السلام عليكم و رحمة الله و بركاته
قدر الله و ما شاء فعل و ان شاء الله تكون خير و الحمد لله أنا جت على أد كده.
أنك تنزل الصبح, تلاقى عربيتك مخبوطة, بيبقى احساس زبالة و بالذات لو كنت راكنها فى حتة مش ملطش و كمان مغطيها, بتبقى حاجة تغم:untitled 1::untitled 1:.
فكرتنى مرة, من 5 سنين, بعد ماشديت العربية سمكرة و دوكو وكنت نازل مرة الصبح مسافر القاهرة و أنا عالطرق قبل ماطلع من المنصورة, قلت أما أشحم العربية من تحت و فرصة المشحمة فاضية, المهم بعد مالراجل رفع العربية و الرفرف الأمامى ناحية السواق بقى فى مستوى نظرى, لقيته مخبوط, لأول وهلة, اعتقدت أن دى مش عربيتنا و فضلت مذهول شوية لحد مارضيت بالأمر الواقع و صدقت عينى و اقتنعت فعلا أنها مخبوطة, الظريف أن قبل ماكتشف الخبطة بكام يوم, كنت معدى جمب العربية و هى متغطية و لقيت الغطا -اللى كان لسه جديد- مقطوع من المكان ده و أنا بكل حسن نية, قمت جايب خيط و فتلة و مخيطه!!!!! و ماكتشفتش الخطبة و اعتقدت بحسن نية, أن القطع سببه قطة طلعت عليه.
بعد كاااااااااااااااااااااام يوم, واحد جارى, شافنى و أنا بكشف العربية, قاللى, هى دى عربيتك؟؟؟؟, قلتله, آه, قاللى, أصل أنا و أنا راجع بضهرى خبطتها:10_1_102v[2]::10_1_102v[2]::oops1::oops1:, عالعموم, أنا مستعد لأى تكاليف, قلتله, لا يا باشا, ولا يهمك, أصله جارى بقاله بتاع 25 سنة, هقوله ايه :Oc_sun1[1]:.
ربنا ييسر لينا طريقنا ان شاء الله.