رسالة اعتذار الجيش المصري للشعب برجاء التعليق عليها والمطالبة بتحقيق مطالب الشعب
عرض للطباعة
رسالة اعتذار الجيش المصري للشعب برجاء التعليق عليها والمطالبة بتحقيق مطالب الشعب
الحقيقة أنا علقت على الصورة وطالبت بالآتي
أولا: دستور انتقالي لحين إعلان الدستور الجديد
ثانيا: تشكيل مجلس رئاسي مكون من رئيس المجلس العسكري ورئيس المحكمة الدستورية العليا ورئيس مجلس القضاء الأعلى.
ثالثا: إقالة حكومة الفريق شفيق وتكليف الدكتور الجنزوري بتشكيل حكومة تدير مصر في المرحلة الانتقالية
رابعا: إعلان تشكيل جمعية تأسيسية من 200 خبير قانوني ودستوري ورجال دين واقتصاديين لوضع الدستور الجديد فورا
خامسا: إجراء الانتخابات الرئاسية والبرلمانية في نفس الوقت وفق الدستور الجديد
سادسا: أن يستقيل أعضاء المجلس العسكري ال 19 جميعا من مناصبهم وكذا أعضاء المجلس الرئاسي بعد أن يحلف الرئيس الجديد اليمين مباشرة.
أتمنى أن يدخل الجميع ويعلقوا بآرائهم، البعض ممكن يشتم فينا نحن من نطالب بالتغيير الجذري... عادي هذه هي الديمقراطية.. ادخل وقول رأيك للمجلس العسكري لأن واضح إنهم بيقروا التعليقات فعلا فدي بمثابة استفتاء على مطالب الشعب. ممكن دي تكون طريقة ما تزعلش اخوانا اللي متضايقين من المظاهرات
هرد بالترتيباقتباس:
المشاركة الأصلية كتبت بواسطة د.أبونضال
1- اللى فاهمه أن الدستور اللى بيتعدل دلوقت بيسمح بالانتخابات البرلمانيه والرئاسيه وتم وضع ماده لتعديل الدستور بالكامل بعد أنتخاب رئيس الجمهوريه وليها ضوابط علشان ميغيرش بمزاجه
2- أعتقد مش محتاجه لأن المجلس العسكرى ممشى الأمور كويس ومفيش أختلاف علىه من أى حد وفاضل 5 أشهر مش مستاهله
3-غير أنى مش مع تغيير حكومة شفيق ( وده رأئى ) لا الجنزورى ولا أى واحد هيوافق يمسك رئيس وزرا لأن على الأقل عنده طموح يمسك رئيس جمهوريه
4-رديت عليها فى النقطه رقم 1
5-البرلمانيه الأول لأن رئيس الجمهوريه بيحلف اليمين قدامها
6-ليه يستقيلوا ؟ بعد الأنتخابات دول ليهم مهمه تانيه مالهاش دعوه بالبلد داخليا
لو شتمت فيك علشان عايز تغيير جذرى يبقى رأئى مالوش أى لازمه لأن عدم أحترام رأيك عدم أحترام لشخصى قبل ما هو لشخصك
أنا أختلف معاك ( والعكس ) براحتى وبراحتك طالما مش بمبدأ لو مش معايا تبقى خاين وعميل
تحياتي أولااقتباس:
المشاركة الأصلية كتبت بواسطة adelseliem
موضوع الشتم ده أنا قرأته على تعليقات الفيسبوك فعلا فيه ناس يبدو انها تضايقت إن الجيش اعتذر، ودخلت تشتم في المتظاهرين، عادي أي حركة ديمقراطية لازم يكون فيها ناس بستبد برأيها وترى أنها فقط على صواب.
النقطة رقم واحد الدستور بعد تعديله سيخالف نفسه لأن الدستور حدد إجراءات تعديله (إما عن طريق رئيس الجمهورية أو مجلس الشعب) لو الدستور اتعدل ممكن أروح تاني يوم الصبح أرفع دعوى أمام الدستورية العليا بعدم دستورية التعديل وهاخد حكم لصالحي، فالإجراء كان متسرعا من المجلس العسكري وكان الأفضل إنه هو نفسه يعلن دستور مؤقت من 12 - 20 مادة يصف فيهم شكل الفترة الانتقالية وجدولها الزمني ويلغي دستور 1971 خالص.
المجلس الرئاسي مهمته إضفاء الصبغة المدنية على الحكم علشان لا يبدو إن الحالة حالة حكم عسكرية... هي مسألة شكلية تعزز المشهد الثوري ليس أكثر.
موضوع استقالة أعضاء المجلس العسكري هذه تكريم لهم لأنهم صنعوا تاريخا جديدا وساهموا في إخراج مصر من النفق المظلم الذي مرت به، وبهذا يجب تكريمهم بجعلهم فوق الرئيس المنتخب، بحيث لا يرأسهم بعد حلفه اليمين وعودتهم إلى ثكناتهم، وفي نفس الوقت لكي لا يشعر الرئيس المنتخب بالحرج منهم إذ أن تصرفهم الحكيم في صالح الثورة يمنحهم شرعية تعادل شرعية الشعب مجتمعا. إذ لولا برهم بقسم ولائهم للشعب لكانت أنهار الدماء تسيل في مصر اليوم كما نرى في ليبيا. وهذا رأيي الشخصي.
إن الله لا يغير ما بقومٍ حتى يغيروا مابأنفسهم
والله لو غير كلاً منّا من نفسه للأفضل لتغيرت مصر كلها للأفضل إن شاء الله
وأنتم شايفين الناس في الشوارع لم تحاول أن تستجيب للتغيير للأفضل ولو من قريب
فوضا في الشوارع وإنتظار صف ثاني وثالث في الطرق ودخول عكسي في الشوارع
وعدم الأحترام لحرمة الشوارع والطرقات وما أفزعني الباعه الجائلين في وسط البلد والفوضى التي أحدثوها
وهذا غير من إستغل الظروف وبنى على أرض زراعيه أو أملاك دوله أو أوقاف
وغير الأستغلال وزيادة الأسعار
فهذه الفئات هي أسوأ أو لا تقل سوأً عن المفسدين والمرتشين والنصابين والحرميه الموجودين في كل مكان ومجال في مصر
فلو حكمنا ملاك من السماء في وجود هذه الفئات في المجتمع فلن تنصلح البلد
موضوع الدستور أعتقد ( لأنى مش ضليع بالدستور ) أكيد اللى بيعملوه حيخلوه قانونى بما يرضى الشعباقتباس:
المشاركة الأصلية كتبت بواسطة د.أبونضال
( أهل مكه أدرى بشعابها )
لو حطيت حسن زعبله فى المجلس هتلاقى محسن فجله بيقول أشمعنى فتحى كوارع مش محطوط وشوف رأى الناس الىى متحطش فى لجنة الدستور الأولى قالوا أيه واللجنه التانيه برضه قالوا أيه
تكريم المجلس الأعلى حصل فعلا من أول بيان قاله ومن تحية الشهداء اللى محدش كان متوقعها وفكر الجيش أنه مش فارق معاه القياده اللى فوقه لأن كلهم بيعملوا شغلهم بغض النظر تحت قيادة مين
لا هما هيتعالوا على الرئيس ولا الرئيس هيحرج منهم
ايوه كده احنا مش اطفال
طبعا صورة الاعتذار من موقع الجيش على الفيس بوك حيث ان امبارح كان هناك اكثر من 34 الف مشاركة بعد نص ليل امس تبستف في حق الجيش
هما فاكرين بالليل ومحدش هيصور بس العيال طلعوا ولاد ايه صوروا بكاميرات التصوير الليلي يعني الجيش كان هيتفضح
انا كتبت لهم رد على الاعتذار وياريت الكل يشارك
الاعتذار ده ضروري علشان النفوس تهدى
بس الاعتذار الحقيقي هو تغيير حكومة شفيق
نصرخ نهاتي نشد في شعرنا
افهمواااااااااا
غيروا حكومة شفيق
وشوفوا مشروع البرادعي اللي عليه اجماع تقريبا
ويتكون من
اعلان دستوري مؤقت يبين فيه مجلس رئاسي مكون من مدنييين وعسكرين
يعني بدل ما المجلس الدستوري مكون من 19 نخليه من سته فقط 3 عسكريين و3 مدنيين من واحد قاضي واثنين خبرا دستوريين
اقالة حكومة شفيق وتكليف حكومة انتقالية من تكنوقراط
انتخاب جمعية تاسيسية لوضع دستور جديد
عرض الدستور الجديد على الشعب وبعد الموافقة
انتخاب رئيس جديد
انتخاب برلمان جديد
هيلفوا ويدوروا وبعدين هينفذوا كلام البرادعي زي ما وضح من اول ايام الثورة فياريت يقصروا علشان الدنيا تبدأ
الاعتذار مش موجود على صفحة الجيش حاليا
شكلهم شالوه
محتاجين اعاده شحن
امسك الاربعه الكبار
جمال يتمنع من السفر هو و عيلته
شفيق يمشى
نعم ؟؟؟؟؟؟؟؟؟؟؟؟؟؟؟؟؟؟
مش مفروض هي دي ؟ http://www.facebook.com/Egyptian.Armed.Forces?sk=app_4949752878#!/Egyptian.Armed.Forces?sk=wall
انا مطمن اوي اوي اوي للجيش يا جماعه
و لكن انا حابب الاول يكون فيه ممثلين للشعب و ينقلوا رغباتهم للمجلس العسكري
او
المجلس العسكري يبدأ يفتح طرق للحوار مع الشعب
و يا جماعه حكومه شفيق استمرت او مشيت
كل الشعب المصري مطالبه واحده و ثابته
و احيي حوارتكم المهذبه
ما شاء الله