة زى بتوع الجيش ما أضمنش تصرفاتهم قوى بس الجيش هو الضامن حاليا بين الشرطة و الناساقتباس:
المشاركة الأصلية كتبت بواسطة mahmoud saloum
للأسف الناس لا تساعد الجيش.
1-قلق عند حدودنا جميعا
2-مظاهرات في الوزارات للاحتجاج علي المرتب
3-السيطرة الامنية مازالت مفقودة
4-مظاهرات كل يوم جمعة توقف حال البلد
5- مشاكل المصرين المزنقين في ليبيا
6-البلد اقتصاديا حالها واقف
و في الاخر تيجي عدد قليل من الناس لا يعبر غير عن نفسهم الان و شاطرين يطلعو في كل برنامج يقولك احنا شباب الثورة و هم لا يمثلو الشباب زاي الائتلاف الثورة المزعوم و يقررو يعتصمو تاني في وسط البلد عشان حالها يتوقف خالص ولما يفرقهم نعادي اسف انا فرحان بالي عمله الجيش وداه الصح كده البلد تتحكم هي مش ميغا و ميدان التحرير مش فسحة
يا metenawy كل واحد حر فى رأيه,
بس الجيش ليه مالغاش قانون الطوارىء و أفرج عن كل المعتقلين السياسيين لحد دلوقتى و قدم القتلة من الشرطة للمحاكمة؟ القرارات دى هتريح الناس و بتمثل 80% من طلبات اللى فى التحرير
لو أخويا كان اتقتل فى التحرير من الشرطة هفضل قاعد هناك لحد ما الزبالة منهم يتحاكموا
اخترت الاختيار الثالث قاصدا به اغلب قيادات الجيش و لا اقصد به عموم الجيش
فالجيش يتكون من الاباء و الابناء و الاخوة و الجيران و ابناء الوطن
اما بعض القيادات فهي تسعي لاستمرار النظام القديم و تهدئة الثورة حتي تحافظ علي مناصبها و مكتسباتها من خلال هذه المناصب للاسف
و يظهر ذلك من خلال المواقف الضعيفة تجاه بعض القضايا المحسومة اصلا و علي راسها قانون الطوارئ و محاسبه شخصيات لا يختلف احدا في مصر علي فسادها
هو اللواء بيقوله اموتك ولا انا سمعت غلطاقتباس:
المشاركة الأصلية كتبت بواسطة wawoo
كل واحد حر في رائيه تقدر حدرتك تعمل مظاهرة عشان تعبر عن رايك في مظاهرة لكن انك تعتصم فا انت كده بتجبرنا علي رايك و دي مش حرية ولا ديمقراطية :_Alshmokh08[1]:اقتباس:
المشاركة الأصلية كتبت بواسطة Moe86
هو أنا مثلا لما أبقى قاعد فى التحرير ليل نهار فى عز السقعة , بيأثر عليك شخصيا فى ايه ؟!!اقتباس:
المشاركة الأصلية كتبت بواسطة metenawy
و بعدين ماجاوبتنيش, قرار زى الافراج عن المعتقلين السياسيين, هايكلف الجيش اية ؟ و فى أصلا حوالى 20,000 مسجون هارب !!
لو قعدت في الحديقة وسط الميدان انت حراقتباس:
المشاركة الأصلية كتبت بواسطة moe86
لو نزلت الشارع وعطلت العربيات والطريق تبقي مش حر وتبقي كدة بتضرني
وحدد مين هما المعتقلين السياسيين اللى تقصدهم
اللى اتقبض عليهم علشان مربيين دقنهم او مشيوا في مظاهرة او زي بدو سينا او زي عبود الزمر بتبحث ملفاتهم وبدا الافراج عنهم لكن شوف لما تفحص ملفات الكل هتاخد منك وقت اد ايه
اللى اتقبضعليهم في تهمة جنائية وكانت دوافعها سياسية اسف مش موافق يخرجوا غير بعد تنفيذ مدة العقوبة زي اللى سرقوا البنك في العياط وغيرهم
وعلى فكرة العدد 20 الف مبالغ غيه
اه صحيح
هو ده هايبقي السبب الجديد للتظاهر 24 ساعة في التحرير لو تم اقالة شفيق ؟؟؟؟؟؟؟
اقتباس:
المشاركة الأصلية كتبت بواسطة misoalex
قلها فعلا يا فندم و لولا ان الناس عملت مش واخدة بلها و طنشت كانت بقيت مشكلة كبيرة جدا