عاوزين نراجع معايا واحده واحده كده علشان نتاكد من اسباب المشكله و نقدر نحلها ان شاء الله0126880055
عاوزك تتاكد من الخرطوم البنزين قلى رايح لكربرتير ميكونش فى تسريب هتلاقيه تحت العمه اتاكد من القفيز مربوط كويس
الخرطوم ميكونش فيها ثقب او شق لانه مع السخونه بيشقق ده تشوفه ازاى دور العربيه على السلانسيه و افتح الكبوت و راجع على وصلات خرطوم البنزين
عاوزك تراجع على الشكمان معليش خليك معايا انتا لتقول الشكمان كويس بس انا بعطيلك احتملات دور العربيه على السلانسيه و سد الشكمان باى حاجه لازم العربيه تبطل يبقى كده تمام لو مبتطلتش يبقى فى ثقب او بروم واكله الشكمان من تحت و اتاكد انو مفيش كيس بلاستيك او بلاستك لازق فى اى حته فى الشكمان لانه مع الحراره بتطلع رايحه طول منتا ماشى
انتا بتقول و انا على مثلا 100 ك الريحه بتشمها طيب لو على 60 او 50 او 20 بيبقى مفيش رايحه
راجع على خرطوم الفايظ متركب و له مش متركب ده هتلاقيه عكس خرطوم البنزين بتاع الكربرتير الناحيه التانيه
طبعا انا استبعد انو العربيه بطلع دخانه بيضاء لانه حضرتك بتقول الزيت مبينقص.
و الله الموافق جرب كده و قولى و لو لقيت سبب غير قلى قولته ياريت تيبقى تقوله علشان يبقى مرجع نرجع فيه للاعضاء
بعد كده
و الله المستعان
م / احمد سيد
المفضلات